1 TESALONIKA 3:4 - Wunta Mempori

⁴ Hangano, tempono mbo'u kimperonga-ronga saru omiu, kimempauakomiumo, nine kita mpompembasai masusaa. Ka mongkona atuu, kana imento'orio, gagiomo.

1 TESALONIKA 3:4 ပူးပေါင်းရင်းမြစ်များ

I MATIU 24:25

Impe'ihilaroo, se'eluomo Kupauakomiu.

WINEWEUDO TINENA 17:1

I Paulu ka i Silasi montonda sala lumaloo kota Ampipoli ka Apolonia ka dohawe i Tesalonika. I tu'ai hinao aasa raha tepumpuado to Yahudi.

WINEWEUDO TINENA 17:13

Sine mansado mento'orio to Yahudi inso i Tesalonika, nine ipaleleomo mbo'u i Paulu pau-Do Ue Ala i Berea, mehawe iramo mbo'u i ra'ai mpomposingki ka mpokodanggarao aroado mia hadio.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

1 TESALONIKA 2:14

Hangano omiu, pepaekompo luwu-luwu, gagi komiumo mentonda ira bawaa-Do Ue Ala i Yudea, luwuno bawaa ndi Ondae i Kerisituu Yesu, hangano memarasai komiumo mbo'u inso a mpe'asa tongkumiu luwuakoano anu pinemarasaido inso a nto Yahudi.

1 TESALONIKA 2:2

Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.

2 TESALONIKA 2:5

Nahi impewowolooke, nine mongkona atuu mararuomo kupauakomiu, tempono da kupe'asaa komiu?

2 TESALONIKA 3:10

Hangano, tempono mbo'u kimekongko i olomiu, kime'oliwiakomiu andio: tewala asa mia nahi behe mo'angga, siimo ipongkaa.