1 TESALONIKA 2:9 - Wunta Mempori

⁹ Hangano da impewowoloo, pepaekompo luwu-luwu, peteahakomami ka pe'iseimami. Mpo'angga kami meene wongi, ka si gagi pokonsusano isemamo koa i olomiu, kimempaleleo ndi omiu Lele Mawongkoa inso ndi Ondae Ue Ala.

1 TESALONIKA 2:9 ပူးပေါင်းရင်းမြစ်များ

2 Mokole 6:2

Moikoomo kami melako a ngkoro Yarade ka i ra'ai singge mia mo'ala asa sobo, ka kami mpoweweu po'ianga i ra'ai.” Sumangki i Elisa, ”Imelakomo.”

Nehemia 5:15

Luwuno bupati se'eluno anu mese'elungi aku tedoa mokomobea ira palili. Luwuno bupati atuudo mpo'ala inso a mpalili pato pulu sikala salaka ilarono asa oleo tamoako kaanga ka anggoro. Tamoako miado mokonsii ira palili. Sine, nahi kupoweweu kanatuu hangano kudoitoako Ira Ue Ala.

Nehemia 5:18

Sompo oleo kupinatindaako asa sapi, onoo inso a asa bawaa bembe bimba anu tebiniki ka ba opia manu-manu ka mperupa-rupa anggoro anu hadio ntu'u sompo hopulu oleo. Sine i larono luwuno atuu, nahi kupo'ema kaanga anu gagi tiano bupati, hangano anggaa atuu tedoa mokomobea ira palili.

Po'unde-unde 32:4

hangano meene wongi kae-Miu dumanso aku mobea, rosoku molema, kana rinaramiako mokulano tempo motu'i-tu'i. Sela

Po'unde-unde 88:1

Penani. Penani po'unde-undeno inuleno i Kora. Tiano petewawa mpenani. Montonda nanino Mahalati Leanoti. Penani pompaguruno i Hemani, to Eserahi.

Powadi 31:18

Ito'orio nine usahano hinao untuno, i tempono wongi pelitano nahi mate.

Yeremia 9:1

Ande-andeno uluku insoano uwoi, ka mataku sirikino uwoi mata, meene wongi aku mengesei ira mia anu mempinepate inso i olodo ana beineno tongkuku!

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

I LUKASI 2:37

ka kanandio-andio onae tuwu beine ka tinuwuno halupulu ka opaa nta'u. Nahi hori bintao Raha-Do Ue Ala meene ka wongi mesomba saru mepuasa ka mekakai.

WINEWEUDO TINENA 18:3

Ka hangano mengkena po'anggaado, mo'iaomo saru ondae. Mo'angga ira meronga-ronga, hangano pada ira puu mpoweweu kema.

WINEWEUDO TINENA 20:24

Sine maupo tedei nahi kuperioo penaaku, polomo koa ka kupokohaweo garesi pokotompa ka moko'umario anggaa anu Dotenaakune Ue Yesu ka kupesakosii mongkona Lele Mawongkoa pompehohawa-Do Ue Ala.

WINEWEUDO TINENA 20:31

Onaemo pu'uno impentangkoromo ka impewowoloo, nine ongkue otolu nta'u tehineno, meene wongi, nahi kupenaa-naa patudu komiu nte'o'asa mia meronga uwoi mata.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 15:16

onaemo nine moiko kugagi puu pompekakaako-Do i Kerisituu Yesu a luwuno tongku komba to Yahudi a pompekakaakoa mompalele Lele Mawongkoa-Do Ue Ala, ka Dotarima ira koa Ue Ala luwuno tongku komba to Yahudi gagi pesomba anu Dopemoikoo, anu pinokomempori-Do Penaa Mempori.

ROMA 15:19

hangano pabawano luwuno petondoni ka anu mengkinohali-haliako ka hangano pabawa-Do Penaa. Kanandiomo a laro pelempaa sumompoo wita inso i Yerusale hawe i Ilirikumi kupaleleomo luwu Lele Mawongkoa-Do i Kerisituu.

1 KORINTI 4:12

anggaa anu mobea kime'anggaakono kaemami. Tewala mempinepaukiako kami, mporonso kami; tewala mewineweunsa'o kami, mensabara kami;

1 KORINTI 9:15

Sine nahi kuhori mompake maupo te'asa inso a luwuno pabawa atuu. Kuburio luwuno andio, komba ka kuwineweu mbo'u kanandio. Hangano lalukupo mate sekonopo moweweu kanatuu! Mentee ntu'u, anu kupo'undeakono nahina moko'onini maupo isemamo koa!

1 KORINTI 9:18

Tewala kanandio hapake tamboku? Tamboku onaemo andio: nine moiko kupompalele Lele Mawongkoa nahina tambo, ka nine nahi kupompake pabawaku kana pompalele Lele Mawongkoa.

1 KORINTI 9:4

Nahi moikoke ba kipongkaa ka mo'inu?

2 KORINTI 11:27

Hadio pe'iseiku ka mo'angga mobea; mararu nahi kupoturi; mokoninggo aku ka mokoranga; mararu kupuasa, mokoseo ka nahi kupesangka,

2 KORINTI 11:9

Ka tempono ongkue a laro makuraa i tonga-tongamiu, nahina maupo te'asa mia pinokomasusaku, hangano hapa anu makura ndi ongkue, dompokosompoo pepaekompo anu mehawe inso i Makedonia. A luwuakoano kutangkoroo koroiku, ka si kupokonsusa komiu, ka aku koa mpiha moweweu kanandio.

2 KORINTI 6:5

monsusuru kona nsepi, a laro torungku ka marisua, a mpe'iseia mo'angga, petangkoromo ka puasa;

PILIPI 4:16

Hangano maupo i Tesalonika pohonamo impo'oliwiakune petulungi.

1 TESALONIKA 1:3

Hangano kiwela merambeo po'anggano pompe'ala-alamiu, inanggano pompehohawamiu ka modatono pomperorohimiu ndi Ondae Ueto i Yesu Kerisituu i aro-Do Ue Ala ka Amato.

1 TESALONIKA 2:2

Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.

1 TESALONIKA 2:6

komba hori kami mbo'u mpo'ungke po'unde-unde inso a mia, moiko inso ndi omiu, maupo inso a luwuno mia susua, maupo kimpokompoweweu kanatuu kana tinena-Do i Kerisituu.

1 TESALONIKA 3:10

Meene wongi mpekakai kami ntu'u, ka tontepohawe rupa pada rupa ka tumiangio hapa anu da makura a pompe'ala-alamiu.

1 TIMOTIU 1:11

anu me'empehiako Lele Mawongkoa inso ndi Ondae Ue Ala anu maramba ka tekona inunde-unde, kana anu pine'ala-alaako ndi ongkue.

1 TIMOTIU 4:10

Onaemo pu'uno ka tompe'isei ka mpeteahako, hangano mpomperorohi kita ndi Ondae Ue Ala anu tuwu, Puu pongkaduduido luwuno mia, tamoako lahi ondae anu mpompe'ala-ala.

1 TIMOTIU 5:5

Sekono aasa tuwu beine anu mentee ntu'u tuwu beine, anu bininta asa-asano, momperorohi ndi Ondae Ue Ala ka mokua mo'ema ka mekakai meene wongi.

2 TIMOTIU 1:3

Montarimakasi aku ndi Ondae Ue Ala, anu kupekakaako Ira a ponto'orino aroa anu molino kana anu wineweudo uempu'uku. Ka kuwela mewowoloko a laro mpekakaiku, moiko meene maupo wongi.