1 TESALONIKA 2:8 - Wunta Mempori

⁸ Kanatuumo omami, a pompehohawa anu langkai ndi omiu, komba butu inehemami mpontiaakomiu Lele Mawongkoa inso ndi Ondae Ue Ala, sine tuwumami mbo'u, hangano kimpehohawa komiumo.

1 TESALONIKA 2:8 ပူးပေါင်းရင်းမြစ်များ

I LUKASI 7:2

I tu'ai kongko aasa petewawado sorodadu anu hinao asa mia atano, anu tedoa ituduo. Ata atuu kontongaano mahaki me'isei ka ilawu mate.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

ROMA 10:1

Pepaekompo, po'eheno aroaku ka pekakaiku ndi Ondae i Ue onaemo, ka domengkinadudui.

ROMA 15:29

Ka kuto'orio, nine tewala aiwa aku tepohaweakomiu, aku hawe bukeako poronso-Do i Kerisituu.

2 KORINTI 12:15

Onaemo pu'uno ineheku meweengakono arataaku, sekonopo koroiku kupeweengakono hangano omiu. Gaagi tewala tedoa kupehohawa komiu, tekona koake ka ikomaku-makurano kupinehohawa?

2 KORINTI 6:1

Gagi wali-wali mpe'asa mpo'angga, kime'emao ntu'u ndi omiu, ka si meweweuo gagi nahi mentudu pompehohawa-Do Ue Ala, anu imentarimaomo.

GALATIA 4:19

Hei anaku, hangano omiu ka kupe'i'isei kana mahaki me'ana mbo'u, hawe rupa-Do i Kerisituu gagi mengkaa i laromiu.

PILIPI 1:8

Hangano Ondae Ue Ala sakosiiku ba kana'umpe kutedoa kumekewoiakomiu luwu pompehohawa-Do i Kerisituu Yesu.

PILIPI 2:17

Sine maupo ka i'inuwu reaku a mpesomba ka pesomba pompe'ala-alamiu, mawongko aroaku ka mawongko aroaku saru omiu luwu.

PILIPI 2:20

Hangano nahina te'asa mia ndi ongkue, anu me'asa aroa ka pinewowolo saru ongkue ka anu merioo ntu'u moikoamiu;

PILIPI 4:1

Onaemo pu'uno, pepaekompo anu pinehohawaku ka anu kinekewoiku, po'undeku ka ramba-ramba uluku, impentademo mbo'u temoroso ndi Ondae i Ue, hei pepaekompo anu pinehohawaku!

KOLOSE 1:28

Ondaemo anu pinalelemami, tewala sompo-sompo mia kimempatudu ira ka sompo-sompo mia kimempaguru ira a luwuno ponto'ori, ka kiwawa ira sompo-sompo mia a morosono pompe'ala-ala ndi Ondae i Kerisituu.

KOLOSE 1:7

Luwuno atuu imento'oriomo inso ndi Eparasi, walimami pompekakaako anu pinehohawamami, anu ndi omiu onaemo puu pompekakaako-Do i Kerisituu anu metenunu.

KOLOSE 4:12

Tabeano i Eparasi ndi omiu; onae asa mia inso i olomiu, tetenaa-Do i Kerisituu Yesu, anu mokua wela mekakaiakomiu, ka imemoroso mpentade, gagi mia anu sompo tinuwudo ka anu mpe'ala-alao ntu'u luwuakoano anu po'ehe-Do Ue Ala.

PILEMO 1:1

Inso ndi Paulu, asa mia hinuku hangano Ondae i Kerisituu Yesu ka inso ndi Timotiu pepaekompoto, hawe ndi Pilemo anu pinehohawa, pe'asa mpo'anggamami

IBARANI 13:17

Imperorongeako ira petewawamiu ka impetenunumo ndi ondae, hangano ondae medagaio sumangamiu, gagi mia anu asalakono sumusuruo. Ba kanatuu ira memawongko meweweuo, komba dompenaarunseakono, hangano mongkona atuu nahi ta mowawaakomiu ura.

1 YOHANE 3:16

Kanandiomo tomento'orio pompehohawa-Do i Kerisituu, onaemo nine Dopeweengakonomo penaa-Do tiato; gaagi ontae mbo'u asalakono tompeweengakono penaato tiado pepaekompoto.