1 TESALONIKA 2:4 - Wunta Mempori

⁴ Tendeano, hangano Dopetekona kamimo Ue Ala ka kimempine'ala-alaako Lele Mawongkoa, onaemo pu'uno ka kimpepau, komba mokomawongko ira mia, tendeano mokomawongko Ira Ue Ala anu umara-arahakono aroato.

1 TESALONIKA 2:4 ပူးပေါင်းရင်းမြစ်များ

1 Mokole 8:39

Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,

2 Mokole 16:16

Sando mpesomba Uria weweuo mengkena kana anu doparentaakono mokole Ahasi.

1 Tawarika 29:17

Kuto'orio, oo Ue Alaku, nine Omiumo anu umara-arahakono aroa ka memoikoo moleoa, onaemo ka kupesombaakono luwuno atuu a moleono aroa. Kanandio-andio bawaa-Miu anu mehawe i ndi'ai kukita iramo mpompowee pesomba ndi Omiu a moleono aroa ka mawongko.

Po'unde-unde 139:23

Iparesa akumo, oo Ue Ala, ka Ito'oriomo aroaku, I'arahakunemo ka Ito'oriomo luwuno pinewowoloku;

Po'unde-unde 17:3

Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,

Po'unde-unde 44:21

Ande-andeno kimengkolupeo nee-Do Ue Alamami, ka mentandeo kaemami a mpinesombai susua,

Po'unde-unde 7:9

Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Yeremia 17:10

Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”

Yeremia 32:19

langkai a laro ntinoo-Miu ka maramba a wineweu-Miu. Mata-Miu tewile kumitao luwuno peleludo anano mia anu paguruo sompo mia menunu saru peleluno ka menunu saru wuano wineweuno.

Podoaa 27:16

”Po'ineeomo Ondae iUe, Ue Alano penaa a luwuno anu tuwu, Ipompotoromo te'asa mia a bawaa andio

I LUKASI 12:42

Sumangki Ira i Ue, ”Gagi, isemake anu metenunu mompekakaako raha ka pande mosongka anu ta motoroo ueno gagi petewawa a luwuno atano ka ipoweeako ira kaanga a tempono?

I LUKASI 16:11

Gaagi, tewala nahi mpetenunu a ngkaeaa anu molengku, isemake anu ta me'ala-alaakomiu arataa anu menteeano?

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

ROMA 8:27

Ka Ondae Ue Ala anu mepenteeo laro aroa, tumo'orio tinoo-Do Penaa atuu, onaemo nine Ondae, mekakaiako ira mia mempori menunu saru po'ehe-Do Ue Ala.

1 KORINTI 7:25

Kanandio-andio mongkona luwuno ana beine. Mongkona ondae nahi kupohawe parenta inso ndi Ondae i Ue. Sine kupauo pohaweno aroaku kana asa mia anu pine'ala-ala hangano pe'aroa anu tinarimano inso ndi Ondae Ue Ala.

1 KORINTI 9:17

Tewala mansa kuweweuo montonda po'eheku ongkueku, lano tekona kupontarima tambo. Sine hangano kuweweuo komba montonda po'eheku ongkueku, pompalelea atuu onaemo anggaa anu kupinopotembiako.

2 KORINTI 2:17

Hangano nahi kimpengkena saru hadio mia susua anu mpo'ungke urado inso a mpau-Do Ue Ala. Tendeano ndi Ondae i Kerisituu kimempauo a menteeano saru luwuno tinoo anu molino a mpetena-Do Ue Ala ka i aro-Do.

2 KORINTI 4:2

Sine nahi kimentarimao luwuno wineweu tewuni anu mompokoko'ii; nahi kimpompopo'oo ka nahi kimebalio pau-Do Ue Ala. Tendeano kimpokomengkaao menteea ka hangano kanandio kimpeweengakono koroimami ka domentimbangao luwuno mia i aro-Do Ue Ala.

2 KORINTI 5:11

Kimento'orio hapa pengkonaano doitoako Ira i Ue, onaemo pu'uno ka kimpeteahako mokomanasaako ira mia. Ndi Ondae Ue Ala aroamami mengkaa saru mewine ka kuperorohio aroamami mengkaa koa mbo'u kanandio a mpontimbangamiu.

2 KORINTI 5:16

Onaemo pu'uno nahi kimengkitao maupo te'asa mia montonda pompewowolono mia. Ka tewala hori kami kumita Ira i Kerisituu montonda pompewowolono mia, kanandio-andio nami kimengkita Ira mbo'u kanatuu.

GALATIA 1:10

Gaagi kana'umpe kanandio-andio: ku'ungkeoke anu inehedo mia ke anu inehe-Do Ue Ala? Mo'arahako akuke ka dome'ineheakune mia? Tewala da mo'arahako aku ka dome'ineheakune mia, ongkue komba tetenaa-Do i Kerisituu.

GALATIA 2:7

Sine tendeano, mansado mengkitao nine pine'ala-alaakoomo ndi ongkue pompalelea Lele Mawongkoa a mia nahi dompetindi, mengkena kana ndi Peturu a mia mpetindi

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

EPESU 6:6

si komba butu i arodo ka isanaa aroado mia, sine kana tetenaa-Do i Kerisituu anu meweweuo po'ehe-Do Ue Ala tompaano aroado,

KOLOSE 3:22

Hei luwuno ata, impetenunumo a uemiu anu i wawontolino andio a luwuakoano, si komba butu mokonsanaa ira i arodo, tendeano a moleono aroa hangano doitoako Ira i Ue.

1 TIMOTIU 6:20

Hei Timotiu, pekariaomo hapa anu umariomo upine'ala-alaako. Olaiakono pau anu nahina tuduno ka anu nahi mempori ka luwuno teposisalaa anu mepu'u inso a hapa anu pinau ponto'ori,

2 TIMOTIU 1:14

Pekariaomo arataa anu tekosi, anu Dope'ala-alaakitamo, hangano Penaa Mempori anu mo'ia i laroto.

2 TIMOTIU 2:2

Hapa anu urongeomo inso ndi ongkue i arodo hadio sakosii, pe'ala-alaakonomo atuu a mia anu tekona domempine'ala-ala, anu mempande koa mbo'u mpompaguru mia susua.

TITU 1:3

ka a tempo anu po'ehe-Do Dopokomengkaaomo pau-Do a pompalelea Lele Mawongkoa anu kupine'ala-alaako menunu saru petena-Do Ue Ala, Puu pongkaduduito.

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

MENGKAAA 2:23

Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.