1 TESALONIKA 2:2 - Wunta Mempori

² Sine maupo se'eluno omami, kana imento'orio, mebinobarasai kamimo ka mempinokongkodei i Pilipi, sine hangano pontulungi-Do Ue Alato, memosia kami mempaleleo ndi omiu Lele Mawongkoa inso ndi Ondae Ue Ala a laro mperokuhi anu mobea.

1 TESALONIKA 2:2 ပူးပေါင်းရင်းမြစ်များ

WINEWEUDO TINENA 14:3

I Paulu ka i Baranaba mo'ia ba opia tempo tehineno i tu'ai. Mosia ira mompaguru, hangano dope'ala-ala Ira i Ue. Ka Dopokorosoo i Ue lele mongkona pompehohawa-Do ka moweeako ira pabawa moweweu hadio petondoni ka anu mengkinohali-haliako.

WINEWEUDO TINENA 14:5

Ka mpompu'u iramo mia anu nahi domento'ori Ira Ue Ala ka to Yahudi mperonga saru luwuno petewawado ira memoroko bobarasai ira ka mewunoako ira watu orua tinena atuu.

WINEWEUDO TINENA 16:12

inso i tu'ai melako kami i Pilipi, kota amba-ambano i wita Makedonia andio, aasa kota lakoado mpo'ungke tuwua to Roma. A ngkota atuu mpo'ia kami ba opia oleo.

WINEWEUDO TINENA 16:19

Tempono domengkitao ueno beine atuu, nine tampulaomo pohaweado anu pinerorohido, domerako ira i Paulu ka i Silasi, ka do'amba rumende ira melako a olu wawa ira i arodo anu mempabawa.

WINEWEUDO TINENA 16:37

Sine ipotaeako ira i Paulu mia atuudo, ”Omami to Roma nahi domensikeno kami domensepi kamimo, ka do'amba mpetendeakami a laro torungku. Kanandio-andio ira meluarako kami mpenoro-noro? Si kanatuu! Po'ineeomo ka dome'aiwa ondaedo ka dowawa kami meluarako.”

WINEWEUDO TINENA 17:1

I Paulu ka i Silasi montonda sala lumaloo kota Ampipoli ka Apolonia ka dohawe i Tesalonika. I tu'ai hinao aasa raha tepumpuado to Yahudi.

WINEWEUDO TINENA 17:17

Onaemo pu'uno a raha tepumpua onae mambetobosi pinewowolo saru to Yahudi ka mia anu medoitoako Ira Ue Ala, ka a olu sompo oleo saru mia anu tepohaweno i tu'ai.

WINEWEUDO TINENA 19:8

I larono otolu wula i Paulu wela lumako a raha tepumpua i tu'ai ka mosia mompaguru. Hangano pompaleleno i'ungkeakono mokomanasaako ira mongkona Poparentaa-Do Ue Ala.

WINEWEUDO TINENA 4:13

Mansado mengkitao anu teriso atuu mosiado i Peturu ka i Yohane ka domento'orio, nine orua ira atuu mia anu komba hinao sikolado, mengkohali-hali iramo; ka domento'orio orua ira atuu anu tumonda Ira i Yesu.

WINEWEUDO TINENA 4:20

Hangano komba kami komino ka nahi kipepau mongkona hapa anu kinitamami ka anu kirongeomo.”

WINEWEUDO TINENA 4:31

Ka tempono kontongaado mpekakai, leluomo po'iangado mpepumpu atuu ka mebukeako ira luwu Penaa Mempori, ka i'amba memosia iramo mempaleleo pau-Do Ue Ala.

WINEWEUDO TINENA 5:41

Domebintao tinena atuu terisoado Puu Mpobitara Agama saru mawongko aroado, hangano pinetekona iramo mpembasaio mokoko'iia hangano Nee-Do i Yesu.

ROMA 1:1

Inso ndi Paulu, tetenaa-Do i Yesu Kerisituu, anu pinoboi gagi tinena ka pinokomempori ka ipaleleo Lele Mawongkoa inso ndi Ondae Ue Ala.

2 KORINTI 3:12

Hangano mpomperorohi anu kanandio, onaemo ka kimemosia mpepau,

KOLOSE 2:1

Hangano ineheku, ka imento'orio, ba kana'umpe mobeano kupeteahakoakomiu, ka ondae anu i Laodikia ka luwuno, anu napi domento'ori aku,

1 TESALONIKA 1:5

Hangano Lele Mawongkoa anu pinalelemami komba butu pinohaweako pau ndi omiu, sine saru koa mbo'u roso hangano Penaa Mempori ka saru aasa manasaa anu moroso. Lano imento'orio, ba kana'umpe kimpo'angga i olomiu hangano omiu.

2 TIMOTIU 1:12

Onaemo pu'uno ka kupemarasaio luwuno andio, sine nahi mokoko'iiku; hangano kuto'orio ndi sema kupompe'ala-ala ka kupe'ala-alao nine Ondae pabawa mekariao hapa anu Dope'ala-alaakunemo ranta a oleo-Do i Ue.

YUDASI 1:3

Luwuno pepaekompo anu kinekewoiku, kontongaaku mompesu'ui meteahako buriakomiu mongkona tekaduduiato luwu, telelu aroaku burio andio ndi omiu ka mompauakomiu, ka imekongko koa mpiha mpeteahako mengkorahakono pompe'ala-ala anu pinohaweomo a luwuno mia mempori.