1 Tawarika 9:1 - Wunta Mempori

¹ Luwuno to Isaraeli teburi a laro potudano tumuwu. Needo teburi a laro wuntado luwuno mokole i Isaraeli. Kanatuumo to Yehuda mewinawa a pontadia i Babeli, hangano nahi dompetenunu.

1 Tawarika 9:1 ပူးပေါင်းရင်းမြစ်များ

1 Mokole 14:19

Toreano inso a nteweweuno i Yerobea, kana'umpe ipe'iwali ka kana'umpe ipoparenta, menteeano teburi a wunta tutuludo luwuno mokole i Isaraeli.

2 Mokole 24:14

Iwawao luwuno palilino Yerusale a pontadia, luwuno tadulako sorodadu ka luwuno puu mpetea anu moroso ka mosia, hadiono hopulu nsowu mia tinawa, luwuno mbo'u puu mpo'angga ka puu mpolabu. Nahina bininta sangkadio mia memongkokolaro inso i olono palili.

2 Mokole 24:15

Iwawao i Yoyakini a mpontadia i Babeli. Inedo mokole iwawao mbo'u, luwuno beinedo mokole, luwuno pegawai langkanaeno ka luwuno petewawa gagi mia tinadi i Babeli inso i Yerusale.

2 Mokole 24:16

Luwuno mia anu moroso ka mosia, pitu nsowu mia hadiono, luwuno puu mpo'angga ka puu mpolabu, asa nsowu mia hadiono, luwuno puu mpetea anu moroso metea, iwawa ira mokoledo to Babeli gagi mia tinadi i Babeli.

1 Tawarika 8:40

Luwuno anano i Ulami, onaemo luwuno sorodadu anu moroso ka mosia, puu mpompana. Ana'uedo hadio, porokono asa etu lima pulu mia. Luwudo tewinso inuleno i Benami.

2 Tawarika 33:11

Ka Do'amba i Ue tumenaako ira luwuno tadulako sorodaduno mokole Asuri. I Manase domerakoakono kai, memponguakono rante mala ka domewawao i Babeli.

Esera 2:1

Ndiomo luwuno mia i wita atuu anu mpekule inso a mpo'iangado mentinawa, anu i ndi'ipua mewinawa i Babeli, iwawa ira i Nebukanesa, mokole i Babeli, ka anu mpekule i Yerusale, i wita Yehuda, a sompo-sompo kotado.

Esera 2:59

Ndiomo luwuno mia anu mpekule inso i Teli-Mela, Teli-Harisa, Kerubi, Adani ka Imere, sine ondae nahi dompopokitao tondonino nine ondae tewinso inuledo to Isaraeli:

Nehemia 11:1

Luwuno petewawa tongku rodo i Yerusale, sekono palili susuano pontende undi kai tebiniki asa mia inso a hopulu mia anu ta rodo i Yerusale, kota anu mempori atuu, ka osio mia a ngkota anu susua.

Nehemia 7:5

Ondae Ue Ala lumeluo aroaku pumpu ira mia pinemota'u, anu mempabawa ka palili, ka domebinuri a mpotudano tumuwu. Ka ku'amba humaweo wunta buriano potudano tumuwudo mia anu ntese'elu mpelungka mpekule. A wunta buriano atuu kuhaweo teburi:

Nehemia 7:64

Ondae atuu memparesao ba teburi needo a mpotudano tumuwu, sine hangano nahi domehaweo atuu, onaemo kadomepinokomengkaa nahi mempori gagi sando mpesomba.

Yesaya 3:2

puu mpetea ka sorodadu, puu mpobitara ka nabi, anu mompau nahi manasa ta gagi ka mia memota'u,

Yeremia 13:19

Luwuno kota i wita Nege tinondoomo, ka nahina maupo te'asa mia umungkahio. Luwuno to Yehuda mewinawa a pontadia, luwuno mewinawa a pontadia.

Yeremia 39:9

Ka i'amba i Nebusaradani, petewawa sorodadu podagai mokole, wawa ira palili anu da mentuwu a pontadia i Babeli anu da mpo'ia i kota atuu ka luwuno mia anu mpe'alaako ndi ondae saru palili susuano anu da mentuwu.

Danieli 1:2

Ondae i Ue meweengakono i Yoyakimi, mokoledo to Yehuda, ka asa ntia parewa a Raha-Do Ue Ala a ngkaeno. Luwuno atuu iwawao i wita Sineari, a raha mpesombaano. Parewa atuudo inaao a laro mponaapa arataa pinesombaano.