1 Tawarika 4:10 - Wunta Mempori

¹⁰ I Yabesi mebooli ndi Ondae Ue Alado to Isaraeli, ipotae, ”Po'ineeomo ka Ironso aku tehadio ntu'u ka mokomolueo witaku. Po'ineeomo kae-Miu kumongkomi aku ka dumagai aku inso a masolaa, ranta nahi sepi aku mahakia!” Po'emano atuu Do'induo Ue Ala.

1 Tawarika 4:10 ပူးပေါင်းရင်းမြစ်များ

Tegagia 12:2

Aku weweuko gagi tongku anu langkai, rumonsoko, saru weweuo neemu telele, ka omue kogagi ronso.

Tegagia 12:8

Ka i'amba inso i tu'ai onae melimba a mentorukuno i sabaano oleo Beteli. Ipasao kemano i olono Beteli i sumooano oleo ka kota Ai i sabaano oleo. Ka i'amba i tu'ai iwanguo meda pontunua pesomba ndi Ondae i Ue ka moboio nee-Do i Ue.

Tegagia 28:20

Ka i'amba i Yako montanga, ”Tewala Ondae Ue Ala kumongkomi aku ka dumagai aku a nsala anu tinondaku andio moweeakune roti ka kumpongkaa ka sangka ka kupesangka,

Tegagia 28:21

ranta ka kupekule tekadudui a rahado amaku, ka Ondae i Ue Ira gagi Ue Alaku.

Tegagia 32:26

Motaeomo mia atuu, ”Po'inee akumo lumako, hangano tebosiomo towea.” Sumangki i Yako, ”Nahi aku mo'ineekomiu lumako tewala nahi ironso aku.”

Tegagia 32:27

Mesikenoomo mia atuu ndi onae, ”Isemake neemu?” Isangkio, ”I Yako.”

Tegagia 32:28

Ka i'amba motae mia atuu, ”Neemu nahi ta pinau mbo'u i Yako, sine i Isaraeli, hangano melulukukomo umewai Ira Ue Ala ka mia, ka omue monangi.”

Tegagia 33:20

Iwanguo meda pontunua pesomba i tu'ai ka numeeakono, ”Eli onaemo Ue Alado to Isaraeli.”

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

1 Tawarika 16:8

Pontarimakasimo ndi Ondae i Ue, pebooliakonomo nee-Do, popoto'oriomo winewu-Do i olono luwuno tongku!

1 Tawarika 4:11

I Kelubi, pepaekompono i Suha, hinao anano i Mehiri; onaemo amano i Esitoni.

1 Tawarika 4:9

I Yabesi, lalu pinelangkai sekonopo luwuno pepaekompono. Ineno moponeeo i Yabesi, hangano ipotae, ”Kupemahakio me'anaakono.”

Ayubi 12:4

Ongkue gagi pengingisiado pe'asa miaku, ongkue, anu mebooli ndi Ondae Ue Ala ka mohawe sangkino, ongkue anu mentee ka moleo gagi pengingisia.

Po'unde-unde 119:173

Po'ineeomo kae-Miu gagi tumulungi aku, hangano kubinikio luwuno parenta-Miu.

Po'unde-unde 121:7

Ondae i Ue Ira dumagaiko a luwuno masolaa; Ira dumagaio penaamu.

Po'unde-unde 145:19

Ondae umihiio po'eheno mia anu doitoako Ira, merorongeakono peraalido mpepetulungi ka kumadudui ira.

Po'unde-unde 21:4

Hangano Omiu tumotowoakono ronso anu hadio ntu'u; Omiu monaa ramba-ramba ulu inso a wulaa mpena a wawo uluno.

Po'unde-unde 51:12

Ipokogagiomo aroa anu molino ndi ongkue, oo Ue Ala, ka Ipokowo'ohuakonomo penaa anu moroso laro aroaku!

Po'unde-unde 51:8

Menteeano, Omiu memoikoo moleo aroa, ka nahi teto'ori Omiu pauakune ponto'ori anu mentee.

Po'unde-unde 55:16

Po'ineeomo matea sumapoi ira, po'ineeomo dompetii kotuwu-tuwu a laro tolinodo mia mate! Hangano mosa'oa kongko a mpo'iangado, oo i laro aroado.

Po'unde-unde 65:2

Pototono tia-Miumo po'unde-unde, oo Ue Ala i Sioni. Ndi Omiumo mia mpo'owahi tinanga,

Po'unde-unde 72:17

Po'ineeomo neeno ka ipo'ia mpiha, po'ineeomo neeno ka itepahe teto'ori i larono oleo metanggolili. Po'ineeomo luwuno tongku mambe ronso a neeno, ka mpotaeakono me'ura.

Po'unde-unde 99:6

I Musa ka i Haruni tewinso sando mpesomba-Do, ka i Semueli tewinso mia anu mebooliakono nee-Do. Mpebooli ira ndi Ondae i Ue ka Dosangki ira.

Powadi 10:22

Poronso-Domo i Ue anu mompokogagi kaea, pe'isei nahi ta tumiangio.

Powadi 30:8

Ipoko'olaio inso ndi ongkue molengkua ka pegaupi. Si poweeakune mongkokolaro ke kaeaa. Ipo'ineeomo ka kukaano kaanga anu gagi tiaku.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 41:17

Mia memarasai ka mia memongkokolaro mpo'ungke uwoi, sine nahina, elodo motu'i mokoranga; sine Ongkue, Ue, Aku sumangki ira, Ongkue, Ue Alado to Isaraeli, nahi Aku binta ira.

Yeremia 33:3

Peboolimo ndi Ongkue, asalakono Aku sumangkiko ka pauakomu mongkona wineweu anu langkai anu nahi pinokonto'ori, mongkona wineweu anu nahi uto'orio.

I MATIU 26:75

Onaemo ka irambeo i Peturu hapa anu pinau-Do i Yesu ndi onae, ”Napi kumokoroido manu, pentolumo uhapu Aku.” Ka i'amba lumako i bungkuno ka ipengese mompemasusa.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I LUKASI 19:42

Dopotae, ”Anai, tedoa moiko tewala a oleo koa mbo'u andio upokonto'orio hapa anu kinere tiano rodoamu! Sine kanandio-andio mongkona atuu tewuni a matamu.

I YOHANE 10:28

ka Kupoweeako ira tuwua anu nahina tampulaano ka manasa nahi ira memate hawe nahina tampulaano ka maupo te'asa mia nahi ta hina rumontu ira inso a ngkae-Ku.

I YOHANE 21:17

Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.

WINEWEUDO TINENA 3:26

Ka omiumo amba-ambano Dowanguakomiu Tetenaa-Do ka tumena Ira ndi omiu, ka Doronso komiu saru wawa komiu singge mia mepokule inso a luwuno wineweumiu anu mosa'o.”

ROMA 12:9

Asalakono mompehohawa atuu si mpo'onde-onde! Ime'olaiakonomo anu mosa'o ka impoweweumo anu moiko.

ROMA 16:19

Lele mongkona pomperorongeakomiu domerongeomo luwuno mia. Onaemo pu'uno ka kupo'undeakomiu. Sine po'eheku ka imempande mposongka a hapa anu moiko, ka ime'olaiakono hapa anu mosa'o.

1 KORINTI 1:2

a bawaa-Do Ue Ala i Korinti, onaemo ondae anu pinokomempori ndi Ondae i Kerisituu Yesu ka anu mempinoboi gagi mia memempori, saru luwuno mia a luwuno po'ianga, anu mpebooli a nee-Do Ueto i Yesu Kerisituu, onaemo Uedo ka Ueto.

EPESU 1:3

Inunde-unde Iramo Ue Ala ka Ama-Do Ueto i Yesu Kerisituu anu ndi Ondae i Kerisituu Dopowee kitamo ronso rohani i laro nsuruga.

EPESU 3:20

Ondaemo, anu mokompoweweu laluaopo ntu'u hadio sekonopo anu pinekakaiakoto, ke anu pinewowoloto, kana anu mengkaa inso a mpabawa anu mo'angga i laroto,

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

MENGKAAA 3:19

Ba isema Kupehohawao, Kukuahakono ka Kusepio; onaemo pu'uno peweengakonomo aroamu ka tepidimo!

1 Samueli 1:17

Sumangki i Eli, ”Lakomo temoiko. Ondae Ue Alado to Isaraeli Ira moweeko hapa anu inemamu ndi Ondae.”

1 Samueli 1:20

Mentiaomo i Hana ka ipe'anaakono asa ana ntama. Ineeakono anano atuu i Semueli, hangano ipotae, ”Ku'emaomo ndi Ondae i Ue.”

1 Samueli 1:26

Ipotae i Hana, ”Tabeamiu ueku, ndi omiu ueku anu tuwu, ongkuemo beine anu i ndi'upua mentade mekakai ndi Ondae i Ue i ndi'ai umpeda ndi omiu,

1 Samueli 1:27

onaemo andio ana anu inemaku a laro mpekakaiku ka Doweeakumo i Ue anu inemaku ndi Ondae.