1 Tawarika 3:2 - Wunta Mempori

² anano ko'otolu, onaemo i Abisalo, anano inso ndi Maaka, onaemo ana beineno i Talamai, mokole i Gesuri; anano ko'opaa, onaemo i Adonia, anano inso ndi Hagita;

1 Tawarika 3:2 ပူးပေါင်းရင်းမြစ်များ

2 Samueli 13:1

Umari atuu gagiomo tegagia andio. I Abisalo, ana ntamano i Daudi hinao asa uaino anu tekosi, neeno i Tamari. I Aminoni, ana ntamano i Daudi mekokonoo.

2 Samueli 13:38

Kanatuuumo polaino i Abisalo lumako i Gesuri ka mo'ia i ra'ai otolu nta'u tehineno.

2 Samueli 14:23

Ka i'amba i Yoabi lumako i Gesuri ka iwawao i Abisalo i Yerusale.

2 Samueli 14:32

Motae i Abisalo ndi Yoabi, ”Montena akumo mia aiwa ndi omue saru pe'oliwi: ’Aiwamo ramai, aku tumenako lumako ndi ondae mokole, pauako ira: hapa tuduno kuaiwa inso i Gesuri? Moikoopo kupo'ia mpiha i ra'ai.’ Kanandio-andio, ineheku aiwa i arodo mokole. Tewala hinao salaku, po'ineeomo kuhinuku mate.”

2 Samueli 15:8

Hangano tempono da kupo'ia i Gesuri, i Arami, atamiu andio montangaomo, kanandio: Tewala Omiu UeIpokule aku ntu'u i Yerusale, asalakono aku moweweu pesomba ndi Omiu.”

2 Samueli 18:14

Motae i Yoabi, ”Nahi kubehe montadi-tadi tempo saru omue kanandio.” Ka i'amba mo'ala otolu pando ka ipetoboakono a radano i Abisalo anu damenaa, i olono sampa-sampa keu tarabanti atuu.

2 Samueli 18:18

Tempono da ituwu, i Abisalo mowanguomo tuguno anu kanandio-andio kongko i Lembono Mokole, hangano potaeno, ”Nahina ana ntamaku anu motilaloakono rorambeno neeku.” Ineeakono tugu atuu montonda neeno onaeno. Hawe oleo andio tugu atuu pinewua Tugu rorambeno i Abisalo.

2 Samueli 18:33

Masusaomo aroado mokole ka do'amba mewuatako a bolongko i wawono pewowa langkai ka dopengese. Kontongaado melempa, dopotae kanandio, ”Anaku Abisalo, anaku, anaku Abisalo! Bakanaano ongkue anu mate sekonopo omue, Abisalo, anaku, anaku!”

2 Samueli 3:3

Anu ko'orua i Kileabi, anano inso ndi Abigai, beine to Karameli, umari kombiano i Naba. Anu ko'otolu onaemo i Abisalo, anano inso ndi Maaka, ana beineno i Talamai mokole i Gesuri.

2 Samueli 3:4

Anu ko'opaa onaemo i Adonia, anano inso ndi Hagita, anu ko'olima i Sepatia, anano inso ndi Abitali.

1 Mokole 1:5

I Adonia, anano i Hagi mompelangka-langkai ka ipotae, ”Ongkue anu ta gagi mokole.” Ipatindao hadio kareta ka sorodadu anu mpengara saru lima pulu mia anu mpelulu i arono.

1 Mokole 1:6

Nahi hori kumuahakono amano, motaeakono, ”Tembio ka upoweweu kanatuu?” I Adonia tedoa tekosi koroino, ka onaemo ana aka umarino i Abisalo.

1 Mokole 2:22

Sine sumangki i mokole Salomo ndi ondae inedo, ”Tembio ka ibutu i Abisagi, beine inso i Sunemi atuu i'emaakono i Adonia? Ipo'emaakono mbo'u pentoroa mokole! Nde komba onaeke pepaekompoku anu te'aka, ka ndi onae kongko sando mpesomba i Abiata saru i Yoabi, anano i Seruya.”

1 Tawarika 2:23

Sine i Gesuri ka i Arami mongko'alao inso ndi ondae Hawoti-Yaeri, Kenati mbo'u ka luwuno kota kodeino, porokono nomo pulu kota. Onaemo atuu luwuno inuleno i Makiri, amano i Gileadi.

1 Tawarika 3:1

Ndiomo luwuno anano i Daudi anu hina i Heberoni. Anano anu aka, onaemo i Aminoni, inso ndi Ahinoa beine to Yisire'eli; anano ko'orua, onaemo i Danieli, inso ndi Abigai beine to Karameli;

1 Tawarika 3:3

anano ko'olima, onaemo i Sepatia, inso ndi Abitali; anano ko'onoo, onaemo i Yitireami, inso ndi Egela, kombiano.

Yosua 13:13

Sine to Isaraeli nahi domponsaari to Gesuri ka Maaka atuu, onaemo Gesuri ka Maaka da mpo'ia ira mpiha i olodo to Isaraeli ranta kanandio.