Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tawarika 28:9 - Wunta Mempori

9 Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

အခန်းကိုကြည့်ပါ။ ကော်ပီ




1 Tawarika 28:9
79 ပူးပေါင်းရင်းမြစ်များ  

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.


Dokitao i Ue tedoa langkai mosa'ono wineweuno mia i tolino, ka luwuno pinewowolono aroano wela mewuaako mosa'oa mpena.


Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.


Ka i'amba motae i Salomo, ”Ipopokitaomo pompehohawa-Miu anu langkai ndi tetenaa-Miu i Daudi, amaku, hangano ondae tuwu metenunu i aro-Miu, mentee ka moleo aroado ndi Omiu. Omiumo mekariao pompehohawa-Miu anu langkai atuu ndi ondae ka ipoweeako ira asa ana anu mentoro a ngkadera poparentaa kana a oleo andio.


Po'ineeomo Irongeo i suruga, po'ianga-Miu mpiha. Po'ineeomo Ipo'ampuni, moweweu, ka mombalo a sompo mia menunu saru luwuno wineweuno, hangano Omiumo tumo'orio aroano. Mentee ntu'u, butu koa Omiu anu tumo'orio aroano luwuno mia,


po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.


Onaemo pu'uno, kai buke petenununo aroamiu ndi Ondae i Ue, Ue Alato, ka mentuwu montonda luwuno pompakosi-Do ka mekariao luwuno parenta-Do kana a oleo andio.”


”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.


Ipebungkui Ira i Ue, Ue Alado uempu'uno ka nahi tondao sala-Do i Ue.


Onae moweweu anu mentee a pongkita-Do i Ue ka itondao luwuno sala ntumuwuno i Daudi, uempu'uno. Nahi pansia i koana ke i manggali.


Kanandio-andio, po'aroomo aroa ka sumangamiu kai ungke Ira i Ue, Ue Alamiu. Impompu'umo mewanguo po'ianga mempori-Do Ue Ala, kai pinokowawa Burua Pedandia-Do i Ue ka parewa mempori-Do Ue Ala mewinso a laro raha anu winangu po'iangano nee-Do i Ue.”


Kanandio-andio, i arono matado luwuno to Isaraeli, bawaa-Do i Ue ka Dorongeo Ue Alato, mepau aku ndi omiu: Impekariaomo temenoo luwuno parenta-Do i Ue, Ue Alamiu, ka ikongko koa mpiha mpetorokio wita anu moiko andio ka imeweeako ira luwuno anamiu anu lembuino ranta nahina tampulaano.


Tongku atuu memawongko a pompoweedo asa mia ka asa mia, hangano moleo aroado mpompowee pesomba a moputeno aroado ndi Ondae i Ue. Mokole Daudi mbo'u tedoa mawongko aroano.


Nabi Semaya aiwa ndi Rehabea ka luwuno petewawa Yehuda anu mpepumpu i Yerusale hangano ponsapoino i Sisaki. Ipotaeako ira, ”Kanandiomo pau-Do i Ue: Imebinta Akumo, onaemo pu'uno Ongkue mbo'u bintakomiu a laro pabawano i Sisaki.”


Onae lumako tepohaweakono i Asa, ka ipotae ndi onae, ”Ronge akumo, omue Asa saru luwuno Yehuda ka Benami! Ondae i Ue saru omiu tewala omiu saru Ondae. Tewala ime'ungke Ira, Dopemoikoo intepohaweako Ira, sine tewala imebinta Ira, Ira binta komiu.


po'ineeomo Iperorongeakono i suruga po'ianga-Miu mpiha. Po'ineeomo I'ampunio, Iweweuo ka sumuloo sompo mia menunu saru luwuno wineweuno, hangano Omiu tumo'orio aroano. Mentee ntu'u butu koa Omiu anu tumo'orio aroano luwuno anano mia,


Hangano mo'o'anuku mo'ema sorodadu ka sorodadu mpengara ndi ondae mokole anu ta dumagai kami inso a iwali a mpelempaa mami, hangano mpotae kamimo ndi ondae mokole, kanandio, ”Kae-Do Ue Ala mami kumongkomio luwuno mia anu mo'ungke moikoano ndi Ondae, sine pabawa-Do mompotii tekuda-Do a mia anu mebungkui Ira.”


Aku mekokoongakono tumuwu anu nahina tataano. Te'ipiake Komiu aiwa ndi ongkue? Ineheku tuwu moleo aroa a laro rahaku.


Omiu tumo'orio tempono kupentoro ke mentade, Omiu mokonto'orio pinewowoloku inso olai.


Tewala Omiu umarahakono aroaku, paresao i tempono wongi, ka mepentee aku, nahi Komiu mohawe hapa-hapa; pinewowolo mosa'o nahi haweako meluarako inso a wiwiku,


Po'ineeomo ka ipenaa-naa poweweudo anu mosa'o mia mosa'o gaudo, sine Ipokorosoomo mia anu mentee, Omiu anu paresao aroa ka laro aroano mia, oo Ue Ala anu moleo.


Ondae i Ue bitara ira tongku. Ibitara akumo, Ue, hangano mentee aku, ka bobotoli ntu'u aroaku.


Aku weweuo kaeno pabawaio tahi, ka kae ngkoanano pabawai ira korono.


moroso nahina tampulaano kana wula, sakosii nahi bali a laro nseru.” Sela


Kanatuumo Ondae i Ue onaemo pepekaduduiado mia anu melinanda, pepekaduduia i tempono ma'isoa.


Ondae i Ue rosoku ka penaniku, Ondae gagi pongkaduduiku. Ondae Ue Alaku, ku'unde-unde Ira, Ondae Ue Alado amaku, kupelangkai Ira.


Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.


Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.


Pe'ala-ala Iramo a laro ntumuwumu, ka Ira mokomoleoo pesalaamu.


dopaguru aku amaku, dopotae ndi ongkue, ”Po'ineeomo aroamu uminio pauku; pe'inimo a luwuno pontisoku, ka omue kotuwu.


Sine mia anu umewa ka mia tehala ta rinopu meronga, mia anu binta Ira i Ue ta pingko moliu.


Ipotae, ”Oo, Ue, po'ineeomo ka Irambeo nine tuwu akumo metenunu i aro-Miu ka inso a moputeno aroaku; moweweu akumo hapa anu moiko a pongkita-Miu.” Ka i'amba i Hisikia mengese tedoa mompemasusa.


Nahi Kuhori mepau rahasia ke a wongi-wongiano i tolino. Nahi Kuhori mepau a inuleno i Yako ’ime'ungke Aku a mpo'ianga anu mooa!’ Ongkue, Ue, wela mepau mentee, wela mompau hapa anu moleo.”


Sine, oo Ueno luwuakoano, anu mobitara moleo, mo'arahako laro aroa ka aroa, po'ineeomo kukitao pombalo-Miu ndi ondae, hangano ndi Omiumo kuwawao kara-karaku.


Ongkuemo, Ue, anu mepenteeo aroa, ka umarahakono laro aroa, ka mombalo a sompo mia menunu saru peleluno, menunu saru hasilino wineweuno.”


Oo Ueno luwuakoano, anu umarahako ira mia mentee, anu kumitao laro aroa ka aroa, po'ineeomo ka kukitao pombaloa-Miu ndi ondae, hangano kupohaweomo ndi Omiu kara-karaku.


Onae umalaakono kara-karano mia marasai ka mia mongkokolaro, ranta luwuno atuu moiko. Kombake atuu pengkonaano tumo'ori Aku? kanandiomo pau-Do i Ue.


Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.


tempono ime'ungke Aku, komiu mehawe Aku; tempono ime'ungke Aku tompaano aroamiu,


Aku koa memoikoo intepohawea-Kune, kanandiomo pau-Do i Ue, ka Aku momuleo teweweumiu ka pumpu komiu inso i olodo luwuno tongku ka inso a luwuno po'ianga ba isua Kusiarawo komiu, kanandiomo pau-Do i Ue, ka Aku mokule komiu a mpo'ianga insoamiu inso isua Kutadi komiu.


Siimo mbo'u mia paguruo pe'asa miano ke pepaekompono ka ipotae, ’To'ori Iramo i Ue!’ Hangano luwudo, langkai ka kodei, ira mento'ori Aku, kanandiomo pau-Do i Ue. Hangano Aku umoniniako ira salado ka nahi pinewowolo mbo'u halado.”


Sine isema ineheno mo'unde, laluopo ipo'undeakono mongkona andio: nine onae mokonto'orio ka tumo'ori Aku, nine Ongkuemo Ue anu mopokitao pompehohawa, moleoa ka menteea i tolino; mentee ntu'u, luwuno atuu inehe-Ku, kanandiomo pau-Do i Ue.”


Penaa-Do i Ue pabawai aku ka Ondae i Ue mepau ndi ongkue, ”Pauomo, kanandiomo pau-Do i Ue: Omiu mpotae kanatuu, hei suku Isaraeli, ka Kuto'orio hapa anu meluarako i laro aroamiu.


Kanandiomo pau-Do Ue Ala: A oleo atuu meluarako tinoo i laro aroamu ka omue weweuo pinewowolo mosa'o.


Rongeomo pau-Do i Ue, hei Isaraeli, hangano Ondae i Ue hinao kara-kara saru palilino wita andio, hangano nahina petenunu, nahina pompehohawa, ka nahina ponto'ori mongkona Ondae Ue Ala i wita andio;


Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.


Motae i Pilipu ndi onae, ”Aiwa ka ukita Ira!” Dokitao i Yesu i Natanae aiwa ndi Ondae, ka Do'amba mepau mongkona onae: Kitao, ndiomo asa to Isaraeli ntu'u, nahi molengku aroano!


Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.


ka hangano nahi kinere maupo te'asa mia mesakosii ndi Ondae mongkona mia, hangano Doto'orio hapa anu hina i laro aroano mia.


Dopotaeakono i Yesu anu kopentoluno, ”Simo, anano i Yohane, nde upehohawa Aku koake?” Masusaomo aroano i Peturu hangano pentolumo Dopotaeakono i Yesu, ”Nde upehohawa Aku koake?” Ka ipotaeako Ira, ”Ue, Ito'orio luwuakoano, Ito'orio, nine kupehohawa Komiu.” Dopotaeakono i Yesu, ”Pakambi iramo bimba-Ku.


Ondae Ue Ala atuu Penaa ka ba isema mesombai Ira, asalakono mesombai Ira a laro penaa ka menteea.”


kahinaano nahi imento'ori Ira, sine Ongkue tumo'ori Ira. Ka tewala motae Aku: Nahi Kuto'ori Ira, megaupi Akumo, mengkena kana omiu, sine Kuto'ori Ira ka Kutondao pau-Do.


Luwudo mpekakai ka dompotae, ”Oo Ue, Omiumo anu tumo'orio aroano luwuno mia, po'ineeomo ka Itisoakami isema anu bininiki-Miu inso a mia orua andio,


Hangano tempono kupelempa-lempa a ngkotamiu ka kumikita ira parewa pinesombaimiu, kuhaweo mbo'u aasa meda pontunua pesomba meburi: Ndi Ondae Ue Ala anu nahi tino'ori. Hapa pinesombaimiu nahi imento'orio, onaemo anu kupaleleakomiu.


Ka nami pinewowolo mbo'u tempo monge-mongea, ka kanandio-andio Dopaleleo Ue Ala a mia, nine isua-suamo koa luwudo asalakono ntepidi.


Iwali mpewowoloo temoi-moiko ka si mpoweweu mbo'u hala! Hinao i olomiu anu nahi to'ori Ira Ue Ala. Mongkona andio kupauo, ka intekoko'ii koa.


Hangano Ondae Ue Ala anu mepau Iramo, ”Inso a laro wongi-wongi ta saaba mewine!”, Ondae koa mbo'u anu weweuo mewine-Do ka imewanta i laro aroato, ka tompohawe mewine inso a ponto'ori mongkona maramba-Do Ue Ala anu tengkita a rupa-Do i Kerisituu.


Hangano tewala inso i aroamiu mompowee, asalakono pompoweemiu ta tinarima, tewala pompoweemiu atuu me'empehiako hapa anu hina ndi omiu, komba me'empehiako hapa anu nahina ndi omiu.


Po'ineeomo singge mia mompowee montonda po'eheno aroano, si komba masusa aroa ke hangano dinadai, hangano Ondae Ue Ala mehohawao mia anu mompowee a mawongkono aroa.


Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,


Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”


Luwuno atuu pinopokita ndi omiu kai mento'orio nine Ondaemo i Ue, Ue Ala, nahina anu susua sangkadio Ondae.


Gaagi, hangano mpontarima kita poparentaa anu nahi telelu, aiwamo tompontarimakasi ka mpesomba ndi Ondae Ue Ala montonda gau anu pinemoiko-Do, saru pompelangkai ka doito.


Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.


Impakambi iramo bawaano bimba-Do Ue Ala anu kongko ndi omiu, si komba hangano dinada, sine inso ntu'u i aroamiu menunu saru po'ehe-Do Ue Ala, ka si hangano inehemiu mpo'ungke me'uraa, sine a mawongkono aroamiu.


Ka luwuno anano Aku mepate ira ka luwuno bawaa ira mento'orio, nine Ongkuemo anu paresao laro aroa ka aroano mia, ka nine Aku mombalo ndi omiu sompo mia montonda wineweuno.


Motae i Semueli ia tongku atuu, ”Si medoito, omiu lano mpoweweu komiumo luwuno anu mosa'o andio, sine simepansia inso ndi Ondae i Ue, tendeano impesombamo a bobotolino aroamiu ndi Ondae i Ue.


Sine pau-Do i Ue ndi Semueli, ”Si kitao rupano ke koroino anu ondau, hangano nami Kubeheo. Komba kana pongkitado mia, hangano mia mongkita hapa anu i arono matano, sine Ondae i Ue mongkita aroano.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ