1 Tawarika 22:7 - Wunta Mempori

⁷ Pauno i Daudi ndi Salomo, ”Anaku, ongkueku montoo mowangu rahano nee-Do i Ue, Ue Alaku.

1 Tawarika 22:7 ပူးပေါင်းရင်းမြစ်များ

2 Samueli 7:1

Tempono mokole rodoomo i rahado, ka Ondae i Ue moweeakono rodoa inso a luwuno iwalino limbu-limbu,

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

1 Mokole 9:3

Ondae i Ue mepau ndi onae, ”Kurongeomo pekakai ka po'emamu anu pinohawemu i aro-Ku. Kupokomemporiomo raha anu winangumu andio anu weweuo nee-Ku mo'ia i tu'ai ranta nahina tampulano. Mata-Ku ka aroa-Ku ta mo'ia i ra'ai asantinuwu.

1 Tawarika 22:19

Kanandio-andio, po'aroomo aroa ka sumangamiu kai ungke Ira i Ue, Ue Alamiu. Impompu'umo mewanguo po'ianga mempori-Do Ue Ala, kai pinokowawa Burua Pedandia-Do i Ue ka parewa mempori-Do Ue Ala mewinso a laro raha anu winangu po'iangano nee-Do i Ue.”

1 Tawarika 29:3

Hangano pongkekewoiku a raha-Do Ue Alaku, kupeweengakono mbo'u wulaa ka salaka gagi tiangino anu kupantindaomo tiano raha mempori;

2 Tawarika 2:4

To'oriomo, aku wanguo rahano nee-Do i Ue, Ue Alaku aku mokomemporiako Ira, ka itinunu dupa mo'ahi i aro-Do, roti pesomba pinatinda mpiha ka pesomba tinunu pinesombaako tempono mo'oru ka ngkiniwia, a sompo oleo Saba ka wula wo'ohu ka a luwuno porame-ramea anu pinakosi-Do i Ue, Ue Alamami. Onaemo anu asalakono domeweweuo to Isaraeli ranta nahina tampulaano.

Esera 6:12

Ondae Ue Ala anu weweuo nee-Do mo'ia i ra'ai, po'ineeomo Dopotii ira sompo mokole ka tongku, anu tumaangakono kaeno umewaio tompaano pau andio ka ta mokotampulao Raha-Do Ue Ala anu i Yerusale atuu. Ongkue i Dariusu, anu moluarako parenta andio. Asalakono atuu ka iwineweu temoiko.”

Po'unde-unde 132:5

ranta ka kupohawe po'ianga-Do i Ue, po'ianga-Do Anu Tedoa Moroso, Ue Alano i Yako.”

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:21

Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.