1 Tawarika 22:19 - Wunta Mempori

¹⁹ Kanandio-andio, po'aroomo aroa ka sumangamiu kai ungke Ira i Ue, Ue Alamiu. Impompu'umo mewanguo po'ianga mempori-Do Ue Ala, kai pinokowawa Burua Pedandia-Do i Ue ka parewa mempori-Do Ue Ala mewinso a laro raha anu winangu po'iangano nee-Do i Ue.”

1 Tawarika 22:19 ပူးပေါင်းရင်းမြစ်များ

1 Mokole 5:3

”Ito'orio nine i Daudi, amaku, nahi dopolio mowangu aasa raha tiano nee-Do i Ue, Ue Alado, hangano luwuno iwalido tiku-tiku mpeteaako ira, ranta ka Dopeweengako ira i Ue a ntoto pele ngkarudo.

1 Mokole 8:21

I ra'ai kupatindaomo po'iangano burua pedandia, anu me'ihi pedandia anu wineweu-Do i Ue saru uempu'uto, tempono Dowawa ira mpeluarako inso i wita Masiri.”

1 Mokole 8:6

Ka i'amba luwuno sando mpesomba mewawao Burua Pedandia-Do i Ue atuu a mpo'iangano a bolongko i larono ntu'u raha atuu, po'ianga tedoa mempori, i totono panido kerubi;

1 Tawarika 16:10

Impo'undemo a nee-Do anu mempori, kai mawongkomo aroado mia anu umungke Ira i Ue!

1 Tawarika 16:11

Ungke Iramo i Ue ka roso-Do, ungkeomo mpiha rupa-Do!

1 Tawarika 22:16

wulaa, salaka, mala ka labu, anu nahi pinokodoa hadiono. Pompu'umo po'angga! Ondae i Ue kumongkomiko!”

1 Tawarika 22:7

Pauno i Daudi ndi Salomo, ”Anaku, ongkueku montoo mowangu rahano nee-Do i Ue, Ue Alaku.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 20:3

I Yosapa gagi doito, ka i'amba putusio umungke Ira i Ue. Itena ira luwuno Yehuda ka domempuasa.

2 Tawarika 5:7

Ka i'amba luwuno sando mpesomba mewawao Burua pedandia-Do i Ue atuu a mpo'iangano, a bolongko i larono ntu'u raha atuu, a mpo'ianga tedoa mempori, i totono panido kerubi.

2 Tawarika 6:11

I ra'ai kunaaomo Burua anu me'ihi pedandia anu Dowutuomo i Ue saru to Isaraeli.”

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 14:2

Ondae i Ue mensiro inso i suruga a luwuno anano mia Ira kumitao, ke hinao anu molino pinewowolono ka umungke Ira Ue Ala.

Po'unde-unde 27:4

Asa rupa ku'emaomo ndi Ondae i Ue, butu onae andio anu tedoa ineheku: mo'ia a raha-Do i Ue asa ntinuwuku, sumakosiio pe'aroa-Do i Ue ka sanaa mo'iangario raha-Do.

Peluarakoa 25:8

Asalakono ka dompoweweu po'ianga mempori, ka Kupo'ia i olodo.

Yesaya 60:1

Pentademo, gagimo mewine, hangano mewinemu hawe, ka maramba-Do i Ue saba ndi omue.

Yeremia 29:13

tempono ime'ungke Aku, komiu mehawe Aku; tempono ime'ungke Aku tompaano aroamiu,

Danieli 9:3

Ka ku'amba mo'aroo rupaku ndi Ondae Ue Ala mekakai ka mo'ema, saru mepuasa ka mompokona sawu po'inombo saru awu.

Hagai 1:5

Kanandio-andio, kanandiomo pau-Do Ueno luwuakoano: Impekokoongakonomo pelempano tumuwumiu!

Hagai 1:8

Impewuatakomo a ntorukuno, wawaomo keu ka imewanguomo raha-Do atuu. Aku koa memoikoo ka pinokomaramba, pau-Do i Ue.

WINEWEUDO TINENA 11:23

Mansano hawe i Baranaba ka ikitao pompehohawa-Do Ue Ala, mo'undeomo. Ipatudu ira, ka dompetenunu koa mpiha ndi Ondae i Ue,

WINEWEUDO TINENA 22:16

Ka kanandio-andio, tembio ka da unanta-nanta? Pentademo ka pepebahomo ka luwuno halamu pinokomempori ka upebooli a nee-Do i Ue!

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.