1 Tawarika 21:8 - Wunta Mempori

⁸ Ka i'amba mepauomo i Daudi ndi Ondae Ue Ala, ”Tehala akumo ntu'u, hangano weweuo mongkona andio. Kanandio-andio, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

1 Tawarika 21:8 ပူးပေါင်းရင်းမြစ်များ

Tegagia 34:7

Tempono dompekule anano i Yako inso a mpada, domerongeo anu gagi atuu. Mia andiodo memahaki aroa ka tedoa ira ntekuda hangano i Sikemi moweweuomo mokoburu i olodo to Isaraeli mewowaliakono ana beineno i Yako, hangano poweweu anu kanandio nahi moiko iwineweu.

2 Samueli 12:13

Ka i'amba motaeomo i Daudi ndi Nata, ”Tehala akumo ndi Ondae i Ue.” Motae i Nata ndi Daudi, ”Ondae i Ue Do'oniniomo halamu, nahi komate.

2 Samueli 13:13

Isuamo kuwawao rupaku? Omue ko kinita kana mia anu mosa'o i Isaraeli. Gagi pauako iramo mokole, manasa ira koa uminduo meweengako aku ndi omue.”

2 Samueli 24:10

Sine me'o'oleomo i Daudi, mansano dumoa ira palili. Motae i Daudi ndi Ondae i Ue, ”Tedoa akumo tehala hangano kuweweuomo anu andio. Kanandio-andio, oo Ue, po'ineeomo ka Ipoko'olaio salano tetenaa-Miu, hangano moweweu akumo anu tedoa benge-benge.”

1 Tawarika 21:7

Maupo a pongkita-Do i Ue, petena atuu mosa'o, onaemo pu'uno ka Dohuku ira to Isaraeli.

2 Tawarika 10:9

Ipotaeako ira, ”Hapa patudumiu? Kana'umpe tomesangki ira palili anu mpotae ndi ongkue: Pokomonongkoa kamimo anu ipopotembia kami amamu ndi omami?”

Po'unde-unde 25:11

A nee-Miu, oo Ue, I'ampuniomo salaku, hangano langkai salaku atuu.

Po'unde-unde 32:5

Halaku kupauo ndi Omiu ka salaku komba kuwunio; kupotae, ”Kumangakuakono luwuno halaku ndi Omiu Ue,” ka Itandeomo hala tinembiku. Sela

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Hosea 14:2

Pepokulemo, hei Isaraeli ndi Ondae i Ue, Ue Alamu, nde tetidukomo hangano salamu.

I YOHANE 1:29

Tisomono i Yohane kumita Ira i Yesu aiwa ndi onae ka ipotae, ”Kita Iramo Ana bimba-Do Ue Ala, anu umoninio halano wawontolino.

1 YOHANE 1:9

Tewala tomemangakuakono halato, Ondae pine'ala-ala ka moleo Ira, onaemo ka Do'ampunio luwuno halato ka mokomempori kita inso a luwuno mosa'oa.

1 Samueli 13:13

Motae i Semueli ndi Saulu, ”Wineweumu andio tedoa benge-benge! Omue nahi upetenunu a songka-Do i Ue, Ue Alamu, anu Dopauakomu. Bakanaano Ondae i Ue Ira mokorosoo poparentaamu a nto Isaraeli ranta nahina tampulaano,

1 Samueli 26:21

Motaeomo i Saulu, ”Tehala akumo. Pekulemo anaku Daudi. Nami aku moweweu mosa'o mbo'u ndi omue, hangano oleo andio penaaku mentudu ndi omue. Lano, moweweukomo anu nahi mentee ka sala pompewowolo akumo.”