1 Tawarika 20:5 - Wunta Mempori

⁵ Gagiomo mbo'u peteaa umewai ira to Pelisiti. I Elihanani anano i Yairi mepateo i Lahimi, pepaekompono i Golia, to Gati atuu anu tangke kansaino kana keu pongkalulu sawu hinoru.

1 Tawarika 20:5 ပူးပေါင်းရင်းမြစ်များ

2 Samueli 21:19

Ka i'amba gagi mbo'u peteaa umewai ira to Pelisiti i Gobi. I Elihanani anano i Yaare-Oregimi, to Beteleme atuu, mepateo i Golia, to Gati atuu, anu tangke kansaino kana keu pongkalulu sawu hinoru.

1 Tawarika 11:23

Ipepateo mbo'u asa to Masiri anu ondauno olima hiku. A ngkaeno to masiri atuu hinao kansai kana keu pongkalulu sawu hinoru. Sine onae i'aropiakono tuko, rumontuo kansai inso a ngkaeno to Masiri atuu, ka i'amba mepateakono kansaino onaeno.

1 Tawarika 20:6

Peteaa gagi mbo'u i Gati. I ra'ai hinao asa mia anu ondau koroino, kaeno ka karuno singge mewunga ntoniso onoo: rua pulu ka opaa luwuno. Mia mbo'u andio inso a inuleno mia langkai.

1 Samueli 17:4

Me'umbaakoomo inso i olodo sorodadu Pelisiti asa mia anu pinerorohido, meneeako i Golia, inso i Gati. Ondauno onoo hiku ka asa otuwe.

1 Samueli 17:7

Tangke kansaino kana keu pompalulua hinoru, mobeano mata kansaino nomo etu sikala labu, ka asa mia mowawa kanta melempa i arono.

1 Samueli 21:9

Ipotae sando mpesomba atuu, ”Ponaino i Golia to Pelisiti anu pinepatemu i Lembono Tarabanti, onae anu kongko i ndi'ai, tinongoako sawu i bungkuno epo. Tewala mingkiko umalao, alaomo, hangano nahina anu susua ndi'ai sangkadio ponai atuu.” Sumangki i Daudi, ”Nahina anu kanatuu, iwee akumo.”

1 Samueli 22:10

Onae mo'emaakono i Daudi pontiso ndi Ondae i Ue, ka moweeakono bakuno, ka ponaino i Golia, to Pelisiti atuu iweeakono.”