1 Tawarika 20:1 - Wunta Mempori

¹ A mpe'euano ta'u, a tempono luwuno mokole wela melako mpetea, i Yoabi wawa ira sorodadu mpeluarako ka mengkale-kaleo witado inuleno i Amoni. Ka i'amba lumako kumaduo kota Raba, sekono i Daudi mo'ia i Yerusale. I Yoabi numangio Raba ka irongkao.

1 Tawarika 20:1 ပူးပေါင်းရင်းမြစ်များ

2 Samueli 11:1

A mpe'euano ta'u, a tempono luwuno mokole wela melako mpetea, i Daudi tumenao i Yoabi lumako saru luwuno miano ka luwudo to Isaraeli. Domeropu ira inuleno i Amoni, ka domengkaduo kota Raba, sekono i Daudi mo'ia i Yerusale.

2 Samueli 17:27

Mansano hawe i Daudi i Mahanai, i Sobi anano i Nahasi inso i Raba, kotado inuleno i Amoni, ka i Makiri anano i Amieli inso i Lodebari, saru i Barisilai to Gileadi inso i Rogelimi mpowawa

1 Mokole 20:22

Ka i'amba nabi atuu rumangkuhio mokoledo to Isaraeli ka ipotaeakono, ”Lakomo, pokorosoo koroimu, to'oriomo ka pewowoloo temoiko hapa anu koweweuo, hangano a mpe'euano ta'u, mokoledo to Arami ta aiwa sumapoiko.”

1 Mokole 20:26

A nta'u tudano i Benihada paresao sorodadudo to Arami ka i'amba lumako i kota Apeki ta meteaako ira to Isaraeli.

2 Mokole 13:20

I Elisa mate ka kinaburu. Tempo atuu gerombola Moabi mararu domensapoio wita atuu a mpepo'euano ta'u.

1 Tawarika 19:19

Mansano luwuno mia anu mpetuundu ndi Hadadeseri mengkitao nine mentenangi iramo a nto Isaraeli, mpoweweu ira pesintuwua saru i Daudi ka mpetenunu ndi onae. Umarino atuu to Arami nami domebehe mbo'u mpokowali ira inuleno i Amoni.

Yesaya 54:16

Menteeano, Ongkuemo anu mokogagio puu mpolabu anu mompuuri api ka moweweu parewa mpetea montonda ponto'orino, sine Ongkue koa mbo'u anu mokogagio poropu anu sumolangio.

Yesaya 6:11

Ka ku'amba mesikeno, ”Hawe opia tehineno, Oo Ue?” Ka Do'amba sumangki, ”Hawe luwuno kota gagi terawo-rawo nahina palilino, luwuno raha nahina miano, wita tepo'ia ka boni-boni.

Yehesikieli 21:20

Gambaraomo inso a nsala isua ponai atuu aiwa umewaio Raba, ineno kotado inuleno i Amoni ka umewaio Yehuda, anu benteno kongko i Yerusale.

Yehesikieli 25:5

Aku weweuo Raba gagi tongampada tiado unta ka luwuno kotado inuleno i Amoni gagi po'iangado bawaano bembe bimba. Ka komiu mento'orio nine Ongkuemo Ue.

Amosi 1:14

Aku molangao api a rere watu Raba, ranta luwuno bente mo'ai luwu, tinondaako pohio i tempo peteaa, tinondaako opue i tempono melompiu.

Winali 3:11

Butu i Ogo, mokole i Basani anu da tuwu inso i olono toreado to Repaimi. Sekono dasa poturiano, dasa labu. Kombake da kongko i kota Raba inuleno i Amoni? Osio hiku ondauno ka opaa hiku maluano, montonda posongka anu biasa.