1 Tawarika 19:2 - Wunta Mempori

² Ka i'amba motaeomo i Daudi, ”Aku mopokitao petenunuku ndi Hanuni anano i Nahasi, hangano dopopokitaomo amano petenununo ndi ongkue.” Onaemo ka ipontena mia i Daudi mompohawe pau pompemasusa ndi onae a mateano amano. Sine mansado mehawe pegawaino i Daudi a witado inuleno i Amoni atuu ndi Hanuni, mpohaweo pe'oliwi pau pompemasusa ndi onae,

1 Tawarika 19:2 ပူးပေါင်းရင်းမြစ်များ

2 Samueli 9:1

Motae i Daudi, ”Da hinao ke mia anu tuwu inso i olono somborino i Saulu, ka kupopokitaakono pompehohawaku ndi onae hangano i Yonata?”

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

2 Mokole 4:13

I Elisa umariomo pauakono i Gehasi, ”Po'arahako pauakono: Menteeano tedoakomiumo memasusaa kami. Hapake anu aku mokoweweuakomiu? Hinao ke anu aku mokopopauo mongkona omiu ndi ondae mokole ke a ntadulako sorodadu?” Sumangki beine atuu, ”Ongkue mo'ia i olodo pe'etuku!”

1 Tawarika 19:1

Umarino mate i Nahasi, mokoledo inuleno i Amoni, ka i'amba anano anu tama umeuo gagi mokole.

1 Tawarika 19:3

mpotae iramo mia pinemota'u inuleno i Amoni atuu ndi Hanuni, ”Kana'umpe pohawemu, nde lano ta melangkaio i Daudi amamu ka ipontena mia ndi omue mowawa pau pompemasusa? Kombake butu ira me'aiwa memparesao ka moporooo ka mengkale-kaleo wita andio, dome'aiwa pegawaino ndi omue?”

Nehemia 13:1

I tempo atuu wuntano i Musa binasa kadomerongeo palili ka hinawe teburi i larono, nine nahi ta hori hina to Amoni ka to Moabi anu inehe mewinso bawaa-Do Ue Ala.

Nehemia 4:3

Ka i'amba motae i Tobia to Amoni anu umpeda ndi onae, ”Maupo dowali mewanguo, sine tewala asa dahu ntobu mewuatako i wawono, tehoaomo rere watudo.”

Nehemia 4:7

Mansano rumongeo i Sanibala ka i Tobia saru to Ara ka to Amoni ka to Asidodi nine anggaa pokomoikono bente Yerusale atuu motilalo ka luwuno bolono bente mompu'u te'onso, onaemo kadotedoa ntekuda.

Esetere 6:3

Onaemo ka dopesikeno mokole, ”Pontudu ka pompelangkai hapake anu wineeako i Modekai, hangano wineweuno atuu?” Mesangki ira puu pompekakaakodo mokole anu mpo'angga ndi ondae, ”Ndi onae nahina maupo hapa ipinoweeako.”

Puu Pontutulu 9:15

I tu'ai hinawe asa mia mongkokolaro anu monto'ori ka saru ponto'orino ikaduduio kota atuu. Sine, nahina maupo te'asa mia anu mewowoloo mia mongkokolaro atuu.

I YOHANE 11:19

I tu'ai hadio iramo to Yahudi mehawe tumarero ira i Marita ka i Maria hangano mateno pepaekompodo.

1 Samueli 30:26

Mansano hawe i Daudi i Sikala, i'oliwio asantia pinomuru atuu a mia memota'u i Yehuda, ka a wali-walino, saru pe'oliwi, ”Ndiomo pompowee tiamiu inso a mpinomuru anu inala a iwali-Do i Ue,”