1 Tawarika 17:24 - Wunta Mempori

²⁴ Po'ineeomo atuu ipinokoroso ka nee-Miu ta gagi langkai ranta nahina tampulaano, ka dompotae mia, ’Ueno luwuakoano, Ue Alano i Isaraeli onaemo Ue Alado to Isaraeli.’ Inuleno i Daudi tetenaa-Miu anu moparenta, ta moroso i aro-Miu.

1 Tawarika 17:24 ပူးပေါင်းရင်းမြစ်များ

1 Tawarika 17:23

Kanandio-andio oo Ue, dandi anu pinau-Miu mongkona tetenaa-Miu andio ka mongkona somborino, po'ineeomo Ipokorosoo ranta nahina tampulaano ka Iweweuomo kana anu dinandi-Miu atuu.

1 Tawarika 17:25

Hangano Omiu, oo Ue Alaku, Ipokomengkaaomo a ntetenaa-Miu andio nine Komiu wanguo inuleno moparenta. Onaemo pu'uno tetenaa-Miu andio memosiaako mekakai i aro-Miu.

2 Tawarika 6:33

po'ineeomo Irongeo i suruga, inso a mpo'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoa-Komiu mengkena kana bawaa-Miu Isaraeli. Gagi ira mento'orio nine raha anu umariomo kuwanguo andio pinakosi tiano nee-Miu.

Po'unde-unde 21:13

Oo, Komiu weweu ira mempolai, saru kolorono pana-Miu Ipanao rupado.

Po'unde-unde 72:19

Ka inunde-undeomo nee-Do anu maramba nahina tampulaano, ka po'ineeomo maramba-Do buketio asa wawontolino. Ami, ami.

Po'unde-unde 90:17

Po'ineeomo pe'aroa-Do i Ue, Ue Alamami, metii ndi omami, ka Ipokorosoomo wineweuno kaemami, oo, pokomorosoomo wineweuno kaemami!

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 38:17

Motae i Yeremia ndi Sedekia, ”Kanandiomo pau-Do i Ue, Ue Alano luwuakoano, Ue Alado to Isaraeli: Tewala omue meluarako meweengakono koroimu a luwuno mia pinemota'uno mokole i Babeli, omue kongko tuwu, ka kota andio nahi ta sinongko; omue saru somborimu ta kongko tuwu.

I MATIU 6:13

ka si wawa kami a laro po'ara-arahakoa, sine Ipotola kamimo inso ndi mosa'o. [Hangano Omiumo anu me'ueo Poparentaa ka pabawa ka marambaa ranta nahina tampulaano. Ami.]

I MATIU 6:9

Onaemo pu'uno impekakaimo kanandio: Amamami anu i suruga, nee-Miu ka ipinokomempori,

I YOHANE 12:28

Ama, Ipokomarambaomo nee-Miu!” Ka terongeomo suara inso i suruga, ”Kupokomaramba Iramo, ka Aku mokomaramba Ira mbo'u!”

I YOHANE 17:1

Kanandiomo Dopotae i Yesu. Ka Do'amba mentombu i langi ka Dopotae, ”Ama, haweomo tempono; Ipokomarambaomo Ana-Miu, ka Dopokomaramba Komiu Ana-Miu.

PILIPI 2:11

ka luwuno elo memangaku, ”Ondaemo i Yesu Kerisituu Ue,” montonda maramba-Do Ue Ala, Ama!

IBARANI 11:16

Sine kanandio-andio mpongkekewoi ira wita po'iangado anu lalu moiko onaemo aasa po'ianga suruga. Onaemo pu'uno nahi mokoko'ii-Do Ue Ala nineeako Ue Alado, hangano Dopatindaako iramo aasa kota.

IBARANI 8:10

”Ka onaemo andio pedandia anu Kuweweuo saru suku Isaraeli umarino tempo atuu,” kanandiomo pau-Do i Ue. ”Aku numaao songka-Ku a mpinewowolo molinodo ka burio i laro aroado, ka Aku gagi Ue Alado ka ondae gagi bawaa-Ku.

1 PETURU 4:11

Tewala hinao mia anu mepau, ka ipepaumo kana mia anu mohaweo pau-Do Ue Ala; tewala hinao mia anu mompekakaako, ka iweweuakonomo roso anu Doweeakono Ue Ala, ka Dopinokomaramba Ue Ala a luwuakoano hangano Ondae i Yesu Kerisituu. Ondaemo anu me'ueo marambaa ka pabawa ranta nahina tampulaano! Ami.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.