1 Tawarika 17:21 - Wunta Mempori

²¹ Isema kana bawaa-Miu Isaraeli, asa tongku i tolino anu Ue Alano lumako ta tumolosio gagi bawaa-Do? Mohawe Komiu nee-Miu hangano luwuno wineweu-Miu anu langkai ka mongkokongiri ka sumaari ira luwuno tongku inso i arodo bawaa-Miu anu tinolosi-Miumo inso i Masiri.

1 Tawarika 17:21 ပူးပေါင်းရင်းမြစ်များ

1 Tawarika 17:20

Oo Ue, nahina kana Omiu ka nahina Ue Ala susua sangkadio Omiu, montonda luwuno anu kimerongeakono birimami.

1 Tawarika 17:22

Iweweu iramo bawaa-Miu Isaraeli gagi bawaa-Miu ranta nahina tampulaano ka Omiu, oo Ue, gagi Ue Alado.

Nehemia 9:10

Ipopokitaomo luwuno petondoni ka luwuno anu kinohali-haliako i arono i Pirao ka luwuno pegawaino saru luwuno palili i witano, hangano Omiu tumo'orio pompelangka-langkaido ndi ondae uempu'umami. Kanandiomo Iweweuo nee-Miu telele kana anu mengkaa oleo andio.

Po'unde-unde 107:2

Po'ineeomo atuu domempauo mia anu tinolosi-Do i Ue, anu tinolosi-Do inso a mpabawa anu mompokoma'iso,

Po'unde-unde 111:9

Doweeako ira potolaa a bawaa-Do, Dopakosio ka ipinake dandi-Do ranta nahina tampulaano; mempori ka mongkokongiriomo nee-Do.

Po'unde-unde 147:20

Nahi Dopoweweu kanandio a luwuno tongku, ka luwuno songka-Do nahi domento'orio. Haleluya!

Po'unde-unde 65:5

Me'uraomo mia anu biniki-Miu ka wawao umpeda ndi Omiu; onae ta mo'ia a kintala-Miu. Po'ineeomo kimegagi mowohiako luwuno anu moiko a raha-Miu, a raha-Miu anu mempori.

Po'unde-unde 77:15

Omiumo Ue Ala anu moweweu kinohali-haliako; Ipokomengkaaomo pabawa-Miu i olodo luwuno tongku.

Peluarakoa 6:6

Aku mokogagi komiu bawaa-Ku ka Ongkue Ue Alamiu, ka imento'orio nine Ongkuemo Ue, Ue Ala anu motola komiu inso a mpedadaido mpo'angga a to Masiri.

Yesaya 48:9

Hangano nee-Ku Ku'ontoo tekuda-Ku ka hangano telele-Ku Kupehohawako, onaemo ka nahi Kupokotampulako.

Yesaya 63:12

anu kumongkomio i Musa i koana saru kae-Do anu maramba; anu monsiao uwoi i arodo weweuo nee-Do teto'ori mpiha;

Yesaya 63:9

a laro luwuno ma'isoado. Komba asa mia sarungkoroi ke tinena, tendeano Ondaemo anu kumadudui ira. Ondaemo anu tumolosi ira a laro pompehohawa-Do ka pe'aroa-Do. Dotande ira ka baba ira i larono tempo se'eluno.

Yesaya 64:3

Hangano, Omiu moweweu wineweu mongkokodoito anu nahi kimperorohio, Omiu metii ka luwuno mbo'u torukuno lelu i aro-Miu.

Yeremia 32:21

Saru luwuno petondoni ka anu mengkinohali-haliako, saru kae anu moroso ka tokia anu tetande saru mongkokongiria anu langkai Iwawa iramo bawaa-Miu Isaraeli mpeluarako inso i wita Masiri.

Winali 15:15

Asalakono upewowoloo nine omue mbo'u i ndi'ipua ata i wita Masiri ka omue Dotolosiko i Ue, Ue Alamu. Onaemo pu'uno kuweeakomu parenta atuu a oleo andio.

Winali 4:7

Hangano, tongku langkai isuake anu hinao ue alano anu kanandio umpeda ndi onae kana Ondae i Ue, Ue Alato, sompo tempo tompebooli ndi Ondae?

TITU 2:14

anu meweengakonomo koroi-Do hangano ontae motola kita inso a luwuno anu mosa'o ka mokomemporiako Ira aasa bawaa, bawaa-Do Ondae-Do, anu memokua mpoweweu moiko.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.