1 Tawarika 17:1 - Wunta Mempori

¹ Tempono i Daudi rodoomo i rahado, motaeomo ndi nabi Nata, ”Kitaomo, mo'ia aku a raha inso a ngkeu arasi, kahinaano Burua Pedandia-Do i Ue atuu kongko i larono tenda.”

1 Tawarika 17:1 ပူးပေါင်းရင်းမြစ်များ

2 Samueli 12:1

I Nata Dotenao i Ue lumako ndi Daudi. Haweomo ndi Daudi ka ipotae, ”Hinao orua mia a asa kota, asa mia mompoli ka aasa mongkokolaro.

2 Samueli 12:25

ka molalo i nabi Nata, onae nineeako i Yedidia, a mpo'ehe-Do i Ue.

2 Samueli 6:17

Burua-Do i Ue winawa mewinso, ka i'amba ninaa a mpo'ingaano, i larono kema anu wineweuno i Daudi. Ka i'amba i Daudi mompesombaako pesomba tinunu ka pesomba tekaduduia i aro-Do i Ue.

1 Mokole 1:23

Ka i'amba pinauako mokole, ”I nabi Nata hawe i ndi'ai.” Mewinsoomo i nabi Nata ka ipesomba ndi ondae mokole, rupano hawe a wita.

1 Mokole 1:44

Sando mpesomba i Sadoki, i nabi Nata ka i Benaya anano i Yoyada saru to Kereti ka to Paleti, dotena ira mokole tumondao i Salomo. I Salomo domposawio a bagalido mokole anu waino.

1 Mokole 1:8

Sine, sando mpesomba i Sadoki, i Benaya anano i Yoyada, i nabi Nata, i Simei ka i Rei, saru luwuno miano i Daudi, nahi dompe'alaako ndi Adonia.

1 Mokole 8:17

I Daudi, amaku, dopo'asao aroado mowangu raha po'iangano nee-Do i Ue, Ue Alado to Isaraeli.

1 Tawarika 14:1

I Hirami, mokole i Tirusi montena mia lumako ndi Daudi ka mo'oliwi mbo'u keu arasi, puu mpo'angga watu ka puu mpo'angga keu ka ira mpowanguakono asa langkanae.

1 Tawarika 15:1

I Daudi wangu ira raha langkai tiano koroino i kota Daudi. Ka i'amba mompatinda po'iangano Burua-Do Ue Ala ka mompasaakono kema.

1 Tawarika 16:1

Burua-Do Ue Ala atuu winawa mewinso, ka i'amba ninaa i tonga-tongano kema anu pinasano i Daudi tiano atuu. Ka do'amba mpopesombaako pesomba tinunu ka pesomba tekaduduia i aro-Do Ue Ala.

1 Tawarika 17:2

Ka i'amba motaeomo i Nata ndi Daudi, ”Weweuomo luwuno anu ino'aroamu, hangano Ondae Ue Ala kumongkomiko.”

1 Tawarika 17:5

Nahi Kuhori mo'ia a laro raha tumampu'u Kutaate ira to Isaraeli mpeluarako hawe oleo andio, sine Ongkue melimba-limba inso a ngkema lumako a ngkema susua, ka inso a mpo'ianga aasa lumako a mpo'ianga susua.

1 Tawarika 22:6

Ka i'amba moboio i Salomo, anano ka iparentao wanguo raha-Do i Ue, Ue Alado i Isaraeli.

1 Tawarika 22:7

Pauno i Daudi ndi Salomo, ”Anaku, ongkueku montoo mowangu rahano nee-Do i Ue, Ue Alaku.

1 Tawarika 28:2

Ka i'amba mentadeomo mokole Daudi ka dopotae, ”Imerongeomo oo luwuno pepaekompoku ka tongkuku! Tinooku mowangu raha penaa-naaano Burua Pedandia-Do i Ue ka pelandaano karu-Do Ue Alato. Kupatindaomo wanguno.

1 Tawarika 29:29

Menteeano teweweuno mokole Daudi inso a pompu'uano hawe pokotompaano teburi a wunta teweweuno i Samueli, puu mpongkita atuu, a wunta nteweweuno i nabi Nata, ka a wunta nteweweuno i Gadi, puu mpongkita atuu,

2 Tawarika 1:4

Sine, i Daudi i ndi'ipua wawao Burua-Do Ue Ala inso i Kiriati-Yearimi a mpo'ianga anu ipatindaakono Burua atuu, hangano ipasaomo kema po'iangano Burua atuu i Yerusale.

Po'unde-unde 132:5

ranta ka kupohawe po'ianga-Do i Ue, po'ianga-Do Anu Tedoa Moroso, Ue Alano i Yako.”

Peluarakoa 26:1

”Kema Mempori atuu asalakono wineweu inso a hopulu sawu tenda. Tenda atuu wineweu inso: a lena alusu, anu kinoloro banano ka bana wungo motu'a, wungo mongura ka bana motaha motu'a. Tenda atuu asalakono sinulati megambara kerubi.

Yeremia 22:15

Nde potaemu omue gagi mokole, tewala omue metandi a pompakea keu arasi? Kombake amamu mongkaa ka mo'inu moweweu moleoa ka menteea, ranta moikoomo atuu ndi onae.

Danieli 4:4

Ongkue, i Nebukanesa, mo'ia rodo a laro rahaku ka hadio ntu'u arataaku a laro langkanaeku.

Hagai 1:4

”Nde haweakoomo tempono ka impo'iangario luwuno rahamiu anu me'apiiako dopi, sekono raha-Do andio da kana howuno anu terawo?

Hagai 1:9

Komiu mpomperorohi hadio, sine kitao hasilino tedei. Tempono imewawao mpekule, Kupuurio ka itampula. Hapa pu'uno? Kanandiomo pau-Do Ueno luwuakoano. Hangano raha-Ku anu da kana howuno anu terawo, sekono omiu singge mia marepaako rahano onaeno.

WINEWEUDO TINENA 7:46

I Daudi mohaweomo pompehohawa i aro-Do Ue Ala ka i'emao, ka i'ineheako mowangu aasa po'ianga-Do Ue Alano i Yako.