1 Tawarika 15:25 - Wunta Mempori

²⁵ Ka i'amba i Daudi ka luwuno mia memota'u Isaraeli saru luwuno petewawa sorodadu asa nsowu memawongko ira melako me'alao Burua Pedandia-Do i Ue inso a rahano i Obe-Edomi.

1 Tawarika 15:25 ပူးပေါင်းရင်းမြစ်များ

PILIPI 4:4

Impo'undemo mpiha ndi Ondae i Ue! Pohonapo mbo'u kupauo: Impo'undemo!

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

Mika 5:2

Onaemo pu'uno dopo'inee ira ka ihaweako tempono beine anu kontongaano me'ana umariomo me'ana. Ka i'amba anu susuano inso a luwuno pepaekompono ira mpepokule a luwuno anano i Isaraeli.

Esera 6:16

Ka do'amba to Isaraeli, luwuno sando mpesomba, to Lewi ka mia susua anu mpekule inso a mpo'ianga domentinadi mporame-rame memawongkoakono poronsoa Raha-Do Ue Ala.

1 Mokole 8:1

I Tempo atuu i mokole Salomo tumena ira luwuno mia memota'u to Isaraeli, luwuno petewawa suku, luwuno petewawa pepe'etuado to Isaraeli, mpepumpu i arodo mokole Salomo i Yerusale, ka domewawao burua pedandia-Do i Ue inso i kota Daudi, onaemo Sioni.

1 Samueli 22:7

Ipotaeako ira i Saulu sorodaduno anu mpentade i horino, ”Omiu to Benami, imerongeo! Nde ta moweeakomiu i Daudi lere pompahoamiu gandu ka lere anggoro? Ke luwumiu andio ta motorokomiu i Daudi gagi petewawa sorodadu asa nsowu ka petewawa sorodadu asa etu,

1 Samueli 10:19

Sine kanandio-andio nahi impe'ala-ala Ira Ue Alamiu anu kumadudui komiu inso a luwuakoano masolaa ka masusaamiu, ka impotaeako Ira, ’Ipotoroa kami asa mokole.’ Gagi kanandio, impentademo i aro-Do i Ue montonda suku ka pepe'etuamiu.”

1 Samueli 8:12

Onae ta tumena ira gagi petewawa asa nsowu sorodadu ka petewawa lima pulu sorodadu. Ondae ira mpopadeko lereno ka mensowiakono. Ondae ira mpoweweu sangka mpetea ka sangka mpetea a ngkaretano.

Winali 16:15

Ilarono opitu oleo asalakono impoweweu rame-rame melangkai Ira i Ue, Ue Alamiu, a mpo'ianga anu Ira binikio i Ue. Hangano Ondae i Ue, Ue Alamiu, Ira rumonso komiu a luwuno sinowimiu, ka luwuno anu inanggano kaemiu, ranta kai polio memawongko ntu'u.

Winali 16:11

Imemawongkomo i aro-Do i Ue, Ue Alamiu, omiu saru anamiu tama ka beine, atamiu tama ka beine, to Lewi anu i kotamiu, saru mbo'u mia hawe, nana'ote anu nahina amano ka tuwu beine anu i tonga-tongamiu. Imemawongkomo a mpo'ianga anu Ira binikio i Ue, Ue Alamiu, kai po'ia nee-Do i ra'ai.

Winali 12:18

Sine, asalakono imengkaano i aro-Do i Ue, Ue Alamiu, a mpo'ianga anu Ira binikio i Ue, Ue Alamiu, omiu saru anamiu tama ka beine, atamiu tama ka beine, ka to Lewi anu i kotamiu. Komiu memawongko i aro-Do i Ue, Ue Alamiu, hangano luwuno anu inanggano kaemiu.

Winali 12:7

I ra'aimo imengkaano i aro-Do i Ue, Ue Alamiu, ka memawongko, omiu ka pe'asa rahamiu, hangano a luwuno inanggano kaemiu Doronsoo i Ue, Ue Alamiu.

Winali 1:15

Umarino atuu ku'ala ira luwuno petewawa sukumiu, luwuno mia anu pande mpopewowolo ka hori iramo mpetewawa, ka kupotoro ira gagi petewawamiu. Ondae gagi petewawa asa nsowu mia, asa etu mia, lima pulu mia ka hopulu mia, saru mbo'u luwuno anu mpo'angga susua tiano sukumiu.

Podoaa 31:14

Ka i'amba tekudaomo i Musa a luwuno petewawado sorodadu atuu, a luwuno petewawado asa nsowu sorodadu ka a mpetewawado asa etu sorodadu anu mpekule inso a mpeteaa,

2 Tawarika 1:4

Sine, i Daudi i ndi'ipua wawao Burua-Do Ue Ala inso i Kiriati-Yearimi a mpo'ianga anu ipatindaakono Burua atuu, hangano ipasaomo kema po'iangano Burua atuu i Yerusale.

2 Tawarika 5:2

I tempo atuu i Salomo tumena ira luwuno mia memota'u i Isaraeli ka luwuno petewawa suku, luwuno petewawa pepe'etuado to Isaraeli mpepumpu i Yerusale ka domewawao Burua pedandia-Do i Ue inso i kota Daudi, onaemo Sioni.