1 Tawarika 15:16 - Wunta Mempori

¹⁶ I Daudi parenta ira luwuno petewawado to Lewi atuu, ka dotena ira luwuno pepaekompodo puu mpenani ka dompenaniako temeroku penani mawongko tinondaako parewa mpenani, gambusu, katapi ka simbali.

1 Tawarika 15:16 ပူးပေါင်းရင်းမြစ်များ

1 Tawarika 13:8

I Daudi ka luwudo to Isaraeli mpelense-lense i aro-Do Ue Ala tompaano rosodo, tinondaako penani, katapi, gambusu, rabana, simbali ka napiri.

1 Tawarika 15:12

Ipotaeako ira, ”Omiumo petewawa a mpepe'etuado to Lewi. Impokomemporiomo koroimiu, omiu ka luwuno pepaekompomiu, kai mentandeo Burua-Do i Ue, Ue Alado to Isaraeli a mpo'ianga anu kupatindaomo atuu.

1 Tawarika 16:42

I Hemani ka Yedutuni, to'oriado napiri ka simbali pakeado luwuno puu mpemae, luwuno mbo'u parewa mpenani anu tumonda penani unde-unde-Do Ue Ala. Luwuno anano i Yedutuni medagaio pewowa langkai.

1 Tawarika 16:5

Petewawano onaemo i Asapi ka mia ko'orua onaemo i Sakaria, ka i'amba i Yeieli, i Semiramoti, i Yehieli, i Matitia, i Benaya, i Obe-Edomi ka i Yeieli, anu memaeakono gambusu ka katapi, i Asapi anu memaeakono simbali.

1 Tawarika 23:5

pato nsowu mia gagi puu mpodagai pewowa langkai; ka pato nsowu mia anggaado umunde-unde Ira i Ue mompake parewa pontonda penani anu kuweweuomo.” Ipotae i Daudi.

1 Tawarika 6:16

Luwuno anano i Lewi, onaemo i Geresoni, i Kehati ka i Merari.

2 Tawarika 20:19

Ka i'amba to Lewi inso a inuleno i Keha ka inuleno i Kora mpentade ka dompenaniako penani umunde-unde Ira i Ue, Ue Alano i Isaraeli saru mpenani tedoa meroku.

2 Tawarika 30:12

Kae-Do Ue Ala mo'angga ndi Yehuda mokobobotolio aroado ka domeweweuo parentano mokole ka luwuno petewawa, menunu saru pau-Do i Ue.

2 Tawarika 5:12

Luwuno puu mpenani to Lewi, onaemo i Asapi, i Hemani, i Yedutuni saru luwuno nana'ote ka luwuno pepaekompono, luwuno mpentade i sabaano oleo meda pontunua pesomba, mpesangka lena alusu ka saru simbali, gambusu ka katapi, meronga asa etu ka rua pulu sando mpesomba puu pompuuri napiri.

2 Tawarika 5:13

Luwuno puu pompuuri napiri ka luwuno puu mpenani atuu mperonga-ronga mpoporongeo suarado dompenaniako po'unde-unde ka pontarimakasi ndi Ondae i Ue. Mpenani ira meroku saru napiri, simbali ka luwuno parewa mpenani umunde-unde Ira i Ue, ”Hangano moiko Ira! Menteeano anu nahina tampulaano pompehohawa-Do.” Ka i'amba raha mbo'u atuu raha-Do i Ue, bukeako seru.

2 Tawarika 7:6

Luwuno sando mpesomba ntetinda iramo mpentade a mpo'iangado. Kanatuu koa mbo'u luwuno to Lewi saru luwuno parewa mpenani, parewa mpenani anu wineweuno i mokole Daudi umunde-unde Ira i Ue, ”Menteeano ranta nahina tampulaano petenunu ka pompehohawa-Do!” tempono i Daudi menaniako po'unde-unde molalo ondae. Ka i'amba ntepo'aro saru ondae, luwuno sando mpesomba mpopuuri napiri ka luwuno to Isaraeli mpentade.

Nehemia 12:27

A mporonsoa bente i Yerusale luwuno to Lewi pinoboi inso a luwuno po'iangado ka mewinawa i Yerusale ta wineweu poronsoa anu maroaako po'unde ka penani, tinondaako simbala, gambusu ka katapi.

Nehemia 12:36

ka luwuno pepaekompono: i Semaya, i Asare'eli, i Milalai, i Gilalai, i Ma'ai, i Netane'eli, i Yehuda ka i Hanani saru parewa mpenanino i Daudi, tetenaa-Do Ue Ala, sekono i Esera anu tedoa pande a wunta atuu melempa i arodo.

Nehemia 12:43

Ia oleo atuu mpopesombaako ira hadio pesomba. Memawongko ira hangano Ondae i Ue moweeako ira mawongkoa anu langkai. Luwuno mbo'u beine ka nana'ote memawongko, ranta mawongkoa i Yerusale teronge hawe olai.

Nehemia 12:46

Hangano, lano mompu'u i ndi'ipua tempono i Daudi ka i Asapi, hinao petewawado puu mpenani, hinao penani po'unde-unde ka penani po'unde ndi Ondae Ue Ala.

Po'unde-unde 100:1

Penani po'unde-unde pesomba pontarimakasi. Imengkokora-koramo tia-Do i Ue, hei asa wawontolino!

Po'unde-unde 149:3

Po'ineeomo dome'unde-undeo nee-Do saru mpo'ense-ense, po'ineeomo dompenani umunde-undeako Ira rebana ka katapi!

Po'unde-unde 150:5

Unde-undeako Iramo tawa-tawa kodei anu kekele, unde-undeako Iramo tawa-tawa kodei anu melantu-lantu!

Po'unde-unde 81:1

Tiano petewawado anu mpenani. Montonda nanino Gititi. Inso ndi Asapi.

Po'unde-unde 81:3

Wuatakonomo penani, po'uniomo rebana, katapi anu molino unino, tinondaako gambusu.

Po'unde-unde 87:7

Kontongaano mpo'ense-ense mia mpenani, ”Luwuno mata uwoiku kongko i laromu.”

Po'unde-unde 95:1

Aiwamo tomengkokora-kora mawongkoako Ira i Ue, mengkokora-koraakono torukuno watu tekaduduiato.

Peluarakoa 15:20

Ka i'amba i Miria, nabi beine atuu, pepaekompono beine i Haruni, mo'ala rebana, pentade iramo luwuno beine mentondao mpotingko rebana saru mo'ende-ende.

Yesaya 49:23

Luwuno mokole ira megagi puu mpete'iamu ka kombiado megagi puu mpete'ia beine ndi omue. Ira mpesomba ndi omue ranta rupado hawe a wita ka ira mensile'io pampawu a ngkarumu, Ka kotumo'orio, nine Ongkuemo Ue, ka mia anu mensisikori Aku nahi ira mpohawe mokoko'ii.”

Yeremia 33:11

ta teronge mbo'u suara mawongkoa ka po'undea, suarano umbungkoroi tama ka umbungkoroi beine, suarado mia anu mpotae: Unde-unde Iramo Ueno luwuakoano, hangano Ondae i Ue Atuu moiko, menteeano ranta nahina tampulaano pompehohawa-Do!, tekonai mompesombaako pesomba po'unde-unde a Raha-Do i Ue. Hangano, Aku mokomoikoo teweweuno wita andio kana i ndi'ipua, pau-Do i Ue.

Amosi 6:5

anu mpenani-nani menunu unino gambusu, kana i Daudi, ondae mpoweweu anu me'uni-uni tiano koroido;

WINEWEUDO TINENA 14:23

A sompo-sompo bawaa tinena atuudo mompotoroako ira penatua bawaa atuu ka mansado mekakai ka mepuasa, dopeweengako iramo penatua atuudo ndi Ondae i Ue, anu pu'uno pompe'ala-alado.

2 TIMOTIU 2:2

Hapa anu urongeomo inso ndi ongkue i arodo hadio sakosii, pe'ala-alaakonomo atuu a mia anu tekona domempine'ala-ala, anu mempande koa mbo'u mpompaguru mia susua.

TITU 1:5

Kubintakomo i Kereta saru tinoo andio, ka upatindao hapa anu napi umari ka upakosi ira penatua i sompo kota, kana anu ku'oliwiakomu,