1 Tawarika 13:3 - Wunta Mempori

³ Moikoomo tomewawao Burua-Do Ue Alato mekule ndi ontae, hangano tempono i Saulu nahi tomperioo.”

1 Tawarika 13:3 ပူးပေါင်းရင်းမြစ်များ

1 Tawarika 13:2

Mepau i Daudi a luwuno bawaa Isaraeli, ”Tewala impemoikoo ka tewala Dopemoikoo i Ue, Ue Alato, moikoomo tompotena mia a luwuno pepaekompoto anu da mpo'ia a witado to Isaraeli, ka a luwuno mbo'u sando mpesomba ka to Lewi anu mpo'ia a luwuno kota saru wita pompakambia, ka dontepo'asa saru ontae.

1 Tawarika 13:4

Luwuno bawaa atuu mpotae nine ira meweweuo kanatuu, hangano pinewowolo atuu moiko a pongkitado luwuno tongku.

1 Tawarika 15:13

Hangano omiu nahi mehawe a amba-ambano, onaemo ka Dotiu kita i Ue, Ue Alato, hangano nahi tompo'ema pontiso-Do kana'umpe anu asalakono.”

Po'unde-unde 132:6

Mentee ntu'u tomerongeo nine burua pedandia atuu kongko i Eparata, tomehaweo i pada Ya'ari.

1 Samueli 14:18

Motae i Saulu ndi Ahia, ”Wawao Burua Pedandia-Do Ue Ala i ndi'ai.” Tempo atuu Burua Pedandia-Do Ue Ala mo'ia i olodo to Isaraeli.

1 Samueli 14:36

Ka i'amba motae i Saulu, ”Aiwa ka tomelulu ira to Pelisiti wongi andio ka topomuru ira ranta hawe meene. Tompepate ira luwu.” Mesangki ira palili, ”Iweweuomo hapa anu pinemoikomiu.” Sine ipotae sando mpesomba, ”Aiwa ka tompo'ema pontiso-Do Ue Ala i ndi'ai.”

1 Samueli 22:10

Onae mo'emaakono i Daudi pontiso ndi Ondae i Ue, ka moweeakono bakuno, ka ponaino i Golia, to Pelisiti atuu iweeakono.”

1 Samueli 22:15

Komba oleopo andio ka komba da pohona andio kupo'emaakono pontiso ndi Ondae Ue Ala, naahi! Mongkona kutepo'asaakono umewai komiu, mo'ema aku pompehohawamiu mokole, si tuluri kami atamiu andio ke maupo luwudo pe'asa rahaku, hangano omami andio maupo tedei nahi kimponto'ori hapa-hapa mongkona anu gagi atuu.”

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”