1 Tawarika 12:20 - Wunta Mempori

²⁰ A laro pelempaano lumako i Sikalagi, ba'opia mia inso a nsuku Manase mpelimba ndi onae: i Adanahi, i Yosabadi, i Yediaeli, i Mikaeli, i Yosabadi, i Elihu ka i Seletai, saru luwuno petewawa sorodadu asa nsowu suku Manase.

1 Tawarika 12:20 ပူးပေါင်းရင်းမြစ်များ

1 Tawarika 12:19

Inso ndi Manase mbo'u hinao anu melimba ndi Daudi, tempono iperongaako ira to Pelisiti mpetea umewaio i Saulu. Bakanaano komba itulungi ira, hangano onae tinena lumako mansano luwuno mokole kotado to Pelisiti memputusio, dompotae, ”Tewala onae melimba ndi Saulu, ueno, ta mansa tetadi uluto.”

1 Tawarika 12:21

Ondae mpokowalio i Daudi mpo'ewai gerombola, hangano ondae luwuno sorodadu anu moroso ntu'u ka luwuno petewawa sorodadu.

1 Tawarika 8:20

i Elio'enai, i Siletai, i Elieli,

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Winali 1:15

Umarino atuu ku'ala ira luwuno petewawa sukumiu, luwuno mia anu pande mpopewowolo ka hori iramo mpetewawa, ka kupotoro ira gagi petewawamiu. Ondae gagi petewawa asa nsowu mia, asa etu mia, lima pulu mia ka hopulu mia, saru mbo'u luwuno anu mpo'angga susua tiano sukumiu.

Winali 33:17

Marambano kana ana sapi amba-ambano, ka tanduno kana tandu onua. Onae ta tumanduo luwuno tongku, asa wawontolino, inso i tompano hawe i tompano. Kanatuumo pulunsowuno to Eparai, ka sowuno to Manase.”

1 Samueli 29:11

I Daudi saru luwuno miano mpewangu da mo'oru ira mpekule i witado to Pelisiti, sine to Pelisiti atuu mpelempa melako i Yisire'eli.

1 Samueli 29:3

Mpotae iramo tadulako sorodadu to Pelisiti, ”Kana'umpe ira ke to Ibarani andiodo?” Sumangki i Akisi, ”Komba onae ke atuu i Daudi, atano i Saulu mokoledo to Isaraeli, anu asa ke orua nta'umo andio kiperonga-ronga, nahina kupohawe wineweuno anu mosa'o mompu'u ipelimba ndi ontae ranta hawe oleo andio.”

1 Samueli 29:4

Sine luwuno tadulako sorodadudo to Pelisiti ntekuda ndi onae, dompotae, ”Tenaomo mia atuu ka ipekule a mpo'ianga anu itinisoako. Kasi petonda metea saru ontae, kasi gagi iwalito a laro mpeteaa. Hapa mbo'u ta pinemoikono ueno mia andio, ba nahi komba uludo miato?