1 Tawarika 12:18 - Wunta Mempori

¹⁸ Ka i'amba Penaa-Do i Ue pabawaio i Amasai, petewawado mia tolu pulu atuu, ipotae, Omami andio mpe'alaako ndi omue, hei Daudi, ka mperonga saru omue, hei anano i Isai! Manangaia, manangaia ka manangaia tia-Do anu tumulungiko, hangano Ondae Ue Alamu, Ondaemo anu tumulungiko! Ka i'amba i Daudi tumarima ira ka motoro ira gagi tadulako sorodadu.

1 Tawarika 12:18 ပူးပေါင်းရင်းမြစ်များ

2 Samueli 15:21

Sine i Itai sumangki ira mokole, ”A nee-Do i Ue anu tuwu ka a ntuwumiu ueku mokole, isua ipo'ia ueku mokole, moiko tuwu maupo mate, i tu'ai mbo'u atamiu andio.”

2 Samueli 17:25

I Abisalo umariomo montoroo i Amasa umeuo i Yoabi gagi petewawa sorodadu. I Amasa onaemo anano asa mia anu meneeako i Yitira, to Sumaila anu kumombiao i Abigai anano i Nahasi, beine pepaekompono i Seruya ineno i Yoabi.

2 Samueli 19:13

Pauakono mbo'u i Amasa: Komba pe'etuku ke omue? Po'ineeomo Ondae Ue Ala humuku aku mobea, maupo lalua mbo'u, tewala omue nahi ugagi mpiha tadulako sorodaduku umeuo i Yoabi.”

2 Samueli 5:2

I ndi'ipua itempono i Saulu meparenta ndi omami, omiumo anu metewawa a luwuno peleludo sorodadu to Isaraeli. Ondae i Ue mepau iramo ndi omue: Omiumo anu ta pakambi ira bawaa-Ku Isaraeli, ka omiumo anu ta gagi petewawado Isaraeli.”

1 Mokole 9:22

To Isaraeli nahina anu pinokogagi atano i Salomo. Ondae megagi sorodadu, pegawai, anu langkai potorono, ka sorodadu langkai pangkano, ke tadulakodo sorodadu mpekareta ka sorodaduno mpengara.

2 Mokole 10:15

Mansado melako inso i ra'ai, itepotowoakono i Yonadabi anano i Rekabi anu aiwa tumotowoo. Ipetabeio ka ipotae, ”Nde moleo koa ke aroamu kana aroaku ndi omue?” Sumangki i Yonadabi, ”Humbee!” Motae i Yehu, ”Tewala kanatuu, taangakono kaemu!” Itaangakono kaeno ka i Yehu dumiio mewuatako i horino a laro ngkaretano.

2 Mokole 10:5

Ka i'amba petewawa langkanae ka petewawa kota atuu, saru mbo'u luwuno mia memota'u ka luwuno pememota'u mpe'oliwi ndi Yehu, ”Omami andio atamiu ka luwuno anu pinaumiu ndi omami kami koa meweweuo. Nahi kami mpopotoro maupo isema gagi mokole. Iweweuomo hapa anu pinemoikomiu.”

2 Mokole 9:32

Itandeo i Yehu rupano te'aro a pentangoa atuu ka ipotae, ”Isema me'alaako ndi ongkue? Isema?” Hinao orua ke otolu mia pegawai langkanae mengkita te'aro ndi onae.

1 Tawarika 11:11

Ndiomo burino luwuno sorodaduno i Daudi: i Yasobami anano i Hakemoni, petewawado Otolu Mia Mosia. Onaemo anu umioo kansai mompepate tolu etu mia i larono asa mpeteaa.

1 Tawarika 12:17

I Daudi meluarako tepohaweako ira ka motae, ”Tewala aiwamiu ndi ongkue saru tinoo manangai komiu mpokowali aku, aku koa me'asa aroaakomiu. Sine, tewala tinoomiu komiu mpe'akala mpeweengako aku a iwaliku, kahinaano nahi kupoweweu anu mosa'o, po'ineeomo Ondae Ue Alado uempu'uto kumitao atuu ka humuku komiu.”

1 Tawarika 2:17

I Abigai me'anaakono i Amasa ka amano i Amasa, onaemo i Yeteri to Sumaila.

Yesaya 59:17

Dopokonao moleoa kana lemba labu ka songko tekaduduia a ulu-Do; Dopokonao sangka pombaloa ka mesoumbuako kohili kana lemba meloe.

Sakaria 8:23

Kanandiomo pau-Do Ueno luwuakoano, ”I tempo atuu hopulu mia inso a mperupa-rupa tongku ka pau ira me'inio moroso ntu'u tapuno lemba meloeno asa to Yahudi ka mpepau: Inehemami melako meronga saru omiu, hangano kimerongeomo, nine Ondae Ue Ala kumongkomi komiu!”

I MATIU 12:30

Isema nahi saru ongkue, onae umewai Aku ka isema anu nahi popumpu saru Ongkue, onae morawo-rawo.

GALATIA 6:16

Ka luwuno mia, anu meweengakono koroino itaateo pontiso andio, po'ineeomo rodoa ka pompehohawa ka ipetii ndi ondae ka a nto Isaraeli bawaa-Do Ue Ala.

Puu Mpobitara 13:25

Ka i'amba Penaa-Do i Ue mompu'u lumeluo aroano i Simeso i Mahane-Dani, anu i olono Sora ka Esitao.

Puu Mpobitara 3:10

Penaa-Do i Ue pabawaio ka igagi petewawado to Isaraeli. Lumakoomo metea, ka Ondae i Ue mewengakono i Kusani-Risataimi, mokoledo to Arami, onaemo ka inangio i Kusani-Risataimi.

Puu Mpobitara 6:34

I tempo atuu i Gideo bukeako Penaa-Do i Ue ipuuriomo tawuwua ka iteahako ira to Abieseri tumondao.

Ruti 1:16

Sine ipotae i Ruti, ”Sidadai aku bintakomiu ka kupekule nahi kutonda komiu, nde ba isua ilako i tu'ai kulako, ka ba isua ipoturi i tu'ai kupoturi, tongkumu onae tongkuku, ka Ue Alamiumo, Ondae Ue Alaku;

1 Samueli 16:4

Iweweuo i Semueli menunu kana pau-Do i Ue. Mansano hawe i Beteleme, mpondende ira mia mota'u mentotowoo, ka dompotae, ”Hawemiu andio, nde mowawa komiu moikoa?”

1 Samueli 16:5

Isangki ira, ”Humbee, mentee! Aku aiwa mompesombaako pesomba ndi Ondae i Ue. Impokomemporio koroimiu ka ime'aiwa a mpoweweua gau mpesomba saru ongkue.” Ka i'amba mokomemporio i Isai saru luwuno anano anu tama ka i'olu ira a mpoweweua gau mpesomba.

1 Samueli 22:7

Ipotaeako ira i Saulu sorodaduno anu mpentade i horino, ”Omiu to Benami, imerongeo! Nde ta moweeakomiu i Daudi lere pompahoamiu gandu ka lere anggoro? Ke luwumiu andio ta motorokomiu i Daudi gagi petewawa sorodadu asa nsowu ka petewawa sorodadu asa etu,

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 24:13

Po'ineeomo Ondae i Ue gagi puu pobitara i oloto. Po'ineeomo Ondae i Ue anu mombaloakune ndi omue, sine nahi aku umewai komiu,

1 Samueli 24:16

Po'ineeomo Ondae i Ue anu gagi puu mpobitara ka moweweu pomputusi i oloto. Po'ineeomo Ondae i Ue kumitao ka kumorahakono kara-karaku ka mowee aku moleoa, tepotola inso a ngkaemiu.”

1 Samueli 8:12

Onae ta tumena ira gagi petewawa asa nsowu sorodadu ka petewawa lima pulu sorodadu. Ondae ira mpopadeko lereno ka mensowiakono. Ondae ira mpoweweu sangka mpetea ka sangka mpetea a ngkaretano.