1 Tawarika 11:3 - Wunta Mempori

³ Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

1 Tawarika 11:3 ပူးပေါင်းရင်းမြစ်များ

2 Samueli 2:4

Ka do'amba mehawe to Yehuda, ka dome'urapio i Daudi i ra'ai gagi mokoledo to Yehuda. Ka i'amba domempauakono i Daudi kanandio, ”To Yabesi-Gilea domengkaburuomo i Saulu.”

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

2 Samueli 5:5

I Heberoni ipoparenta a nto Yehuda opitu nta'u ka onoo wula. I Yerusale i poparenta tehineno tolu pulu ka otolu nta'u a nto Isaraeli ka Yehuda.

2 Mokole 11:17

Ka i'amba i Yoyada moweweu pedandia olo-Do i Ue ka mokole ka palili nine ondae megagi bawaa-Do i Ue; ka i'olodo mbo'u mokole ka palili.

2 Mokole 23:30

Luwuno pegawaino me'ulao wata ngkoroino a ngkadera inso i kota Migido ka mewawao i Yerusale. Ka do'amba mengkaburuo a ngkaburuno onaeno. Ka i'amba palili i wita atuu melako me'alao i Yoahasi anano i Yosia. Dome'urapio gagi mokole umeuo amano.

1 Tawarika 11:10

Ndiomo luwuno tadulako i olodo luwuno sorodaduno i Daudi, anu moroso mokowalio meronga luwuno to Isaraeli, ka ipohawe potoro mokole ka mpotoroo gagi mokole, kana anu pinau-Do i Ue mongkona Isaraeli.

2 Tawarika 23:3

Ka i'amba luwuno bawaa atuu mpoweweu pedandia saru mokole i raha-Do Ue Ala. Motae i Yoyada ndi ondae, ”Ndiomo ana ntamado mokole! Onaemo anu ta moparenta, kana anu Dopauomo i Ue mongkona luwuno anano i Daudi!

Puu Mpobitara 11:11

Lumakoomo i Yepeta tumonda ira mia memota'u to Gilea, ka tongku atuu mempotoroo gagi petewawa ka tadulakodo. Luwuakoano atuu ipohaweo i Yepeta i aro-Do i Ue, i Misipa.

1 Samueli 11:15

Luwuno tongku atuu melako i Giliga. I ra'ai dompotoroo i Saulu gagi mokole i aro-Do i Ue. Ka i ra'ai dompopesombaako pesomba tekaduduia ndi Ondae i Ue. I ra'ai i Saulu saru luwuno to Isaraeli tedoa memawongko.

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:3

Oluo i Isai a mpoweweua gau mpesomba atuu. Aku koa pauakomu hapa anu ta wineweumu. Mia anu kupauakomu, onae anu ko'umurapio.”

1 Samueli 23:18

Ka do'amba moweweu pedandia i aro-Do i Ue. I Daudi da mo'ia i Koresa, ka i Yonata mekule i rahano.

1 Samueli 28:17

Ondae i Ue weweuo ndi omue kana anu umariomo Dopauo ndi ongkue. Dokansa-kansaomo i Ue poparentaa inso a ngkaemu ka Doweeakono i Daudi mia pine'ala-alamu.