1 Tawarika 11:10 - Wunta Mempori

¹⁰ Ndiomo luwuno tadulako i olodo luwuno sorodaduno i Daudi, anu moroso mokowalio meronga luwuno to Isaraeli, ka ipohawe potoro mokole ka mpotoroo gagi mokole, kana anu pinau-Do i Ue mongkona Isaraeli.

1 Tawarika 11:10 ပူးပေါင်းရင်းမြစ်များ

2 Samueli 3:21

Motae i Abinere ndi Daudi, ”Moikoomo kupepatinda lumako pumpu ira luwuno to Isaraeli ndi omiu ueku mokole, ka dompoweweu pedandia saru omiu ka omiu gagi mokole a luwuno anu inehemiu.” Ka i'amba i Daudi mo'ineeo i Abinere lumako temoi-moiko.

1 Tawarika 11:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba i Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli, kana anu pinau-Do i Ue telalo i Semueli.

1 Tawarika 12:21

Ondae mpokowalio i Daudi mpo'ewai gerombola, hangano ondae luwuno sorodadu anu moroso ntu'u ka luwuno petewawa sorodadu.

1 Tawarika 12:23

Ndiomo porokono sorodadu anu tetinda ira mpetea, anu me'aiwa ndi Daudi i Heberoni ira mempaheo pentoroano mokole inso ndi Saulu melimba ndi Daudi, menunu saru petena-Do i Ue.

1 Tawarika 12:24

Inuleno i Yehuda anu montande kanta ka kansai, porokono nomo nsowu ka halu etu mia anu tetinda ira mpetea.

1 Tawarika 12:38

Luwuno atuu onaemo sorodadu, mia anu tetinda mpopokowali a laro baresi mpeteaa. Ondae me'aiwa i Heberoni moleo aroado ira mpotoroo i Daudi gagi mokole a luwuno Isaraeli, luwuno mbo'u to Isaraeli anu susua, bobotoli aroado ira mpotoroo i Daudi gagi mokole.

1 Tawarika 12:39

Mpo'ia ira i ra'ai saru i Daudi i larono otolu oleo, mpongkaa ka mpo'inu mperonga, hangano luwuno pepaekompodo mpopatindaako ira kaanga.

1 Tawarika 27:1

Ndiomo luwuno to Isaraeli montonda peburido luwuno petewawado anu mpepe'etu, luwuno tadulako sorodadu asa nsowu ka sorodadu asa etu, saru luwuno puu mpo'angga anu mpekakaako ira mokole a laro luwuakoano mongkona bawaa anu mpo'angga ka anu pakansi, sompo wula, i larono asa nta'u. Asa bawaa porokono rua pulu ka opaa nsowu mia.

1 Tawarika 28:1

I Daudi pumpu ira luwu anu langkai potorodo a nto Isaraeli i Yerusale, onaemo luwuno petewawa suku, luwuno petewawa bawaano luwuno mia anu mpekakaako ira mokole, luwuno petewawa sorodadu asa nsowu ka petewawa sorodadu asa etu, luwuno mbo'u puu mpo'atora arataa saru pinotuwudo mokole ka luwuno anado; saru mbo'u luwuno pegawai langkanae, luwuno sorodadu anu langkai potorono ka luwuno puu mpetea anu moroso ka mosia.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”