1 Tawarika 10:4 - Wunta Mempori

⁴ Motae i Saulu a puu mpowawano parewa mpetea, ”Butaomo ponaimu ka tobo akumo, kasi mansa mia anu nahi dompetindi andio mpemae-maeakune.” Sine puu mpowawano parewa mpetea nahi behe, hangano onae tedoa doito. Ka i'amba i Saulu umalao ponai atuu ka ipebangkuako i wawono.

1 Tawarika 10:4 ပူးပေါင်းရင်းမြစ်များ

2 Samueli 1:20

Simempaleleo atuu i Gati, simempaleleo atuu a nsala Asikelo, kasi dompo'unde ana beinedo to Pelisiti, kasi dompo'unde-unde ana beinedo mia anu nahi petindi!

2 Samueli 1:6

Mangalitau anu mowawa lele atuu, motae, ”Tekonai aku i mentorukuno Giliboa. Kukitao i Saulu metumboako kansaino, kontongaano kareta ka sorodadu mpengara anu meluluo umpeda iramo.

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

1 Mokole 16:18

Kumitao kota atuu ipongko'alaomo, mewinsoomo i Simiri i larono bolongko kodei a langkanaedo mokole. Isongkoo langkanaedo mokole ka onaeno mate mo'ai,

1 Tawarika 10:3

Peteaa atuu tedoa ipemobeao i Saulu. Domehaweo anu mpepana ka domebelaio.

1 Tawarika 10:5

Kumitao i Saulu mateomo, puu mpowawa parewa mpeteano mbo'u mebangkuako i wawono ponai ka imate.

WINEWEUDO TINENA 1:18

– I Yudasi andio mo'oliomo wita asa ntia inso a ntambo poweweuno anu mosa'o, ka i'amba tebangku tepo'opo, ka tebonsi kompono ranta te'uweti luwu ihi kompono.

WINEWEUDO TINENA 16:27

Mansano mekaangako petewawa torungku atuu ka ikitao luwuno tondono torungku te'ungkahi, ibutao ponaino ta me'upu, hangano iko'aro-aroa, nine mempolai iramo mia mehinuku.

Puu Mpobitara 15:18

Mansano tedoa mokoranga, mebooliomo ndi Ondae i Ue, ”Kae tetenaa Miu andio Ipowee aku poponangi anu langkai. Sine kanandio, akumo mate mokoranga ka tedonta a ngkaedo mia anu nahi dompetindi andio!”

Puu Mpobitara 16:21

Domerakoomo to Pilisiti, domensunggeio orua matano ka domewawao i Gasa. I ra'ai dometorungkuo ka domeranteakono rante mala ka inanggano butu mogili.

Puu Mpobitara 9:54

Mompari-pari moboio tetenaano anu mo'ini sangka peteano ka ipotae, ”Butao ponaimu ka upepate aku, kasihina paudo mia mongkona ongkue, ’Aasa beine mepateo’.” Ka i'amba tetenaano tumoboo ranta ka imate.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.