1 Tawarika 10:14 - Wunta Mempori

¹⁴ ka nahi po'ema pontiso-Do i Ue. Onaemo pu'uno ka Dopepateo i Ue ka meweengakono potorono mokole ndi Daudi anano i Isai.

1 Tawarika 10:14 ပူးပေါင်းရင်းမြစ်များ

2 Samueli 5:3

Ka i'amba me'aiwa iramo luwuno mia memota'u Isaraeli mpe'aro ndi ondae mokole i Heberoni. Ka i'amba mokole Daudi moweweu pedandia saru ondae i Heberoni i aro-Do i Ue. Dome'urapio i Daudi gagi mokoledo to Isaraeli.

1 Tawarika 12:23

Ndiomo porokono sorodadu anu tetinda ira mpetea, anu me'aiwa ndi Daudi i Heberoni ira mempaheo pentoroano mokole inso ndi Saulu melimba ndi Daudi, menunu saru petena-Do i Ue.

1 Tawarika 17:13

Ongkue ta gagi Amano, ka onae ta gagi ana-Ku. Petenunu ka pompehohawa-Ku nahi Aku moko'olaio inso ndi onae, kana anu Kupoko'olaiomo inso anu se'elu sekono omue.

1 Tawarika 2:12

I Boasi hinao anano i Obe ka i Obe hinao anano i Isai.

2 Tawarika 16:12

A nta'u kotolu pulu ka osio poparentaano, i Asa mahaki a ngkaruno ka mahakino tekense mahaki. Sine tempono imahaki nahi ungke Ira i Ue, tendeano a nsando.

Powadi 17:13

Isema monsuloako wineweu moiko saru wineweu mosa'o, wineweu mosa'o nahi ta olai inso i rahano.

Yesaya 10:15

Ta gagike uase mompelangka-langkai a mia montuehi, ke garagadi mompelangka-langkai a mia mogaragadi? Kana-kana tarasulu lumeluo mia anu uminio, ka kana-kana tuko tumandeo anu wawao anu komba keu.

Yesaya 10:7

Sine onaeno nahi pontoo kanatuu ka tinoono aroano komba kanatuu, hangano tinoono aroano onaemo moropu ka mokotampulao komba tedei tongku.

Yosua 9:14

Dome'alao to Isaraeli kaangado mia atuudo, sine nahi dompo'ema pontiso-Do i Ue.

1 Samueli 13:14

sine kanandio poparentaamu nahi ta mo'ia mpiha. Ondae i Ue Ira mo'ungke asa mia montonda po'eheno aroa-Do ka Dopotoroo gagi petewawa a bawaa-Do, hangano omue nahi upetenunu a petena anu Dotenaakomu i Ue,.”

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 28:17

Ondae i Ue weweuo ndi omue kana anu umariomo Dopauo ndi ongkue. Dokansa-kansaomo i Ue poparentaa inso a ngkaemu ka Doweeakono i Daudi mia pine'ala-alamu.

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.