1 Samueli 9:25 - Wunta Mempori

²⁵ Umarino atuu mpotindulu iramo inso i pongkuno wita melako i kota. Ka i'amba i Semueli mepau-pauakono i Saulu a dunsi.

1 Samueli 9:25 ပူးပေါင်းရင်းမြစ်များ

2 Samueli 11:2

Pohona tempono ngkiniwia, i Daudi mewangu inso a mpoturiano, ka i'amba melempa-lempa a dunsino langkanae. Ikitao inso a dunsi atuu aasa beine tekonai medolo. Beine atuu tedoa tekosi.

Nehemia 8:16

ka a luwuno kotado saru i Yerusale asalakono pinohawe lele ka pompopoto'ori, kanandio, ”Imelakomo a ntorukuno, alaomo lewe saitu, lewe ngkeu lana, lewe ngkeu muradi, lewe ngkuruma ka lewe inso a luwuno keu anu marombo weweua luwuno laika, kana'umpe anu teburi.”

Yeremia 19:13

Luwuno raha i Yerusale ka luwuno rahado mokoledo to Yehuda ta gagi po'ianga mokoburu kana Topeti, onaemo luwuno raha anu i wawo atono mia mpotunu pesomba tiano luwuno sorodadu langi ka mpompesombaako pesomba tinawa a luwuno pinesombai susua.”

I MATIU 10:27

Hapa anu pinau-Ku a laro wongi-wongi, imempauomo atuu a mewineano; ka hapa anu pinetanga-tangaako a birimiu, imempaleleomo atuu inso a wawo atono raha.

I MATIU 24:17

Mia anu kontongaano a mpe'angi-angia a wawo raha siimo ipetii ta umala ira parewa inso a rahano,

I LUKASI 5:19

Hangano hadiono mia i tu'ai nahi dompokowawao mewinso, onaemo ka dompewuatako a atono raha, ka do'amba mebetao ato atuu, ka dompotiio mia atuu saru poturiano i tonga-tongado mia hadio kona ntu'u i aro-Do i Yesu.

WINEWEUDO TINENA 10:9

Tisomono tempono mia otolu ira atuu a laro pelempaa ka me'umpeda iramo i kota Yope, bara'ura langku hopulu ka orua ntonga oleo, mewuatakoomo i Peturu a dunsi ta mekakai.

Winali 22:8

Tewala da'iaopo impowangu raha, asalakono imewalao dunsino rahamiu, kasi pohaweako pasua rea a rahamiu atuu, tewala hinao mia tedonta inso i wawono.

1 Samueli 9:26

Mo'oru mewangu iramo. Mansano mewanta oleo, i Semueli moboio i Saulu anu moturi i dunsi, ”Pepatindamo, aku lumako morontoko.” Mansano umari mepatinda i Saulu, meluarakoomo merongakono i Semueli.