1 Samueli 9:16 - Wunta Mempori

¹⁶ ”Tisomo tempo kanandio, Aku mo'oliwi asa mia tama ndi omue inso i wita Benami. Mia atuu urapiomo ka igagi mokoledo bawaa-Ku Isaraeli. Onae ta kumadudui ira bawaa-Ku inso a ngkaedo to Pelisiti. Nde Kukitaomo marasaido bawaa-Ku atuu hangano peboolido haweomo ndi Ongkue.”

1 Samueli 9:16 ပူးပေါင်းရင်းမြစ်များ

2 Samueli 3:18

Kanandio-andio imeweweuomo, nde Ondae i Ue mepau Iramo mongkona i Daudi, kanandio: Molalo tetenaa-Ku i Daudi Aku kumadudui ira bawaa-Ku Isaraeli inso a ngkaedo to Pelisiti ka inso a ngkaedo luwuno iwalino.”

2 Mokole 20:5

”Pekulemo ka pauakono i Hisikia, mokoledo bawaa-Ku: Kanandiomo pau-Do i Ue, Ue Alano i Daudi, ama mpu'umu: Kurongeomo pekakaimu ka Kukitaomo uwoi matamu. Menteeano Aku koa mokotompako. A oleo ko'otolu omue kolumako a raha-Do i Ue.

Po'unde-unde 102:1

Pekakaino asa mia marasai, tempono itelusa molema ka moluarako masusano i aro-Do i Ue.

Po'unde-unde 106:44

Sine, Doperioo masusa-Do, tempono Dorongeo peboolido.

Po'unde-unde 25:18

Iperioomo marasaia ka masukaraaku, ka Itandeomo luwu halaku.

Powadi 16:9

Aroano mia mompewowolo pesalaano, sine Ondaemo i Ue anu mokomanasao te'aroano pelempano.

Yeremia 32:8

Menunu saru pau-Do i Ue atuu, haweomo i Haname'eli, anado maamaku ndi ongkue a kintala podagaia, ka motae: ’Oliomo lereku anu i Anatoti i wita Benami atuu, hangano omuemo anu hinao pabawa mompe'ue ka pabawa montolosi; oliomo atuu!’ Onaemo ka kuto'orio, nine onaemo atuu pau-Do i Ue.

1 Samueli 10:1

Ka i'amba i Semueli umalao pido kodei me'ihi lana ka isiwuiakono a uluno i Saulu. Iwoo-wooo i Saulu ka ipotae, ”Ondae i Ue anu umurapiko gagi mokole a bawaa-Do Isaraeli. Omue gagi mokole a bawaa-Do i Ue ka omue anu ta motola ira inso a ngkaedo luwuno iwalido a mpetengi-tengino. Ndiomo tondonino nine Ondae i Ue umari Iramo umurapiko gagi mokole a bawaa-Do:

1 Samueli 14:20

Umarino atuu mpepumpu iramo i Saulu saru palili anu mentondao. Mansado mehawe a mpeteaa domengkitaomo sompo mia tumoboakono ponai walino, asa marisua anu tedoa langkai.

1 Samueli 15:1

Motae i Semueli ndi Saulu, ”Ongkue Dotena akumo i Ue umurapiko gagi mokoledo to Isaraeli bawaa-Do. Gagi, perorongeakono pau-Do i Ue.

1 Samueli 16:1

Pau-Do i Ue ndi Semueli, ”Ranta hawe te'ipia masusano aroamu hangano i Saulu, ka hinaano lano nami Kubeheo gagi mokoledo to Isaraeli? Alaomo lana saitu kau ihiio tandu ponaapamu lana ka lakomo. Aku tumenako lumako ndi Isai to Beteleme, hangano i olodo luwuno anano, Kubinikiomo asa mia gagi mokoledo bawaa-Ku.”

1 Samueli 16:3

Oluo i Isai a mpoweweua gau mpesomba atuu. Aku koa pauakomu hapa anu ta wineweumu. Mia anu kupauakomu, onae anu ko'umurapio.”