1 Samueli 8:7 - Wunta Mempori

⁷ Pau-Do i Ue ndi Semueli, ”Tondaako ira po'ehedo palili luwuno anu domempauakomu. Komba omue anu nahi domentarimako, sine Ongkue kasi Kugagi mbo'u mokoledo.

1 Samueli 8:7 ပူးပေါင်းရင်းမြစ်များ

Peluarakoa 16:8

Ipotae mbo'u i Musa, ”Ba lano Ondae i Ue anu moweeakomiu bau i tempono ngkiniwia ka roti kai melalembula i tempono mo'oru, hangano Dorongeomo i Ue pewuruki miu ndi Ondae, isemake omami andio? Pewuruki miu atuu komba ndi omami sine ndi Ondae i Ue!”

Yesaya 66:4

kanatuumo Kubinikio humuku ira ka mompotiiako ira hapa anu dinoitoakodo; hangano, tempono Kupepoboi, nahina anu sumangki, tewala Ongkue mepau, nahi domperorongeakono. Ondae mpoweweu anu mosa'o a pongkita-Ku ka laludopo mpobiniki hapa anu nahi Kupe'eheo.

Yeremia 34:14

A pokotampulaano ta'u ko'opitu omiu singge mia asalakono motolao pepaekompono, to Ibarani, anu inasaomo ndi omue. Onae ta mo'angga ndi omue onoo nta'u tehineno, ka i'amba omue asalakono motolao gagi mia maradeka. Sine, uempu'umiu nahi domeronge Aku ka nahi dompo'aroo birido ndi Ongkue.

Yehesikieli 2:3

Pau-Do ndi ongkue, ”Hei anano mia, Kutenako a nto Isaraeli, a tongku mpe'ewa anu me'ewa iramo ndi Ongkue. Ondae ka uempu'udo mpe'ewa iramo ndi Ongkue, hawe mbo'u oleo andio.

Yehesikieli 3:7

Sine, suku Isaraeli nahi dobehe mperorongeakomu, hangano nahi domebehe mpomperorongea-Kune, hangano luwuno suku Isaraeli memotea ulu ka motea aroa.

Podoaa 22:20

I tempono wongi hawe Iramo i Ue ndi Bilea ka mepau ndi onae, ”Tewala mehawe iramo mia atuudo mpoboiko, pentademo, lakomo perongaako ira. Sine butu hapa anu Aku pauo ndi omue asalakono uweweuo.”

I MATIU 10:40

Ba isema tumotowo komiu, itotowo Aku, ka ba isema tumotowo Aku, itotowo Ira anu tumena Aku.

I LUKASI 10:16

Ba isema merorongeakomiu, Ongkuemo pinerorongeakono; ka ba isema nahi tarima komiu, Ongkuemo anu nahi tarimao; ka ba isema nahi tarima Aku, onae nahi tarima Ira anu tumena Aku.”

I LUKASI 19:14

Sine mia pe'asa tongkuno me'o'aliaakono, ka do'amba mpotena mia tumonda lembuio mempauo, Nahi kimebehe mia andio gagi mokolemami.

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

I YOHANE 13:16

Kupauakomiu: menteeano aasa ata komba mantandeopo sekono ueno, ke maupo aasa mia tinena sekonopo onae anu tumenao.

Puu Mpobitara 8:23

Isangki ira i Gideo, ”Komba aku perenta komiu, kanatuu koa mbo'u anaku nahi ta parenta komiu, sine Ondae i Ue anu perenta komiu.”

1 Samueli 10:19

Sine kanandio-andio nahi impe'ala-ala Ira Ue Alamiu anu kumadudui komiu inso a luwuakoano masolaa ka masusaamiu, ka impotaeako Ira, ’Ipotoroa kami asa mokole.’ Gagi kanandio, impentademo i aro-Do i Ue montonda suku ka pepe'etuamiu.”

1 Samueli 12:1

Ipotae i Semueli a luwudo to Isaraeli, ”Kurongeomo luwu anu pinaumiu ndi ongkue. Kupotoroomo asa mokole ndi omiu.

1 Samueli 12:12

Sine mansano imengkitao i Nahasi, mokoledo to Amoni aiwa ta sumapoi komiu, mpotae komiu ndi ongkue, ’Naahi, asalakono asa mokole ta parenta kami,’ ka hinaano Ondae i Ue, Ue Alamiu, Ondaemo mokolemiu.

1 Samueli 8:22

Pau-Do i Ue ndi Semueli, ”Tondaako ira po'ehedo, ka potoroako ira asa mokole.” Ka i'amba i Semueli motaeako ira to Isaraeli, ”Imelakomo nte'o'asa mia mekule i kotano.”

1 Samueli 8:8

Dompebungkui Aku ka dompesomba a anu pinesombai susua, mompu'u Kutaate ira mpeluarako inso i wita Masiri ranta hawe kanandio-andio. Kana'umpe domeweweu Aku kanatuumo domeweweuko.