1 Samueli 8:3 - Wunta Mempori

³ Sine orua ira anano atuu nahi dotondao peleluno amado. Montarima ira pompowee anu nahi moleo ka dowoliliki ira kara-kara, anu sala pinokomentee ka anu mentee pinokonsala.

1 Samueli 8:3 ပူးပေါင်းရင်းမြစ်များ

2 Samueli 15:4

Motae mbo'u i Abisalo, ”Ba mansa ongkue pinotoro gagi puu mpobitara i wita andio! Gagi sompo mia anu teposisala ke ba hinao kara-karano mongkona gau, moiko i'aiwa ndi ongkue, ka aku moweeakono otumpau anu moleo.”

Po'unde-unde 15:5

anu nahi pompesaboako doino saru mongkaa tiangino ka nahi pontarima pompowee nahi pototono umewaio mia anu nahina salano. Isema moweweu kanatuu, nahi ta telelu ranta nahina tampulaano.

Po'unde-unde 26:10

anu a ngkaeno metako wineweu anu tinata, ka anu kae ngkoanano montarima pompowee nahi pototono.

Peluarakoa 18:21

Maupo kanatuu inso a luwuno tongku andio asalakono po'ungke mbo'u mia anu timama ka doito ndi Ondae Ue Ala, mia anu pine'ala-ala ka anu mosa'oakono pompowee nahi moleo. Potoro ira i olodo tongku andio gagi petewawa asa nsowu mia, petewawa asa etu mia, petewawa lima pulu mia ka petewawa hopulu mia.

Peluarakoa 23:6

Si melinggeio tiado mia mongkokolaro i olomiu a laro kara-karano.

Peluarakoa 23:8

Si pontarima pompowee nahi moleo, hangano pompowee nahi moleo mompokomorawu ka maupo molino pongkitano, iposuleo kara-karano mia anu mentee.

Puu Pontutulu 2:19

Ka i'amba isema anu tumo'orio ba monto'ori koake mia atuu ke benge-benge? Maupo kanatuu onae ta pabawa a luwuno perokuhi anu wineweuku saru pine'isei i totono mata'oleo ka saru mompake ponto'ori. Ndio mbo'u nahina tuduno.

Yesaya 1:23

Luwuno petewawamu ondaemo anu me'ewa ka ntepo'asa saru puu mponako. Inehedo luwu mpontarima pompowee nahi pototono ka inehedo mpo'ala anu komba tiado. Nahi dompe'alaako a ntiado nana'ote nahina amado, ka kara-karado tuwu beine nahi hawe ndi ondae.

Yesaya 33:15

Mia anu tuwu a laro menteea, anu mepau a menteeano, anu nahi pontarima untu hasilino pompokonsiia, anu metapisakono kaeno, ka si pontarima pompowee nahi pototono, anu umonsoo birino, ka si rongeo tinoo po'uwua rea, anu mepusu, ka si kitao wineweu mosa'o,

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

Winali 16:19

Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.

1 TIMOTIU 3:3

komba marampo'inu, komba marantekuda tendeano me'aroa, mompokomoiko mia teposisala, komba te'ataako doi,

1 TIMOTIU 6:10

Hangano hakano luwuno mosa'oa onaemo mongkekewoi doi. Hanganomo mpolulu doi ba opia mia mepansia iramo inso a pompe'ala-ala ka mebobarasaiakono koroido mperupa-rupa masusaa.

1 Samueli 12:2

Kanandio-andio, ndiomo mokole anu gagi petewawamiu, nde ongkue mota'u akumo ka me'uwa. Komba luwuno ana ntamaku ke kongko i olomiu? Ongkuemo andio anu gagi petewawamiu mompu'u da kumongura ranta hawe oleo andio.

1 Samueli 2:35

Aku motoroo asa sando mpesomba anu metenunu ka melelu menunu kana po'eheno aroa-Ku ka sumanga-Ku. Aku mokohadioo inuleno anu mpetenunu ka mentuwu i arono mia inurapi-Ku.