1 Samueli 7:3 - Wunta Mempori

³ Ka i'amba i Semueli motaeako ira luwudo to Isaraeli, ”Tewala komiu mpepokule ndi Ondae i Ue a bobotolino aroamiu, imeliahakono luwuno anu pinesombaido mia hawe ka i Asitore inso i olomiu ka impo'asao aroamiu ndi Ondae i Ue. Butu ndi Ondae pesombaamiu, ka Ondae i Ue Ira motolakomiu inso a ngkaedo to Pelisiti.”

1 Samueli 7:3 ပူးပေါင်းရင်းမြစ်များ

Tegagia 35:2

Ka i'amba motae i Yako a luwuno pe'asa rahano ka luwuno mia anu perongano, ”Imentadio luwuno pinesombai susua anu kongko i olomiu, impokomemporiomo koroimiu ka ime'euomo sangkamiu.

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

1 Mokole 8:48

tewala mpepokule ira ndi Omiu tompaano aroado ka tompaano tinuwudo i witado iwali anu wawa ira mentinawa, ka tewala mpekakai ira ndi Omiu saru mpe'aro a witado anu Iweeako iramo uempu'udo, a ngkota anu Ibinikiomo ka a raha anu kuwanguomo tiano nee-Miu,

2 Mokole 17:39

Butu ndi Ondaemo i Ue, Ue Alamiu asalakono impesomba, manasa Ira motola komiu inso a ngkaedo luwuno iwalimiu.”

2 Mokole 23:15

Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

1 Tawarika 22:19

Kanandio-andio, po'aroomo aroa ka sumangamiu kai ungke Ira i Ue, Ue Alamiu. Impompu'umo mewanguo po'ianga mempori-Do Ue Ala, kai pinokowawa Burua Pedandia-Do i Ue ka parewa mempori-Do Ue Ala mewinso a laro raha anu winangu po'iangano nee-Do i Ue.”

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 19:3

Sine da hinawe luwuakoano anu moiko ndi omiu, hangano omiu umoninio luwuno karuno lahumoa inso i wita andio ka mo'asao aroamiu umungke Ira Ue Ala.”

2 Tawarika 20:33

Butu luwuno pesombaa a lahumoa nahi rawo-rawo. Tongku atuu napi dompo'aroo aroado ndi Ondae Ue Alano uempu'udo.

2 Tawarika 30:19

anu inso ntu'u i aroano umungke Ira Ue Ala, onaemo Ondae i Ue, Ue Alado uempu'uno, maupo nahi domentondao atora morina a po'iangaa mempori.”

Powadi 16:1

Mia polio montitimbanga i laro aroano, sine sangkino elo pu'uno inso ndi Ondae i Ue.

Yesaya 55:7

Moikoomo mia mosa'o gauno bintao salano, ka mia lambaha bintao tinoono. Moikoomo ipepokule ndi Ondae i Ue, asalakono Ira mehohawao, ka ndi Ondae Ue Alato, hangano Ondae mo'onini hala hadio ntu'u.

Yeremia 24:7

Aku moweeako ira aroa ka domento'ori Aku, nine Ongkuemo Ue. Ondae ira megagi bawaa-Ku ka Ongkue gagi Ue Alado, hangano ira mpepokule ndi Ongkue a tompaano aroado.

Yeremia 36:3

Tewala domerongeo suku Yehuda mongkona luwuno masolaa anu tinoo-Ku motiio ndi ondae, bara'ura ira singge ntepidi inso a mpeleludo anu mosa'o atuu, ranta ka Ku'oniniako ira sala ka halado.”

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yehesikieli 14:6

Onaemo pu'uno, pauako iramo suku Isaraeli: Kanandiomo pau-Do Ue Ala: Intepidimo, impepokulemo inso a lahumoamiu ka woliliomo rupamiu inso a luwuno wineweu anu mokoburu.

Yehesikieli 18:31

Tadiomo inso ndi omiu luwuno polalo songka anu wineweumiu ndi Ongkue ka pokowo'ohuomo aroa ka penaamiu! Tembioke asalakono komiu memate, hei suku Isaraeli?

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

I MATIU 15:8

Tongku andio mpelangkai Aku a wiwido, kahinaano aroado olai inso ndi Ongkue.

I MATIU 4:10

Ka motae Ira i Yesu ndi onae, ”Polaimo, Mosa'o! Hangano teburi: Omue asalakono mesombai Ira Ue, Ue Alamu, ka butu ndi Ondae upesomba.”

I MATIU 6:24

Nahina maupo te'asa mia mokompe'ue te'orua. Hangano tewala kanatuu, ta umo'aliaakono anu asa mia ka mehohawao anu susua, ke ta metenunu a asa mia ka nahi perioo anu susua. Nahi komiu mpokompe'ue ndi Ondae Ue Ala ka mpe'ue a Arataa.”

I LUKASI 4:8

Sine motae Ira i Yesu ndi onae, ”Hinao teburi: Asalakono ka upesombai Ira i Ue, Ue Alamu, ka butu koa ndi Ondae upesomba!”

I YOHANE 4:24

Ondae Ue Ala atuu Penaa ka ba isema mesombai Ira, asalakono mesombai Ira a laro penaa ka menteea.”

Winali 10:20

Asalakono imedoitoako Ira i Ue, Ue Alamiu. Ndi Ondae asalakono impesomba ka mpe'ini moroso, ka impesumpa a nee-Do.

Winali 13:4

Ondae i Ue, Ue Alamiu asalakono imentonda Ira ka asalakono imedoitoako Ira. Asalakono impe'ini a parenta-Do, imperorongeakono pau-Do, impesomba ndi Ondae ka mpe'ini moroso ndi Ondae.

Winali 4:29

Sine maupo i ra'ai komiu umungke Ira i Ue, Ue Alamiu ka komiu humawe Ira, polo ka ime'ungke Ira tompaano aroamiu ka tompaano sumangamiu.

Winali 6:13

Asalakono imedoitoako Ira i Ue, Ue Alamiu. Asalakono ndi Ondaemo impesomba ka asalakono impesumpa a nee-Do.

Yosua 13:31

ka entongano i Gileadi, Asitaro ka Ederei, kota-kota poparentaa Ogo i Basani, gagi tiano inuleno i Makiri, anano i Manase onaemo tia entongano inuleno i Makiri montonda pepe'etuado.

Yosua 24:14

Gaagi kanandio, imedoitoako Iramo i Ue, ka impesombamo ndi Ondae ia memoleo ka petenunu. Ime'olaiakono luwuno pinesombaido ue mpu'umiu i asatowano koro Eparata ka Masiri, ka impesomba ndi Ondae i Ue.

Yosua 24:23

Ipotae, ”Impetadiakonomo anu pinesombaido mia hawe anu kongko i olomiu, impo'aroomo aroa miu ndi Ondae i Ue, Ue Ala Isaraeli.”

Puu Mpobitara 10:16

Ka do'amba imeliahakono luwuno anu pinesombaido mia hawe atuu ka dowali mpesomba ndi Ondae i Ue, ranta kanami dopokotahao i Ue aroa-Do kumitao masukarado to Isaraeli.

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

1 Samueli 31:10

Ka i'amba luwuno sangka peteano i Saulu domenaao a raha mpelahumoaado i Asitore ka wata ngkoroino domendoeo a bente kota i Beti-Seani.