1 Samueli 6:5 - Wunta Mempori

⁵ Asalakono ka impoweweu pandirino kamba ka tehu anu sumolangio witamu. Asalakono ka ime'akuio maramba-Do Ue Alado to Isaraeli. Bara'ura nami Ira humuku komiu, pelahumoaamiu ka witamiu.

1 Samueli 6:5 ပူးပေါင်းရင်းမြစ်များ

1 Tawarika 16:28

Weeako Iramo i Ue, oo luwuno tongku, weeako Iramo i Ue marambaa ka roso!

1 Tawarika 16:29

Weeako Iramo i Ue marambano nee-Do, wawaomo pesomba ka pewinsomo pe'aro ndi Ondae! Penggolontuumo pesombai Ira i Ue a maramba memporia.

Po'unde-unde 18:44

Omiu motola aku inso a mpengengedo tongku; Omiu motoro aku gagi anu pabawa a luwuno tongku; tongku anu nahi kuto'ori ira gagi ataku;

Po'unde-unde 32:4

hangano meene wongi kae-Miu dumanso aku mobea, rosoku molema, kana rinaramiako mokulano tempo motu'i-tu'i. Sela

Po'unde-unde 39:10

Tekonso elo aku, nahi ku'ungkahio ngangaku, hangano Omiumo anu weweuo luwuno atuu.

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Peluarakoa 12:12

Nde ia wongi andio Aku melempa sumompoo wita Masiri, Aku mepate ira luwuno ana amba-ambano, moiko anano mia hawe anano pinotuwu, ka luwuno lahumoado to Masiri Aku humuku ira. Ongkuemo Ue.

Peluarakoa 8:17

Onaemo ka doweweuo kanatuu. I Haruni weroo kaeno ka ipesepiakono tukono a awu wita, ka tiporo atuudo mpetako ira a mia ka pinotuwu. Luwuno awu wita gagi tiporo asa wawo wita Masiri.

Peluarakoa 8:24

Ondae i Ue mokogagio kanandio, onaemo kai hadio lale uso mpewinso a langkanaeno i Pirao, a laro rahado pegawaino ka asa wawo wita Masiri. I wita atuu, memarasai hangano lale uso.

Peluarakoa 8:5

Mepau Iramo i Ue ndi Musa, ”Potaeakono i Haruni: weroo kaemu saru tukomu a wawo ngkorono, a pangkoro ka a limbo, ka dompe'umbaako tumpa me'ihiio wita Masiri.”

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yesaya 42:12

Moikoomo dompelangkai Ira i Ue, ka mempaleleo maramba-Do a luwuno togo.

Yeremia 13:16

Pelangkai Iramo i Ue, Ue Alamiu, se'eluno napi Dopompotii wongi-wongia, se'eluno napi tetidu karumu a luwuno pongku anu itutuwio tekamburi; kontongaamiu mposisikori mewine, Ondae mokogagio oleo wongi mpusu ka weweuo worikidi.

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yoeli 2:25

Aku momuleakomiu luwuno ta'u anu hasilino piingko ikaano kosume mpelimba, kosume mpelonso, kosume modoko mongkaa ka kosume mongkarasi, sorodadu-Ku anu hadio Kutena ira i tonga-tongamiu.

Yunu 3:9

Ba mansa, bara'ura Ondae Ue Ala Ira mepokule ka me'o'ole saru mewolili inso a ntekuda-Do anu tensila atuu, ranta nahi tomemate.”

Maleaki 2:2

Tewala nahi imperorongeakono ke pomperio melangkaio nee-Ku, pau-Do Ueno luwuakoano, Aku mompotii totonaa ndi omiu ka weweuo luwuno ronsomiu gagi totonaa. Mentee ntu'u, Aku tumotonaao, hangano nahi impomperio.

Podoaa 33:4

kontongaado to Masiri mengkaburuo luwuno ana aka anu Dopepate iramo i Ue i olodo; hangano Dopotiiomo i Ue luwuno pohuku a luwuno pinesombaido.

I YOHANE 9:24

Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.”

Yosua 7:19

Mepauomo i Yosua ndi Akani, ”Anaku pelangkai Ira i Ue, Ue Alado to Isaraeli, ka umangakumo ndi Ondae; pauo ndi ongkue hapa anu wineweumu, silako wunio ndi ongkue.”

MENGKAAA 11:13

I tempo atuu gagiomo leelu anu tedoa meroku ka asa ntia hopulu inso a ngkota atuu tebangku, ka pitu nsowu mia memate hangano leelu atuu ka mia susua tedoa medoito, ka do'amba me'unde-unde Ira Ue Ala anu i suruga.

MENGKAAA 14:7

ka ipebooli saru suara meroku, ”Imedoitoako Iramo Ue Ala ka ipelangkai Iramo, hangano haweomo tempo pobitaraa-Do, ka impesombai Iramo anu mokogagio langi ka tolino ka tahi ka luwuno mata uwoi.”

MENGKAAA 16:9

Ka mia pinokomo'aiako mokulano api anu mongkokongiri, ka dompepaukiakono nee-Do Ue Ala anu pabawaio luwuno marasaia atuu ka nahi dontepidi ka dompelangkai Ira.

1 Samueli 5:11

Onaemo ka dompontena mia lumako pauako ira luwuno mokoledo to Pelisiti ka dompepumpu. Ka dompotae, ”Imewawao Burua Pedandia-Do Ue Alado to Isaraeli atuu mempokuleo a mpo'iangano, kasi tomemate saru tongkuto.” Gagiomo a luwuno kota atuu ntewukaako matea, hangano pohuku-Do i Ue tedoa mobea.

1 Samueli 5:9

Sine mansado melimbao, kongkono koa mbo'u kae-Do i Ue mokontewuka ira ka tedoa lansara i kota atuu. Luwuno mia i kota atuu Dohukuako ira haki lowe anu hadio ndi ondae, mompu'u inso a nana'ote hawe a mia mota'u.

1 Samueli 6:8

Ka i'amba me'alao Burua Pedandia-Do i Ue ka ime'ulao a roda. Luwuno wulaa pesomba pontolosi sala anu asalakono ime'owahio ndi Ondae, imenaao a larono burua, ka ime'ulao i'asambalino Burua Pedandia. Ka i'amba mempo'ineeo burua pedandia atuu ka ilako.