1 Samueli 5:3 - Wunta Mempori

³ Mansano tisomono mo'oru dompewangu mia i Asidodi, domengkitaomo Dagoni atuu tebangku, rupano a wita i arono Burua Pedandia-Do Ue Ala. Ka do'amba me'alao Dagoni atuu wali mempokuleo a mpo'iangano.

1 Samueli 5:3 ပူးပေါင်းရင်းမြစ်များ

1 Mokole 18:26

Dome'alao sapi anu domewineeako, mempatindao ka mempoboio neeno Ba'ala mompu'u mo'oru hawe ntonga oleo, dompotae, ”Oo Ba'ala, sangki kamimo!” Sine nahina anu sumangki. Mpelonso-lonso ira melimbuo meda pontunua pesomba anu wineweudo.

Po'unde-unde 115:7

hinao kaeno, sine nahi pokomperare, hinao karuno, sine nahi pokompelempa, ka nahi polio moluarako suarano a burokono.

Po'unde-unde 97:7

Luwuno mia anu mesomba a ntinaha ta mohawe mokoko'ii, kanatuu koa mbo'u anu mompelangka-langkaiako luwuno lahumoa; luwuno pinesombai mpenggolontu mpesomba ndi Ondae.

Peluarakoa 12:12

Nde ia wongi andio Aku melempa sumompoo wita Masiri, Aku mepate ira luwuno ana amba-ambano, moiko anano mia hawe anano pinotuwu, ka luwuno lahumoado to Masiri Aku humuku ira. Ongkuemo Ue.

Yesaya 19:1

Pau-Do anu pabawa a nto Masiri. Kitao, Ondae i Ue me'ula a nseru anu magasi ka aiwa i masiri; luwuno lahumoa i Masiri mpondidi-ndidi i aro-Do, ka aroado to Masiri gagi tengkuru a laro aroado.

Yesaya 40:20

Mia anu mompotade tinaha keu, mobiniki keu anu nahi ronga mowuru, mo'ungke puu mpo'angga anu pande ntu'u ka ipontadeo tinaha anu nahi ta telelu.

Yesaya 41:7

Puu mpolabu mokorosoo aroano puu mpo'angga wulaa, mia anu mompokomedempe labu mompake palu mokorosoo aroano mia anu mompalu a wawo tondoha; mongkona hasilino pinotakono ipotae, ”moiko atuu,” ka i'amba mokorosoakono paso ka si telelu.

Yesaya 46:7

Domentandeo a wawo owea ka domentembio, ka do'amba menaao a mpo'iangano; onae mentade mpiha ka nahi pokompelimba inso a mpo'iangano. Maupo dompebooli mia ndi onae, onae nahi sangki ka nahi kadudui ira inso a ma'isoado.

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Sepanya 2:11

Ira medoito ndi Ondae i Ue, hangano Ira mokotampulao luwuno pinesombai susua i tolino. Luwuno tongku wita i wiwi ntahi ira mpenggolontu mpesombai Ira, singge mia inso a mpo'iangano.

I MARAKUSU 3:11

Tewala domengkita Ira onitu nsa'o, ira mentebangku tepantundu i aro-Do ka mpebooli, ”Omiumo Ana-Do Ue Ala.”

1 Samueli 6:1

Mansano ninaa opitu wula Burua Pedandia-Do i Ue i wita Pelisiti,

1 Samueli 6:5

Asalakono ka impoweweu pandirino kamba ka tehu anu sumolangio witamu. Asalakono ka ime'akuio maramba-Do Ue Alado to Isaraeli. Bara'ura nami Ira humuku komiu, pelahumoaamiu ka witamiu.