1 Samueli 31:6 - Wunta Mempori

⁶ Kanandiomo teweweuno i Saulu, otolu ira anano, ka mia anu mowawaakono sangka mpeteano, saru luwuno miano memate ira luwu oleo atuu.

1 Samueli 31:6 ပူးပေါင်းရင်းမြစ်များ

2 Samueli 1:1

Mansano mate i Saulu, tempono ipekule i Daudi umarino numangi ira to Amale, mo'iaomo i Sikila orua oleo.

2 Samueli 1:12

Mponsabangi ira, mpengese ka mempuasaakono i Saulu ka i Yonata anano, bawaa-Do i Ue ka suku Isaraeli, ranta sumoo oleo, hangano memateako iramo ponai.

1 Tawarika 10:6

Kanandiomo i Saulu, otolu ira anano memate ka luwuno somborino mate mperonga-ronga.

Puu Mpobitara 9:54

Mompari-pari moboio tetenaano anu mo'ini sangka peteano ka ipotae, ”Butao ponaimu ka upepate aku, kasihina paudo mia mongkona ongkue, ’Aasa beine mepateo’.” Ka i'amba tetenaano tumoboo ranta ka imate.

1 Samueli 11:15

Luwuno tongku atuu melako i Giliga. I ra'ai dompotoroo i Saulu gagi mokole i aro-Do i Ue. Ka i ra'ai dompopesombaako pesomba tekaduduia ndi Ondae i Ue. I ra'ai i Saulu saru luwuno to Isaraeli tedoa memawongko.

1 Samueli 12:17

Nde komba tempo konsowia gandu ke kanandio-andio? Aku mebooli ndi Ondae i Ue, ka Dopompotii rundu ka usa. Kitao, ka imento'oriomo tedoa langkai mosa'ono wineweumiu i aro-Do i Ue, kai mpo'ema mokolemiu.”

1 Samueli 12:25

Sine, tewala mpoweweukomiu mpiha anu mosa'o, asalakono komiu mempinokotampula saru mokolemiu atuu.”

1 Samueli 26:10

Ipotae mbo'u i Daudi, ”A nee-Do i Ue anu tuwu, asalakono Ira mepateo i Ue, ke lano haweakoomo tempono, ke mate a mpeteaa.

1 Samueli 28:19

Ondae i Ue meweengako ira to Isaraeli saru omue a ngkaedo to Pelisiti. Tisomo, omue ka anamu ira mpo'ia ndi ongkue. Kanatuukoa mbo'u sorodadu to Isaraeli, Ira meweengakono i Ue a ngkaedo to Pelisiti.”

1 Samueli 31:5

Ikitao mateomo i Saulu, mia mowawa sangka mpeteano atuu mebangkuako mbo'u i wawo ponai atuu, ka mate ira meronga.

1 Samueli 31:7

Mansano domengkitao mpolai iramo sorodadu Isaraeli ka i Saulu saru otolu ira anano memate iramo, luwudo to Isaraeli anu mpo'ia i asambalino lembono ka anu i asatowano koro Yarade mpolai mebintao luwuno kotado. Ka do'amba mehawe to Pelisiti mpo'ia i ra'ai.