1 Samueli 31:4 - Wunta Mempori

⁴ Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.

1 Samueli 31:4 ပူးပေါင်းရင်းမြစ်များ

2 Samueli 1:1

Mansano mate i Saulu, tempono ipekule i Daudi umarino numangi ira to Amale, mo'iaomo i Sikila orua oleo.

2 Samueli 1:14

Motae i Daudi ndi onae, ”Kana'umpe ka nahi udoito tumandeo kaemu mepateo mia anu inurapi-Do i Ue?”

2 Samueli 1:20

Simempaleleo atuu i Gati, simempaleleo atuu a nsala Asikelo, kasi dompo'unde ana beinedo to Pelisiti, kasi dompo'unde-unde ana beinedo mia anu nahi petindi!

2 Samueli 1:6

Mangalitau anu mowawa lele atuu, motae, ”Tekonai aku i mentorukuno Giliboa. Kukitao i Saulu metumboako kansaino, kontongaano kareta ka sorodadu mpengara anu meluluo umpeda iramo.

2 Samueli 17:23

Mansano kumitao i Ahitopeli nine patuduno nahi tinonda, ipokonao lampi kalideno, ka i'amba melungka lumako i kotano ka ipekule i rahano. I'atorao somborino, ka i'amba mendoe. Kanatuumo imate ka ikinaburu a laro kaburuno amano.

2 Samueli 21:12

Lumakoomo i Daudi umala ira wukuno i Saulu ka wukuno i Yonata, anano, inso a mpalili kota Yabesi-Gileadi, anu memponakoomo luwuno wuku atuu inso a ntanalapa i Beti-Sani, po'iangaado to Pelisiti ndumoe ira, a oleo to Pelisiti numangio i Saulu i Giliboa.

1 Mokole 16:18

Kumitao kota atuu ipongko'alaomo, mewinsoomo i Simiri i larono bolongko kodei a langkanaedo mokole. Isongkoo langkanaedo mokole ka onaeno mate mo'ai,

1 Mokole 16:27

Anu susuaano inso a nteweweuno i Omiri, anu wineweuno ka mosiano, kombake luwuno teburi a wunta tutuludo luwuno mokole i Isaraeli?

1 Tawarika 10:4

Motae i Saulu a puu mpowawano parewa mpetea, ”Butaomo ponaimu ka tobo akumo, kasi mansa mia anu nahi dompetindi andio mpemae-maeakune.” Sine puu mpowawano parewa mpetea nahi behe, hangano onae tedoa doito. Ka i'amba i Saulu umalao ponai atuu ka ipebangkuako i wawono.

Puu Mpobitara 14:3

Sine ama ka ineno motaeakono: ”Nami hina ke asa ana beine i olodo ana beine pe'etumu ke i olodo tongkuto ranta kau po'ala kombiamu inso a nto Pelisiti anu nahi dompetindi atuu?” Sumangki i Simeso ndi amano, ”Lakomo alaakune, nde onaemo moko'alao aroaku.”

Puu Mpobitara 9:54

Mompari-pari moboio tetenaano anu mo'ini sangka peteano ka ipotae, ”Butao ponaimu ka upepate aku, kasihina paudo mia mongkona ongkue, ’Aasa beine mepateo’.” Ka i'amba tetenaano tumoboo ranta ka imate.

1 Samueli 14:6

Motae i Yonata ndi atano anu wawao sangka mpeteano, ”Aiwa ka tolako dumadu ira puu mpetea mia anu nahi dompetindi atuu. Bara'ura Ondae i Ue Ira tumulungi kita, hangano Ondae i Ue Dopolio montulungi maupo hadio mia ke tedei mia.”

1 Samueli 17:26

Ka i'amba i Daudi motaeako ira mia anu mpentade umpeda ndi onae, ”Hapa anu ta wineweuto a mia anu mepateo to Pelisiti atuu ka moko'olaio pompe'uru-uruno a nto Isaraeli? Isema to Pelisiti anu nahi petindi atuu, ka ipe'uru-uru ira puu mpetea-Do Ue Ala anu tuwu?”

1 Samueli 17:36

Atamiu andio mompepateomo singa ka berua. To Pelisiti anu nahi petindi atuu ta mengkena kana asa kodehora atuu, hangano ipe'uru-uru iramo puu mpetea-Do Ue Ala anu tuwu.”

1 Samueli 26:10

Ipotae mbo'u i Daudi, ”A nee-Do i Ue anu tuwu, asalakono Ira mepateo i Ue, ke lano haweakoomo tempono, ke mate a mpeteaa.

1 Samueli 31:5

Ikitao mateomo i Saulu, mia mowawa sangka mpeteano atuu mebangkuako mbo'u i wawo ponai atuu, ka mate ira meronga.