1 Samueli 30:8 - Wunta Mempori

⁸ Ka i'amba i Daudi mo'ema pontiso ndi Ondae i Ue, ipotae, ”Asalakono aku lumulu ira ke mia memosa'o atuu? Nde da aku koa humawe ira ke?” Mepau Ira i Ue ndi onae, ”Lulu iramo, hangano menteeano kohumawe ira ka motola ira luwuno tinawa.”

1 Samueli 30:8 ပူးပေါင်းရင်းမြစ်များ

Tegagia 14:16

Iwawao mekule luwuno arataa atuu. I Lo'oti mbo'u, anano pepaekompono atuu, saru arataano iwawao mekule, kanatuu koa mbo'u luwuno beine ka luwuno miano.

2 Samueli 5:19

I Daudi mo'ema pontiso ndi Ondae i Ue, ”Nde asalakonoke aku lumako umewai ira to Pelisiti? Nde Komiu meweengako irake a ngkaeku?” Pau-Do i Ue ndi Daudi, ”Lakomo, nde asalakono Aku meweengako ira to Pelisitii a ngkaemu.”

2 Samueli 5:23

I Daudi mo'ema pontiso ndi Ondae i Ue ka Dopepau, ”Si melako, sine impelempamo mpetanggolili hawe i bungkudo, ranta kau pokosapoi ira, te'aro inso a laro ngkeu murubei.

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Peluarakoa 15:9

Potaedo iwali: ’Aku lumampui ira ka humawe ira, aku tumia-tiao pinomuru; Aku motolao tekudaku ndi ondae, aku butao ponaiku; kaeku ta mokoropu ira!’

Podoaa 27:21

Asalakono ka ipentade i arono sando mpesomba Eleasa, ka ipesikenoakono i Eleasa pomputusi molalo Urimi i aro-Do i Ue. A mpetenano i Yosua saru luwudo to Isaraeli, luwuno bawaa atuu, ira mpelungka ka a mpetenano ira mpekule.”

Puu Mpobitara 20:18

Ka to Isaraeli melako i Beteli. I ra'ai mpesikeno ira ndi Ondae Ue Ala, ”Isemake anu inso ndi omami anu ta se'elu lumako metea umewai ira inuleno i Benami?” Sangki-Do i Ue, ”Suku Yehuda anu tese'elu.”

Puu Mpobitara 20:23

Ka do'amba melako to Isaraeli, ka mpengese i aro-Do i Ue hawe ngkiniwia, umari atuu mpesikeno ira ndi Ondae i Ue, ”Ba kami melako mbo'u ke mpetea umewai ira inuleno i Benami, pepaekompomami atuu?” Sangki-Do i Ue, ”Imelakomo umewai ira.”

Puu Mpobitara 20:28

ka i Pinehasi anano i Eleasa anano i Haruni gagi sando mpesomba-Do Ue Ala tempo atuu. Dompotae, ”Da kami melako mbo'uke te pohonapo mpetea umewai ira inuleno i Benami, pepaekompomami atuu, ke kami mpenaa-naa?” Sangki-Do i Ue, ”Imelakomo, nde tisomo Aku meweengako ira ia ngkaemiu.”

Puu Mpobitara 8:4

Mansano i Gideo hawe ia ngkoro Yarade, mesakiakoomo saru tolu etu mia anu merongaakono. Maupo memokendo iramo, kongkodo mpepolulu.

1 Samueli 10:22

Onaemo pu'uno ka dompo'ema mbo'u pontiso ndi Ondae i Ue, ”Nde mia atuu hawe koa ke i ndi'ai?” Sumangki Ira i Ue, ”Kitao, onae mewuni i olono sangka anu hadio.”

1 Samueli 14:37

I Saulu mo'ema pontiso-Do Ue Ala, ipotae, ”Tewala ipeweengako ira to Pelisiti a ngkaedo to Isaraeli, ba Ipemoikoo aku lumulu ira wongi andio.” Sine i oleo atuu nahi Dosangkio i Saulu.

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.

1 Samueli 30:18

I Daudi wali umalao luwu anu me'inalado to Amale. I Daudi motola ira mbo'u orua ira kombiano.

1 Samueli 30:19

Nahina anu tetadi inso ndi ondae, moiko anu kodei ke anu langkai, ana ntama maupo beine, pinomuru maupo luwuakoano anu inalado, ipokule ira luwu i Daudi.