1 Samueli 30:14 - Wunta Mempori

¹⁴ Umari kamimo mensapoio Wita Nege to Kereti, i wita Yehuda, ka Wita Nege to Kalebi. Ka maupo Sikila umariomo kimesongkoo.”

1 Samueli 30:14 ပူးပေါင်းရင်းမြစ်များ

2 Samueli 8:18

i Benaya anano i Yoyada gagi tadulakodo to Kereti ka to Peleti. Luwuno ana ntamano i Daudi gagi sando mpesomba.

1 Mokole 1:38

Ka i'amba melako iramo sando mpesomba i Sadoki, i nabi Nata ka i Benaya anano i Yoyada saru to Kereti, ka to Paleti. I Salomo domemposawio a bagalido mokole Daudi anu waino ka domewawao i Gihoni.

1 Mokole 1:44

Sando mpesomba i Sadoki, i nabi Nata ka i Benaya anano i Yoyada saru to Kereti ka to Paleti, dotena ira mokole tumondao i Salomo. I Salomo domposawio a bagalido mokole anu waino.

1 Tawarika 18:17

i Benaya anano i Yoyada gagi tadulakodo to Kereti ka to Peleti. Luwuno ana ntamano i Daudi, ondaemo mia anu tedoa pinerorohi i horido mokole.

Yehesikieli 25:16

onaemo pu'uno, kanandiomo pau-Do Ue Ala: Mentee ntu'u, Aku tumandeo kae-Ku umewai ira to Pelisiti ka mokotampula ira to Kereta saru mepate ira anu da ntebinta i wiwi ntahi.

Sepanya 2:5

Memasola komiu ntu'u palilino wita i wiwi ntahi, omiu tongku Kereti! Ndi omiumo pau-Do i Ue andio: Hei Kana'a, witado to Pelisiti! Aku mepateko, ranta nahina mbo'u palilimu.

Yosua 14:13

Umarino atuu i Yosua rumonsoo i Kalebi anano i Yepune, ka iweeakonomo Heberoni gagi pusakano.

Yosua 15:13

Sine ndi Kalebi anano i Yepune ipoweeakono i Yosua asantia i tonga-tongano inuleno i Yehuda, onaemo Kiriati-Araba, kana anu pinau-Do i Ue ndi onae; Araba onaemo amado to Ena. Onaemo tuu Heberoni.

Yosua 21:12

Sine wita pelerea kota hieno saru luwuno iniano dompeweengakonomo ndi Kalebi anano i Yepune gagi pusakado.

1 Samueli 25:3

Neeno mia atuu i Naba ka kombiano meneeako i Abigai. Beine atuu pande ka tekosi, sine tamano atuu kasara ka mosa'o gauno. Onae inuleno i Kalebi.

1 Samueli 30:1

Ko'otulu oleono i Daudi saru luwuno miano mehawe i Sikala, umariomo domensapoio to Amale Wita Nege ka Sikala. Domenangi ira ka domesongkoo kotano.

1 Samueli 30:13

Ka i'amba mesikeno i Daudi ndi onae, ”Atano isema omue ka isua insoamu?” Sumangki mia atuu, ”Ongkue mangalitau to Masiri, atano asa to Amale. Dobinta aku ueku hangano otulu oleo anu lalo, mahaki aku.

1 Samueli 30:15

Mesikeno i Daudi ndi onae, ”Upolio ke wawa aku a mia memosa'o atuu?” Ipotae, ”Ipesumpamo ndi ongkue a nee-Do Ue Ala, nine nahi komiu mepate aku ke meweengako aku a ngkaedo ueku, aku koa wawa komiu a mpo'iangado mia mosa'o atuu.”

1 Samueli 30:16

Mia atuu tumeoo i Daudi iraane, ka dokita iramo mia atuudo ntesiarawo a wawo wita, mpongkaa ka mpo'inu mporame-rameako pinomurudo anu hadio, anu merinontudo inso a witado to Pelisiti ka i witado to Yehuda.