1 Samueli 3:19 - Wunta Mempori

¹⁹ I Semueli kolangka-langkaino. Ondae i Ue kumongkomio ka nahina maupo te'asa pinau-Do anu nahi ta gagi.

1 Samueli 3:19 ပူးပေါင်းရင်းမြစ်များ

Tegagia 21:22

I tempo atuu i Abimele saru i Pikolo, tadulako sorodaduno, motaeakono i Burahima, ”Ondae Ue Ala kumongkomiko a luwuakoano anu wineweumu.

Tegagia 28:15

Menteeano, Aku kumongkomiko ka Aku dumagaiko, maupo isua ulako. Aku wawako mekule i wita andio, hangano nahi Aku bintako, tendeano weweuo mpiha hapa anu Kudandiakomu.”

Tegagia 39:2

Sine Ondae i Ue kumongkomio i Yusupu, ranta ka igagi mia mehasili. Onae mo'ia a rahano ueno, to Masiri atuu.

Tegagia 39:3

Ueno kumitao nine Ondae i Ue kumongkomio ka nine maupo hapa anu inanggano, Doweweuo i Ue mehasili.

1 Mokole 8:56

”Unde-unde Ira i Ue, anu moweeako ira penaa-naaa a bawaa-Do Isaraeli menunu saru luwuno anu dinandi-Do; nahina maupo te'asa anu nahi Do'ihiio inso a luwuno dandi anu moiko, anu dinandi-Do molalo i Musa, tetenaa-Do.

2 Mokole 10:10

Imento'oriomo kanandio-andio, nahina maupo te'asa pau anu Dopauomo i Ue mongkona somborino i Ahabi, nahi inihii. Doweweuomo i Ue hapa anu pinau-Do molalo i Elia, tetenaa-Do.”

2 Mokole 15:12

Kanandiomo pau-Do i Ue anu pinohawe ndi Yehu, ”Luwuno anamu hawe a inule anu ko'opaa ira mpentoro a ngkadera poparentaa i Isaraeli,” ka gagiomo kanandio.

2 Mokole 22:16

Kanandiomo pau-Do i Ue, Menteeano Aku mompotii masolaa a mpo'ianga andio ka a mpalilino, menunu saru luwuno pauno wunta anu umari basaomo mokole i Yehuda,

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 44:26

Ongkuemo anu mokorosoo pinauno tetenaa-Ku ka weweuo tinoo anu pinaleledo tinena-Ku; Ongkuemo anu mepau mongkona Yerusale: Moikoomo ipino'iangi! ka mongkona luwuno kotano Yehuda: Moikoomo iwinangu, Aku wali wanguo terawono!

Yesaya 55:11

kanandiomo pau-Ku anu meluarako inso a nganga-Ku: onae nahi ta mekule mpena ndi Ongkue, sine onae ta weweuo hapa anu inehe-Ku, ka ta mehasili a hapa anu Kutenaakono.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

I LUKASI 1:28

Tempono ipewinso mala'eka atuu a rahano i Maria, ipotae, ”Tabea, hei omue anu rinonso, Ondae i Ue kumongkomiko.”

I LUKASI 1:80

Ndio nana'ote atuu kolangka-langkaino ka komoro-morosono penaano. Ka onae mo'ia i pada one hawe a oleo anu asalakono ka ipeposaba a nto Isaraeli.

I LUKASI 2:40

Nana'ote atuu kolangka-langkai-Do ka gagi moroso, buke ponto'ori anu mentee, ka pe'aroa-Do Ue Ala kongko ndi Ondae.

I LUKASI 2:52

Ka Ondae i Yesu kolangka-langkai-Do ka tetiangi pinokonto'ori-Do ka langkai-Do, ka tepaheomo Dopehohawa Ira Ue Ala ka mia.

2 KORINTI 13:11

Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!

Winali 18:22

Tewala asa nabi mepau a nee-Do i Ue ka pinauno atuu nahi gagi ka nahi mengkaa, onaemo atuu pau anu nahi Dopauo i Ue. Nabi atuu kowee-weeomo mompohawe, si medoitoakono.

2 TIMOTIU 4:22

Ondae i Ue kumongkomio penaamu, Pe'aroa-Do kumongkomiko!

Yosua 21:45

Luwuno anu moiko anu dinandi-Do i Ue a nto Isaraeli, nahina anu nahi pinokogagi. Luwuno pinokogagi.

Puu Mpobitara 13:24

Beine atuu me'anaako asa ana ntama ka ineeakono i Simeso. Nana'ote atuu gagi langkai ka Doronsoo i Ue.

1 Samueli 10:7

Tewala luwuno petondoni andio gagi ndi omue, weweuo hapamo koa anu tekona uweweuo, hangano Ondae Ue Ala kumongkomiko.

1 Samueli 12:2

Kanandio-andio, ndiomo mokole anu gagi petewawamiu, nde ongkue mota'u akumo ka me'uwa. Komba luwuno ana ntamaku ke kongko i olomiu? Ongkuemo andio anu gagi petewawamiu mompu'u da kumongura ranta hawe oleo andio.

1 Samueli 16:18

Sumangki asa mia atano, ”Menteeano kukitaomo asa mia anano i Isai to Beteleme, anu pande memae kasapi. Onae asa sorodadu anu mosia, pande mepau, montama koroino. Ondae i Ue kumongkomio.”

1 Samueli 18:12

I Saulu doitoomo ndi Daudi, hangano i Daudi Dokongkomio i Ue, sine i Saulu Do'olaikonomo.

1 Samueli 18:14

Luwuakoano anggaa anu pinolempano i Daudi gagi luwu moiko, hangano onae Dokongkomio i Ue.

1 Samueli 18:5

Poponangi mpiha i Daudi ba itenao i Saulu lumako metea onaemo ka ipotoroo i Saulu gagi petewawa asa ntia sorodadu. Mongkona andio dompemoikoo luwuno palili ka anu langkai potorodo ndi Saulu.

1 Samueli 2:21

Doronsoo i Ue i Hana onae ka imentia ka ipe'anaako ira otolu ana ntama ka orua ana beine. Tempo atuu i Semueli anu da mongura, kolangka-langkaino i aro-Do i Ue.

1 Samueli 2:26

Sine i Semueli anu da mongura, kolangka-langkaino ka tekense Dopekonao i Ue ka mia.

1 Samueli 9:6

Sine ata atuu motaeakono, ”Siipo'ari, i kota andio hinao asa tetenaa-Do Ue Ala, asa mia anu tedoa pinelangkai. Luwuno anu pinaudo asalakono gagi. Aiwamo ka tolako i ra'ai, bara'ura ira ta paua kita pesalaa anu ta tinondato.”