1 Samueli 29:3 - Wunta Mempori

³ Mpotae iramo tadulako sorodadu to Pelisiti, ”Kana'umpe ira ke to Ibarani andiodo?” Sumangki i Akisi, ”Komba onae ke atuu i Daudi, atano i Saulu mokoledo to Isaraeli, anu asa ke orua nta'umo andio kiperonga-ronga, nahina kupohawe wineweuno anu mosa'o mompu'u ipelimba ndi ontae ranta hawe oleo andio.”

1 Samueli 29:3 ပူးပေါင်းရင်းမြစ်များ

Tegagia 14:13

Ka i'amba asa mia anu tola hawe ka itutuluo teweweu andio ndi Burama, to Ibarani atuu, anu mo'ia umpeda a ngkeu tarabantino i Mamere, to Amori, pepaekompono i Esikoli ka i Anere. Ondae atuu wali-wali pe'asano i Burama.

1 Tawarika 12:19

Inso ndi Manase mbo'u hinao anu melimba ndi Daudi, tempono iperongaako ira to Pelisiti mpetea umewaio i Saulu. Bakanaano komba itulungi ira, hangano onae tinena lumako mansano luwuno mokole kotado to Pelisiti memputusio, dompotae, ”Tewala onae melimba ndi Saulu, ueno, ta mansa tetadi uluto.”

1 Tawarika 12:20

A laro pelempaano lumako i Sikalagi, ba'opia mia inso a nsuku Manase mpelimba ndi onae: i Adanahi, i Yosabadi, i Yediaeli, i Mikaeli, i Yosabadi, i Elihu ka i Seletai, saru luwuno petewawa sorodadu asa nsowu suku Manase.

Danieli 6:5

Ka i'amba anu langkai potorodo ka petewawa daera atuudo mpo'ungke pe'empehido ira metuntuo i Danieli mongkona a poparentaa, sine nahi dompohawe pe'empehi maupo hapa ke te'asamo koa salano, hangano onae metenunu ka nahina hinawe anu nahi anggao ke salano.

I YOHANE 19:6

Tempono petewawado sando mpesomba ka anu mpodagai atuu mengkita Ira, mpebooli iramo, ”Paso Ira a ngkeu pinotamba, paso Ira a ngkeu pinotamba!” Ipotaeako ira i Pilatu, ”Ime'ala Ira ka imempaso Ira a ngkeu pinotamba; hangano nahi kupohawe maupo sala hapa ndi Ondae.”

ROMA 12:17

Mosa'oa si pombaloakono mosa'oa; weweuomo hapa anu moiko a luwuno mia!

1 PETURU 3:16

ka saru ponto'orino aroa anu moiko, ka domegagi mokoko'iiakono pomposebedo atuu anu mposebe komiu hangano tuwumiu anu moleo ndi Ondae i Kerisituu.

1 Samueli 14:11

Mansado lumako orua ira mepopokita a puu mpeteado to Pelisiti anu mpodagai, mpotae iramo to Pelisiti, ”Kitao, to Ibarani mpeluarako iramo inso a ngkineke pewuniado.”

1 Samueli 25:28

Siimo inaao i laro aroamiu koweweeno tetenaamiu andio, Ondae i Ue asalakono Ira wanguo inulemiu anu moroso, hangano omiu ueku moweweu peteaa-Do i Ue ka nahi hori moweweu anu mosa'o tempono ituwu.

1 Samueli 27:1

Motae i Daudi i laro aroano, ”Asa tempo ta mepate aku i Saulu. Laluopo aku lumako i witado to Pelisiti. Gagi nami ta hori mbo'u i Saulu umungke aku a luwuno witado to Isaraeli ka akumo tola inso a ngkaeno.”

1 Samueli 27:7

Tehineno ipo'ia i Daudi i witado to Pelisiti, asa nta'u opaa wula.

1 Samueli 29:6

Ka i'amba i Akisi moboio i Daudi ka ipotaeakono, ”Me'empehiako Ondae i Ue anu tuwu, omue andio mia moleo. Towela meronga lumako wawa ira sorodadu kupemoikoo; hangano nahina kupohawe wineweumu anu mosa'o, mompu'u uhawe ndi ongkue ranta oleo andio. Sine nahi dompemoikoko luwuno mokole kota.

1 Samueli 4:6

Rumongeo peboolido atuu, mpotae ira to Pelisiti, ”Hapa dompebooliako tedoa meroku a mpekemaado to Ibarani atuu?” Mansado mento'orio to Pelisiti nine burua pedandia-Do i Ue haweomo a mpekemaado to Isaraeli,