1 Samueli 28:15 - Wunta Mempori

¹⁵ Umarino atuu, motaeomo i Semueli ndi Saulu, ”Tembio kau sosanggolo aku ka moboi aku?” Motae i Saulu, ”Tedoa akumo tepakada. To Pelisiti mpe'iwalaiakune, ka Ondae Ue Ala Dobinta akumo. Nami Dosangki aku mbo'u, moiko molalo a nabi, ke a mo'ipi. Onaemo pu'uno ka kupoboi komiu, kai pauakune hapa anu ta wineweuku.”

1 Samueli 28:15 ပူးပေါင်းရင်းမြစ်များ

Po'unde-unde 51:11

Iwuniomo rupa-Miu inso a halaku, Ipahihiomo luwuno salaku!

Powadi 14:14

Mia anu aroano humapu Ira i Ue tendeako pesalaano, ka mia anu moiko saru hapa anu hina ndi onae.

Hosea 9:12

Maupo dompokolangkai ira anado, Aku weweu ira ka dontetadi luwu anado. Mentee ntu'u, memasola iramo i tempono Ku'olai inso ndi ondae!

I MATIU 25:41

Ka Ira motae mbo'u ndi ondae anu i manggali-Do: Impolaimo inso i aru-Ku, hei omiu mia anu tetotonaa, impolaimo a laro api anu nahina tampulaano anu tepatindaomo tiano i Mosa'o ka luwuno mala'ekano.

Puu Mpobitara 16:20

Mebooliomo beine atuu, ”To Pelisiti ira merakoko, Simeso!” Mekaangakoomo i Simeso inso ia mpoturiano; pompewowolono, ”Kana anu se'eluno, aku koa mokompepalu ka kutola.” Sine nahi pokonto'orio nine Dobintaomo i Ue.

1 Samueli 18:12

I Saulu doitoomo ndi Daudi, hangano i Daudi Dokongkomio i Ue, sine i Saulu Do'olaikonomo.

1 Samueli 23:2

Ka i'amba i Daudi mo'ema pontiso ndi Ondae i Ue, ”Tewala Ipemoikoo, aku lumako meteaako ira to Pelisiti.” Dosangkio i Ue i Daudi, ”Lakomo peteaako ira to Pelisiti kumaduduio kota Kehila.”

1 Samueli 23:4

I Daudi mo'ema mbo'u pontiso ndi Ondae i Ue, onaemo ka Dosangkio. Pau-Do, ”Lakomo i Kehila, to Pelisiti atuu Aku meweengako ira a ngkaemu.”

1 Samueli 28:11

Mesikeno beine atuu, ”Isema anu aku moboiakomiu?” Sumangki i Saulu, ”I Semueli poboiakune.”

1 Samueli 28:16

Motae i Semueli, ”Tembio kau pesikeno ndi ongkue, komba Dopebungkuikomo i Ue ke ka gagi iwalimu?

1 Samueli 28:6

Ka i'amba i Saulu mo'ema pontiso ndi Ondae i Ue, sine nahi Dosangkio i Ue, maupo a mo'ipi, telalo a Urimi, ke a luwudo nabi.

1 Samueli 28:8

I Saulu mo'onde-onde kana komba onae, mompokona sangka susua. Mansano wongi lumakoomo saru orua mia walino tepohaweakono beine atuu. Motae i Saulu, ”Pongkitaakunemo hapa anu ta gagi molalo onituno mia mate, poboiakunemo isema anu aku pauakomu.”

1 Samueli 30:6

Tedungkuomo i Daudi hangano dompotae palili ira mewunoakono watu. Luwuno palilino masusa aroado, hangano anano tama ka beine. Sine i Daudi mohawe roso inso ndi Ondae i Ue, Ue Alano.