1 Samueli 26:8 - Wunta Mempori

⁸ Ipotae i Abisai ndi Daudi, ”Oleo andio Ondae i Ue Ala Dopeweengakono iwalimiu a ngkaemiu. Kanandio-andio po'ineeomo aku tumandapakono kansaiku ndi onae pohona koa nahi ta pendua.”

1 Samueli 26:8 ပူးပေါင်းရင်းမြစ်များ

2 Samueli 16:9

Motae i Abisai anano i Seruya ndi ondae mokole, ”Tembio dahu mate andio tumotonaakomiu ueku mokole? I'eheakunemo mesakiako ka kupoleo uluno.”

Po'unde-unde 31:8

Aku meboo-booli ka mo'unde hangano pompehohawa-Miu nahi bali, hangano Ipepenteeomo marasaiku, Ito'oriomo ma'isono sumangaku,

Yeremia 40:15

Ka i'amba i Yohanani anano i Kareahi mepau mewuni-wuni ndi Gedalia i Misipa, ”Po'ineeomo ongkue lumako mepateo i Sumaila anano i Netania atuu nahina tumo'orio maupo isema. Tembio ka ta mepateko, ranta luwuno to Yehuda anu ntepumpu iramo melimbuko ntesiarawo mbo'u ka to Yehuda anu ntebinta atuu memate?”

Nahumi 1:9

Maupo hapa anu tinoomiu umewai Ira i Ue, Ira koa pingkoo luwu; masusaa nahi ta me'umbaako anu kompenduano!

ROMA 11:32

Hangano Do'uko iramo Ue Ala luwuno mia a laro nahi dompetenunu, ka Dopopokitao pe'aroa-Do ndi ondae luwudo.

Winali 32:30

Kana'umpe ntu'u asa mia molulu asa nsowu mia, ka orua mia mokompolaio hopulu nsowu mia, sangkadio Torukuno Watudo umasa ira, Ondae i Ue meweengako ira!

Yosua 21:44

Ka Ondae i Ue moweeako ira rodoa sompo siuno wita, menunu kana dandi ka sumpa-Do ia ue mpu'udo. Nahina maupo te'asa mia iwalido anu moko'aropi ira, luwuno iwalido Dopewengaako ira i Ue ndi ondae.

Puu Mpobitara 1:4

Melako iramo tongku Yehuda, ka Ondae i Ue meweengako ira to Kana'a ka to Parisi ia ngkaedo, ka dompepate ira i Bese, hopulu nsowu ira hadiodo.

1 Samueli 23:14

I Daudi mo'ia a bente i pada one, a mentorukuno Pada One Sipa. A tempo atuu kongkono lumampuio i Saulu, sine nahi Dopeweengakono i Ue Ala a ngkaeno.

1 Samueli 24:4

Onae hawe a walaka bimba i wiwinsala. I ra'ai hinao kunepo, i Saulu mewinso i larono ta teta'i i ra'ai, kontongaano i Daudi saru luwuno miano rau ira mpentoro i larono kunepo atuu

1 Samueli 24:5

Mpotae iramo miano i Daudi, ”Onaemo andio oleo anu dinandi-Do i Ue ndi omue: Kitao, Kupeweengakono iwalimu ndi omue, weweuomo ndi onae hapa anu pinemoikomu.” Mentadeomo i Daudi ka i peningka-ningka sumeseio untuno lemba meloeno i Saulu.

1 Samueli 26:23

Ondae i Ue Ira sumuloo menteeano ka petenununo sompo mia, hangano oleo andio Ondae i Ue meweengakomiu a ngkaeku, sine nahi kubehe motiio kaeku ia mia anu inurapi-Do i Ue.

1 Samueli 26:7

Wongi atuu lumako iramo i Daudi ka i Abisai a mpo'iangaado sorodadu. Dokitaomo i Saulu mepombole i tonga-tongano pekemaa, kansaino ipetandapakono a wita umpeda i uluno, ka i Abinere saru sorodadu mpepombole melimbuo.

1 Samueli 26:9

Sine ipotae i Daudi ndi Abisai, ”Si pepateo, hangano isema anu mompepate mia inurapi-Do i Ue asalakono mohawe pohuku.”