1 Samueli 26:6 - Wunta Mempori

⁶ Ka i'amba i Daudi motaeakono i Ahimele to Heti atuu ka i Abisai anano i Seruya, pepaekompono i Yoabi, ipotae, ”Isema anu ta tumonda aku lumako a mpekemaano i Saulu atuu?” Sumangki i Abisai, ”Ongkue, aku tumondakomiu.”

1 Samueli 26:6 ပူးပေါင်းရင်းမြစ်များ

Tegagia 10:15

Inuleno i Kana'a, onaemo i Sidoni, ana akano, ka i Heti,

Tegagia 15:20

to Heti, to Perisi, to Repaimi,

Tegagia 23:3

Umarino atuu mentade i Burahima inso i horino beineno anu mate atuu, ka i'amba motaeako ira inuleno i Heti,

Tegagia 26:34

Tempono tinuwuno i Esau pato pulu nta'u, i'alao i Yuditi, anano i Be'eri to Heti, i Basama mbo'u, anano i Eloni to Heti, gagi beineno.

2 Samueli 11:21

Isemake anu mepateo I Abimele anano i Yerubese? Kombake asa beine anu dumunsiakono watu pogilia inso a wawo bente ranta kai mate i Tebesi? Tembio kai me'umpeda lahi a bente atuu? Tewala kanandio asalakono kau pauo: Atamiu i Uria, to Heti atuu, mate koa mbo'u.”

2 Samueli 11:24

Tempo atuu luwuno puu pompana mpotolao panado te'aro a luwuno atamiu inso i wawono bente ranta ba opia ira atamiu mokole mate, ka atamiu i Uria, to Heti atuu mate mbo'u.”

2 Samueli 11:6

Ka i'amba i Daudi montena mia lumako ndi Yoabi ka ipe'oliwi, ”Tenao i Uria, to Heti atuu, aiwa ndi ongkue.” I Yoabi tumenao i Uria me'aro ndi Daudi.

2 Samueli 12:9

Tembio kau pokongkodei Ira i Ue ka upoweweu anu mosa'o a pongkita-Do? I Uria to Heti atuu upepateakono ponai. Beineno u'alao gagi beinemu, ka onae upepateakono ponaino inuleno i Amoni.

2 Samueli 18:5

Ondae mokole parenta ira i Yoabi, i Abisai ka i Itai, kanandio, ”Pekakaakono i Abisalo, mia mongura atuu temoiko hangano ongkue.” Luwuno sorodadu merongeo tempono ondae mokole parenta ira luwuno petewawa sorodadu mongkona i Abisalo.

2 Samueli 2:13

I Yoabi, anano i Seruya ka luwuno atano i Daudi mpelungka ira koa mbo'u. Pada ira ntepo'aro i limbo Gibeo. Anu asa ntia mo'ala po'ianga a wiwino limbo ngkoramai ka asa ntiano mbo'u a wiwi limbo ngkoraane.

2 Samueli 2:18

I Yoabi, i Abisai, ka i Asaeli, otolu ira ana ntamano i Seruya, kongko ira i ra'ai. I Asaeli magasi peluluno kana lagiwa a mpada.

2 Samueli 23:18

I Abisai, uaino i Yoabi anano i Seruya, onaemo petewawado tolu pulu mia atuu. Onaemo anu mo'ioo kansaino mo'ewai tolu etu mia anu mate tinobono. Onae telele neeno kana Otolu Mia Mosia.

2 Samueli 23:34

i Elipele anano i Ahasabai, to Maaka; i Eliami anano i Ahitopeli, to Gilo;

2 Samueli 23:39

i Uria, to Heti. Luwuno tolu pulu ka opitu mia.

1 Mokole 10:29

Asa kareta anu winawa inso i Misiraimi, olino nomo etu sikala salaka ka asa ngara, asa etu lima pulu sikala. Kanatuu koa mbo'u molalo puu mpebalu-baludo mokole, luwuno atuu inasa a luwuno mokoledo to Heti ka luwuno mokoledo to Arami.

2 Mokole 7:6

Doweweu iramo i Ue sorodadudo to Arami atuu ka domporonge unino kareta, ngara ka bawaa sorodadu anu hadio, ranta ka dompepau pada ondaedo, ”Kitao, mokoledo to Isaraeli itambo iramo mokoledo to Heti ka luwuno mokoledo to Misiraimi umewai kita, ka domensapoi kita.”

Yosua 3:10

Motae mbo'u i Yosua, ”I ndi'aimo komiumo mento'orio, motae Ue Ala anu tuwu, ndio i olomiu, ka Ira sumaari ira to Kana'a, to Heti, to Hewi, to Perisi, to Gerigasi, to Amori ka to Yebusi inso i aromiu.

1 Samueli 26:7

Wongi atuu lumako iramo i Daudi ka i Abisai a mpo'iangaado sorodadu. Dokitaomo i Saulu mepombole i tonga-tongano pekemaa, kansaino ipetandapakono a wita umpeda i uluno, ka i Abinere saru sorodadu mpepombole melimbuo.