1 Samueli 26:19 - Wunta Mempori

¹⁹ Kanandio-andio ueku mokole, iperorongeakono wainto anu pinauno tetenaamiu andio. Tewala Ondae i Ue anu tumenakomiu umewai aku, po'ineeomo ka Dopemoikoo woono pesomba. Sine tewala inso a mia, tetotonaa iramo i aro-Do i Ue, hangano oleo andio domensaari akumo, ranta nahi kupohawe tia pusaka-Do i Ue. Mpotae iramo, ’Lakomo pesomba a anu pinesombai susua.’

1 Samueli 26:19 ပူးပေါင်းရင်းမြစ်များ

Tegagia 44:18

Ka i'amba i Yehuda rumangkuhio i Yusupu ka ipotae, ”Tabeamiu, ueku, Po'ineeomo atamiu andio mompohawe pau ndi omiu ueku. Siimo itekudaakono atamiu andio, hangano omiu ueku kanamo i Pirao.

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

2 Samueli 14:16

Hangano, ondae mokole ira merorongeakune ka motolao atado andio inso a ngkaedo mia anu ta mokotampula pohona aku saru anaku inso a ntia pusaka-Do Ue Ala.

2 Samueli 16:10

Sine dopotae mokole, ”Hapake urusuaku saru omue, hei anano i Seruya? Po'ineeomo ipontotonaa! Hangano tewala Ondae i Ue mepau ndi onae: Totonaaomo i Daudi, isemake anu ta mesikeno: tembio kau poweweu kanatuu?”

2 Samueli 16:11

Motae mbo'u i Daudi a luwuno pegawaino ka ndi Abisai, ”Sekonopo ana ngkoroiku ta mingki umoninio penaaku, tamoako to Benami andio! Po'ineeomo, po'ineeomo ipontotonaa, hangano Ondae i Ue mepau Iramo ndi onae kanandio.

2 Samueli 20:19

hapa anu domempakosiomo mia anu mpetenunu i Isaraeli! Sine omue andio montoo mokoropuo aasa kota, tamoako lahi aasa kota tedoa moiko i Isaraeli. Tembio kau mingki mokoropuo luwu tia pusaka-Do i Ue?”

2 Samueli 21:3

I Daudi motaeako ira to Gibeo atuu, ”Hapake anu aku mokoweweuakomiu ka saru hapake kupoweweu pontolosi, kai meronsoo pusaka-Do i Ue?”

2 Samueli 24:1

Tekuda-Do i Ue tensila mbo'u a nto Isaraeli. Doteahakono i Daudi umewai ira, pau-Do, ”Lakomo, doa iramo to Isaraeli ka to Yehuda.”

1 Mokole 22:22

Sangkino, ’Aku meluarako gagi penaa megaupi a gagado luwuno nabino.’ Mepau Ira i Ue, Po'ineeono omue popandeio ka manasa biisa. Peluarakomo ka weweumo kanatuu.

1 Tawarika 21:1

I Mosa'o mewangu umewai ira to Isaraeli ka ipopandeio i Daudi ka idoa ira to Isaraeli.

Po'unde-unde 120:5

Masola akumo, hangano asalakono mo'ia kana mia hawe i Meseki, hangano asalakono mo'ia mpiha i olodo luwuno kemado to Kedari!

Po'unde-unde 20:4

Po'ineoomo Dorambeo luwuno pesombamu, ka Dopemoikoo pesomba tinunumu. Sela

Powadi 30:10

Si pomposebe asa mia ata a ueno, ka si totonaako ka omue asalakono tumembio sala atuu.

Yesaya 60:5

I tempo atuu omue kokohali-hali mengkita ka mompesanaa, omue kotekokodoho ka komawongko, hangano mare'ea inso i asatowano tahi ta melimba ndi omue, ka kaeano luwuno tongku ta melimba ndi omue.

Imama 26:31

Luwuno kotamiu Aku weweuo gagi hanga ngkota ka luwuno po'ianga memporimiu Aku sumolangio ka nami Kubehe mbo'u mowoo woono pesombamiu anu mompokomawongko.

Podoaa 36:7

Tia pusakado to Isaraeli nahi moiko ilinimba inso a nsuku melimba a nsuku susua, hangano singge mia to Isaraeli asalakono uminio tia pusakano sukudo uempu'uno.

Podoaa 36:9

Tia pusaka atuu nahi moiko ilinimba inso a nsuku melimba a nsuku susua, hangano singge sukudo to Isaraeli asalakono uminio tia pusakano onaeno.”

ROMA 14:15

Hangano tewala upokomahakio aroano pepaekompomu hangano hapa anu kinaamu, onaemo ka nami utuwu mbo'u montonda inemano pompehohawa. Si solangio pepaekompomu hangano kaangamu, hangano Domateakonomo i Kerisituu.

GALATIA 5:12

Moikoomo ondae anu mensosaelo komiu atuu ka domensinu'uluimo koa!

Winali 13:3

asalakono si mperorongeakono pinauno nabi ke puu mpo'ipi atuu. Hangano, Ondae i Ue, Ue Alamiu, umara-arahako komiu ka Doto'orio, ba mentee koa ntu'u impehohawa Ira a tompaano aroamiu ka a tompaano sumangamiu.

2 TIMOTIU 4:14

I Alesanderi, puu mpolabu mala atuu, hadioomo ipoweweu mosa'o ndi ongkue. Ondae i Ue Ira mombaloakune montonda wineweuno.

1 Samueli 18:10

Tisomono, pabawano i mosa'o anu Dope'eheo Ue Ala mewinsokio aroano i Saulu, onaemo ka igagi kana mia mekombe i laro raha. I Daudi memaeakono kasapi a ngkaeno kana biasano, sine i Saulu mo'ini kansai.

1 Samueli 24:9

Ka i'amba i Daudi meluarako mbo'u inso a laro kunepo atuu, ka i'amba mebooli ndi Saulu inso i bungkuno, ”Oo ue mokole!” I Saulu mewolili i bungkuno, ka i'amba mesomba i Daudi ra'ino tii a wita.

1 Samueli 25:24

Onae menggolontu a ngkaruno i Daudi ka ipotae, ”Ongkuemo koa, Oo ueku, anu tumembio sala atuu. Ipehohawao tetenaamiu andio aku mepau ka iperorongeakono pinauno tetenaamiu andio.

1 Samueli 27:1

Motae i Daudi i laro aroano, ”Asa tempo ta mepate aku i Saulu. Laluopo aku lumako i witado to Pelisiti. Gagi nami ta hori mbo'u i Saulu umungke aku a luwuno witado to Isaraeli ka akumo tola inso a ngkaeno.”