1 Samueli 26:12 - Wunta Mempori

¹² I alao i Daudi kansai ka ponaapa uwoi umpeda i uluno i Saulu, ka do'amba lumako. Nahina anu kumita ira ka nahina anu tumo'orio, mpoturi ira luwu nahina mewangu, hangano Ondae i Ue weweu ira ka dompoturi rodo.

1 Samueli 26:12 ပူးပေါင်းရင်းမြစ်များ

Tegagia 15:12

Tamo sumoo oleo, i Burama tekoturi rodo. Ka i'amba wongi mpusu anu mongkokongiri metii tumutuwio.

Tegagia 2:21

Ka i'amba Ondae Ue Ala weweuo mia atuu tekoturi rodo. Tempono ipoturi, Ondae Ue Ala umalao asa wuku horino, ka i'amba po'iangano wuku hori atuu tinutuwiako ihi.

Esetere 6:1

Ia wongi mbo'u atuu ondae mokole nahi dopokompoturi. Onaemo ka dopetena mokole wawao wunta poburia tutulu, ka ibinasa i arodo mokole

Yesaya 29:10

Hangano Doweweu komiumo i Ue ka impoturi rodo; matamiu, onaemo luwuno nabi, Dopokompepusu iramo ka rupamiu, onaemo luwuno puu pongkita, Doborungi iramo.

1 Samueli 24:4

Onae hawe a walaka bimba i wiwinsala. I ra'ai hinao kunepo, i Saulu mewinso i larono ta teta'i i ra'ai, kontongaano i Daudi saru luwuno miano rau ira mpentoro i larono kunepo atuu

1 Samueli 26:13

Ka i'amba i Daudi lumako ihorino susua ka ipentade olai inso a punsuno pongku wita, ranta ka dotepo'olai.

1 Samueli 26:7

Wongi atuu lumako iramo i Daudi ka i Abisai a mpo'iangaado sorodadu. Dokitaomo i Saulu mepombole i tonga-tongano pekemaa, kansaino ipetandapakono a wita umpeda i uluno, ka i Abinere saru sorodadu mpepombole melimbuo.