1 Samueli 26:10 - Wunta Mempori

¹⁰ Ipotae mbo'u i Daudi, ”A nee-Do i Ue anu tuwu, asalakono Ira mepateo i Ue, ke lano haweakoomo tempono, ke mate a mpeteaa.

1 Samueli 26:10 ပူးပေါင်းရင်းမြစ်များ

Tegagia 47:29

Mansano umpedaomo mateano i Isaraeli, ipoboio i Yusupu, anano, ka ipotaeakono, ”Tewala mohawe aku pompehohawamu, po'ineeomo ka unaao kaemu i totono puu mpa'aku, ka pesumpamo nine omue komopokitao pompehohawa ka petenunumu ndi ongkue: Si kaburu aku i Masiri.

Ayubi 14:14

Tewala mia mate, ipolioke tuwu mbo'u? Aku momperorohi a laro luwuno oleo pompemasusaku, ranta ka ihawe tepotolaaku.

Ayubi 14:5

Tewala luwuno oleono manasaomo, porokono wulano manasaomo ndi Omiu, ka luwuno tidano umariomo Ipakosio, ranta nahi pokolimpaio,

Ayubi 7:1

”Kombake mia asalakono memate-mateako i tolino, ka luwuno oleono kana oleono mia tinambo?

Po'unde-unde 37:10

Hangano nami tehine mbo'u, ka tampulaomo mia mosa'o gauno; tewala upekokoongakono po'iangano, ka onae nahi kongko mbo'u.

Po'unde-unde 37:13

Ondae i Ue mengingisiakono mia mosa'o gauno atuu, hangano Dokitao nine oleono umpedaomo.

Po'unde-unde 94:23

Ira mombalo a mpoweweudo anu mosa'o, ka hangano poweweudo anu mosa'o Ira mepate ira; Ondae i Ue, Ue Alato, Ira mepate ira.

Puu Pontutulu 3:2

Hinao tempono pine'anaako ka hinao tempono mate, hinao tempo mompaho ka hinao tempo mobuta anu pinaho;

I LUKASI 18:7

Nde nahi Ira mokomenteeo Ue Ala luwuno mia bininiki-Do anu meene ka wongi mpebooli ndi Ondae? Ka nde Ira motuluoke tempo ka Do'amba tumulungi ira?

ROMA 12:19

Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue.

Winali 31:14

Ka i'amba Ondae i Ue mepau ndi Musa, ”Menteeano rangkuomo tempono mateamu. Poboiomo i Yosua ka pentademo saru onae i laro Kema Tepotowoa, ka Kupoweeakono parenta.” Ka i'amba i Musa saru i Yosua lumako ka mentade i larono Kema Tepotowoa.

Winali 32:35

Pontooa ka pombaloa onaemo tia-Ku, i tempono karudo namimoroso, hangano oleo masolaado rangkuomo, hapa anu domempinatindaako tamo ronga hawe.”

IBARANI 10:30

Hangano tomento'ori Ira anu mepau, ”Pombaloa onaemo tia-Ku. Ongkuemo anu tumuntuo pombaloa.” Ka mbo'u, ”Ondae i Ue Ira bitarao bawaa-Do.”

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,

MENGKAAA 18:8

Onaemo pu'uno luwuno marasaiano ta hawe i larono aasa oleo, onaemo haki lele ka po'inombo ka mokoninggoa; ka onae ta tinunu a api, hangano Ondae Ue Ala, anu bitarao, moroso Ira.”

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 24:15

Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!

1 Samueli 25:38

Bara'ura hopulu oleo umarino atuu, Ondae i Ue humukuo i Naba ranta ka imate.

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.

1 Samueli 31:4

Motae i Saulu a mia mowawa sangka mpeteano, ”Butao ponaimu, ka tobo aku, kasi mansa mia anu nahi dompetindi andio mentobo aku ka dompemae-maeakune.” Sine mia anu mowawa sangka mpeteano atuu nahi behe, hangano tedoa doito. Onaemo ka i'alao i Saulu ponai atuu ka ipebangkuako i wawono ponai atuu.

1 Samueli 31:6

Kanandiomo teweweuno i Saulu, otolu ira anano, ka mia anu mowawaakono sangka mpeteano, saru luwuno miano memate ira luwu oleo atuu.