1 Samueli 25:39 - Wunta Mempori

³⁹ Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.

1 Samueli 25:39 ပူးပေါင်းရင်းမြစ်များ

2 Samueli 1:16

Motae i Daudi ndi onae, ”Ususuruo omuemu reamu, nde hangano paumu omuemu gagiomo sakosii umewaiko ka upotae: Kupepateomo mia anu inurapi-Do i Ue.”

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

Esetere 7:10

Ka do'amba mesonsoo i Hamani a ngkeu pinontadeno tiano i Modekai. Ka i'amba morini aroado mokole.

Esetere 9:25

sine mansado pinauako mokole mongkona atuu, onaemo ka dopepau mesala a wunta, kai sinule sinongkano i Hamani anu mosa'o a nto Yahudi atuu a wawo uluno onaeno. Onaemo pu'uno i Hamani saru luwuno anano ka domesinonso a ngkeu pinontade.

Po'unde-unde 7:16

Onae moweweu aa ka kumekeo, sine onaeno tedonta a laro aa anu wineweuno.

Po'unde-unde 9:5

Hangano Omiu umalaakono kara-karaku ka tiaku, Omiu mentoro a wawo ngkadera poparentaa gagi puu mpobitara anu moleo.

Powadi 18:22

Isema mohawe beineno, mohawe me'uraa, ka Dopemoikoo i Ue.

Powadi 19:14

Raha ka arataa onaemo pusakado uempu'u, sine beineno anu molino pinewowolono inso koa ndi Ondae i Ue.

Powadi 22:23

Hangano Ondae i Ue umala-alaakono kara-karado, ka umalao penaano mia anu rumontuki ira.

Powadi 31:10

Beineno anu pande isemake ta humaweo? Onae masuliopo olino sekonopo paramata.

Powadi 31:30

Tekosi atuu mompopo'oo ka tekosia nahina tuduno, sine beineno anu doitoako Ira i Ue inunde-unde.

Penani Maramba 8:8

Hinao uaimami asa beine anu napi hina wua radano. Hapake anu kimpoweweu a uai beinemami a oleo mpesikenoa?

Mika 7:9

Aku tumembio tekuda-Do i Ue, hangano tehala akumo ndi Ondae, ranta ka Do'ungkeakono kara-karaku ka tumeahakono moleoa ndi ongkue. Ira wawa aku a mewantaano, ka kukitao moleo-Do.

2 KORINTI 13:7

Mekakai kami ndi Ondae Ue Ala, ka si mpoweweu anu mosa'o komba ka imengkaa monangi kami, tendeano omiu andio ka impoweweu hapa anu moiko, maupo omami isa'a tengkita nahi kiponangi.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

2 TIMOTIU 4:18

Ka Ondae i Ue Ira motola aku inso a sompo tinoo anu mosa'o. Ira kumadudui aku, ranta ka kupewinso a laro Poparentaa-Do i suruga. Tia-Domo marambaa ranta nahina tampulaano! Ami.

Puu Mpobitara 5:2

Nde pongkiarido i Isaraeli iramo mpetea, nde tongku atuu dompeweengakono koroido ia po'eheno aroano, unde-unde Ira i Ue!

1 Samueli 24:15

Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 25:26

Kanandio-andio ueku, a nee-Do i Ue anu tuwu ka tumuwumiu, hangano Ondae i Ue anu umonto komiu mombalaoko kaemiu a iwalimiu, po'ineeomo luwuno iwalimiu anu montoo ta sumolangi komiu ueku kana i Naba!

1 Samueli 25:32

Motae i Daudi ndi Abigai, ”Unde-unde Iramo i Ue, Ue Alado to Isaraeli, anu tumenako aiwa tepohaweakune oleo andio.

1 Samueli 25:34

Sine a nee-Do i Ue anu tuwu, Ue Alado Isaraeli anu umonto akumo moweweu anu mosa'o ndi omue, ande-andeno ba omue nahi uronga aiwa tepohaweakune, asalakono nahina maupo te'asa tama anu da tuwu ndi Naba hawe kai mewanta oleo.”

1 Samueli 25:40

Tetenaano i Daudi mehawe ndi Abigai i Karameli, ka dompotaeakono, ”Omami itena kami i Daudi aiwa umalakomiu ta gagi kombiado.”

1 Samueli 26:10

Ipotae mbo'u i Daudi, ”A nee-Do i Ue anu tuwu, asalakono Ira mepateo i Ue, ke lano haweakoomo tempono, ke mate a mpeteaa.