1 Samueli 25:36 - Wunta Mempori

³⁶ Mansano hawe i Abigai ndi Naba, onae kontongaano morame-rame langkai i rahado kana porame-ramedo mokole. Mawongko ntu'u aroano i Naba ka tedoa molangu. Onaemo pu'uno ranta ka isaba oleo, beine atuu nahi pompauakono hapa-hapa ndi Naba.

1 Samueli 25:36 ပူးပေါင်းရင်းမြစ်များ

2 Samueli 13:23

Orua nta'u umarino atuu, i Abisalo mogonti wulu bimba i Baala-Hasori, umpeda i Eparai. Onaemo ka i'olu ira i Abisalo luwuno ana ntamado mokole.

2 Samueli 13:28

Ka i'amba i Abisalo parenta ira miano kanandio, ”Pepenteeomo! Tempono aroano i Aminoni mawongko hangano anggoro, ka aku mepau ndi omiu: Tunduhiomo i Aminoni ka pepateo. Si medoito, kombake ongkue anu parentako? Pokorosoo aroamiu ka imegagimo mosia!”

2 Samueli 3:20

Itempono i Abinere hawe ndi Daudi i Heberoni saru rua pulu mia, i Daudi moweweuakono i Abinere pelimbua ka luwuno mia anu merongaakono.

1 Mokole 20:16

Ntonga oleo, melako iramo mposapoi, kontonggano mo'inu i Benihada ranta kai molangu a laikano saru tolu pulu ka orua mokole anu mokowalio.

Po'unde-unde 112:5

Me'uraomo mia anu me'aroa ka mompesaboako, anu weweuo urusano moleo,

Powadi 20:1

Anggoro atuu pasinggiri, inua mokora atuu mompokogagi pohohoi, nahi komba pande mosongka mia anu kobangku-bangku hangano onae.

Puu Pontutulu 10:19

Maroa pengingisido mia mpopatinda kaanga; anggoro mokomawongkoo tumuwu ka doi mokohinao luwuno atuu.

Yesaya 28:3

Ramba-ramba ulu pino'undeakodo anu memolangu i Eparai atuu ta linolandaako karu.

Yesaya 5:11

Masola ntu'u mia anu mewangu mo'o-mo'oru ka tetutu mo'ungke inua anu mompokomolangu, ka i'amba mentoro-toro hawe wongi, molanguako anggoro!

Yeremia 51:57

Aku weweu ira memolangu mia pinemota'uno, luwuno miano anu pande mosongka, luwuno bupatino, anu mempabawa, ka luwuno sorodaduno, ranta ka dontekoturi nahina tampulaano, ka nahi ira mpewangu mbo'u, kanandiomo pau-Do Mokole, Ueno luwuakoano nee-Do.

Hosea 4:11

Anggoro ka uwoi anggoro mokontetadio pinewowolo mentee.

Nahumi 1:10

Hangano, maupo ondae kana enano rui, ka mpo'inu kana mia wela molangu, ira pingko mengkinaa kana seami mokari.

I MATIU 10:16

”Kitao, Kutena komiu kana bimba i tonga-tongano serigala, onaemo pu'uno ka imempade mpe'aka kana ule ka imemauru kana marapatii.

I LUKASI 14:12

Ka motae Ira mbo'u i Yesu a mia anu umolu Ira, ”Tewala moweweuko pelimbua meene ke wongi, si olu ira sambe'emu ke pepaekompomu ke pe'etumu ke pehori rahamu anu kaea, hangano ira koa mensuloo me'oluko mbo'u ka ba kanandio omue mohawe sulono.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

ROMA 13:13

Aiwamo tomentuwu mponto'ori gau, kana tempono meene, komba a mpogawea nahina sa'uno ka memolangu, komba a mpebelesua ka montonda po'eheno aroa, komba a nteposisalaa ka mengkohili.

EPESU 5:14

Onaemo pu'uno ka ipinau, ”Impewangumo, hei omiu anu mpoturi ka impewangumo inso i olodo mia mate ka Ondae i Kerisituu Ira wantahi komiu.”

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

1 Samueli 25:19

Umarino atuu ipotaeako ira tetenaano, ”Imelakomo ntese'elu, aku tumonda komiu.” Sine nahi pinauako i Naba, tamano.

1 Samueli 25:37

Tisomono mo'oru, mewanguomo i Naba ka tetadiomo molanguno, ipauakonomo kombiano luwuno anu gagi atuu. Mingki te'onto ipenaa, koroino tidongkora kana watu.