1 Samueli 25:1 - Wunta Mempori

¹ Mateomo i Semueli ka luwudo to Isaraeli mpepumpu mpo'inomboakono. Ka domengkaburuo i Rama, po'iangano. I Daudi lumako i Pada One Parani.

1 Samueli 25:1 ပူးပေါင်းရင်းမြစ်များ

Tegagia 14:6

ka to Hori i Seiri, mentorukunodo, hawe i Eli-Parani umpeda i pada one.

Tegagia 21:21

Onae mo'ia i pada one Parani, ka ineno mo'alaakono beineno inso i wita Masiri.

Tegagia 23:2

Ka i'amba i Sara mate i Kiriati-Araba, onaemo Heberoni, i wita Kana'a, ka i'amba i Burahima aiwa sumabangio ka mengeseio i Sara.

Tegagia 50:11

Tempono palilino wita atuu, to Kana'a, mengkitao po'inombo i Gorene-Ha'atada atuu, dompotae, ”Onaemo andio po'inombodo to Masiri anu tedoa magaga.” Onaemo pu'uno po'ianga atuu nineeako Abeli-Misiraimi, anu po'iangano i asatowano Yarade.

1 Mokole 2:34

Melungkaomo i Benaya anano i Yoyada. I'impahio i Yoabi ka ipepateo. Ka i'amba kumaburuo i Yoabi i rahano onaeno i pada one.

2 Mokole 21:18

Ka i'amba i Manase mate. Onae kinaburu a lere bunga langkanaeno, a lere bunga Usa. Ka i'amba i Amoni, anano gagi mokole umeuo.

2 Tawarika 33:20

I Manase mohawe penaa-naaano saru uempu'uno, ka onae kinaburu i laro langkanaeno. Ka i'amba i Amoni, anano gagi mokole umeuo.

Po'unde-unde 120:5

Masola akumo, hangano asalakono mo'ia kana mia hawe i Meseki, hangano asalakono mo'ia mpiha i olodo luwuno kemado to Kedari!

Yesaya 14:18

Luwuno mokoledo tongku anu memate iramo mpepombole a laro marambaa, singge mia a laro ngkaburuno.

Sakaria 1:5

Isua irake uempu'umiu? Ka luwuno nabi, nde mentuwu ira hawe nahina tampulaano?

Podoaa 10:12

To Isaraeli mbo'u mpelungka inso i pada one Sinai montonda potudano pelungkado, ranta kai penaa-naa seru atuu i pada one Parani.

Podoaa 12:16

Ka i'amba mpelungka iramo inso i Haseroti ka mpekema i pada one Parani.

Podoaa 13:26

Melako ira ntepohaweakono i Musa, i Haruni ka luwuno bawaa Isaraeli i Kadesi, i pada one Parani. Mpowawa ira lele ndi ondae ka a luwuno bawaa saru mopokitao hasilino wita atuu ndi ondae luwudo.

Podoaa 13:3

Ka i'amba i Musa tumena ira inso i pada one Parani, menunu saru petena-Do i Ue. Luwudo mia atuu onaemo petewawa i olodo to Isaraeli.

Podoaa 20:29

Mansado mengkitao luwuno bawaa atuu nine i Haruni mateomo, onaemo to Isaraeli ka dompengeseio i Haruni tolu pulu oleo tehineno.

WINEWEUDO TINENA 8:2

Mia anu mpesomba ntu'u mengkaburuo wata ngkoroino i Setepanu saru mensabangio tedoa mpopemasusa.

Winali 34:8

To Isaraeli mensabangio i Musa i lembono Moabi i larono tolu pulu oleo. Ka i'amba tampulaomo oleo ponsabangia ka masusaakono i Musa.

1 Samueli 1:19

Tisomono mo'oru, mpewangu iramo ka dompenggolontu mpesomba i aro-Do i Ue. Ka do'amba mpekule i Rama. I Elikana mewowaliakono i Hana, kombiano, onaemo ka Doronsoo i Ue i Hana.

1 Samueli 28:3

Mateomo i Semueli ka luwudo to Isaraeli mensabangio ka domengkaburuo i Rama, a kotano. I Saulu umariomo sumaari ira luwuno mia mpopoboi onituno mia mate ka puu pongkita anu ta gagi inso i wita atuu.

1 Samueli 7:17

Umarino atuu ka i'amba mekule i Rama, hangano i ra'ai rahano. Inso i ra'ai ipoparenta gagi puu mpobitara a nto Isaraeli. I tu'ai, ipowangu meda pontunua pesomba ndi Ondae i Ue.