1 Samueli 24:15 - Wunta Mempori

¹⁵ Isemake anu linuluno mokoledo to Isaraeli? Isemake anu linulumiu? Butu dahu mate! Butu anu kana kutu!

1 Samueli 24:15 ပူးပေါင်းရင်းမြစ်များ

2 Tawarika 24:22

Mokole Yoasi nahi pewowoloo petenunu anu itisoakono i Yoyada, amano i Sakaria a ngkoroino ka ipepateo anano i Yoyada atuu. Tamo haweako tempono mate, onae mebooli, ”Po'ineeomo Dokitao i Ue ka Dopombalo!”

Po'unde-unde 119:154

Ikorahakonomo kara-karaku ka Itolosi akumo, Iweweu akumo tuwu menunu saru dandi-Miu.

Po'unde-unde 35:1

Inso ndi Daudi. Ewai iramo mia anu umewai aku, oo Ue, Ipeteamo umewaio mia anu meteaakune!

Po'unde-unde 43:1

Ipowee akumo moleoa, oo Ue Ala, ka Ikorahakonomo kara-karaku a nsuku anu nahi moleo! Ipotola akumo inso a anu mompopo'oo ka mia molengku!

Mika 1:2

Imerongeomo, hei luwuno tongku! Impekokoongakono, hei tolino saru ihino! Po'ineeomo Ondae Ue Ala gagi sakosii ndi omiu, onaemo Ondae i Ue inso a raha-Do anu mempori.

Mika 7:9

Aku tumembio tekuda-Do i Ue, hangano tehala akumo ndi Ondae, ranta ka Do'ungkeakono kara-karaku ka tumeahakono moleoa ndi ongkue. Ira wawa aku a mewantaano, ka kukitao moleo-Do.

Puu Mpobitara 11:27

Gagi nahina salaku ndi omue, sine omue moweweuko anu mosa'o ndi ongkue upe'iwaliakune. Ondae i Ue, puu Mpobitara atuu, Ondaemo anu gagi puu mpobitara oleo andio i ilodo to Isaraeli ka inuledo to Amoni.”

1 Samueli 17:43

To Pelisiti atuu motaeakono i Daudi, ”Dahu akuke ranta kau aiwa tumotowoakune tuko?” Ka i'amba to Pelisiti atuu tumotonaao i Daudi a neeno luwuno anu pinesombai susua.

1 Samueli 24:12

Ikitao, Amaku, ndiomo untuno lemba meloemiu a ngkaeku sine nahi kupepate komiu! Gagi temolinomo pinewowolomiu ka ikitaomo nine kaeku nahina wineweuno anu mosa'o umewai komiu. Nahi kupoweweu hala ndi omiu, maupo iwela lumulu aku mingki mepate aku.

1 Samueli 25:39

Irongeo i Daudi nine mateomo i Naba, ipotae, ”Unde-unde Ira i Ue, anu tumaloi aku inso a mpompe'uru-uruno i Naba ndi ongkue, ka anu umontoo tetenaa-Do moweweu mosa'o. Ondae i Ue humukuo i Naba hangano wineweuno anu mosa'o.” Ka i'amba i Daudi montena mia mepauakono i Abigai ta umalao gagi kombiano.

1 Samueli 26:20

Gagi, kasi mansa te'uwu reaku a wita, olai inso ndi Ondae i Ue. Hangano, mokoledo to Isaraeli meluarako ta molulu asa kutu, kana mia molulu torato ia pongku-pongku wita.”

1 Samueli 26:4

montenaomo puu pompadaso. Ka domehaweo nine i Saulu haweomo ntu'u.